పెరిగిన బంగారం ధరలు.. రూ.1.54 లక్షలు దాటిన పసిడి.. నేటి ధరలివే

బంగారం, వెండి ధరలు మళ్లీ పుంజుకున్నాయి. హైదరాబాద్ సహా దేశంలోని ప్రధాన నగరాల్లో సెప్టెంబరు 8న నమోదైన తాజా 24 క్యారెట్లు, 22 క్యారెట్ల బంగారం, వెండి రేట్ల వివరాలు ఇక్కడ తెలుసుకోండి.

పశ్చిమాసియా ప్రాంతంలో మళ్లీ మొదలైన సైనిక దాడులు, ముదురుతున్న యుద్ధ భయాలు ప్రపంచ కమోడిటీ మార్కెట్లను కలవరపెడుతున్నాయి. ఈ పరిణామాల నేపథ్యంలో మంగళవారం (సెప్టెంబరు 8) దేశీయ రిటైల్ మార్కెట్లో పసిడి, వెండి ధరలు మళ్లీ ఊపందుకున్నాయి.

యుద్ధ భయాలు.. పెరుగుతున్న చమురు ధరలు

పెరిగిన బంగారం ధరలు.. రూ.1.54 లక్షలు దాటిన పసిడి.. నేటి ధరలివే

అమెరికా, ఇరాన్ మధ్య ఘర్షణలు తీవ్రతరం కావడంతో హోర్ముజ్ జలసంధి గుండా సాగే అంతర్జాతీయ ఇంధన సరఫరాకు విఘాతం కలుగుతుందనే ఆందోళన నెలకొంది. దీంతో బెంచ్ మార్క్ బ్రెంట్ క్రూడాయిల్ ధర బారెల్‌కు 100 డాలర్ల వైపు శరవేగంగా దూసుకెళ్తోంది. దీనికి తోడు అమెరికన్ డాలర్ విలువ క్షీణించడం బంగారం కొనుగోళ్లకు మరింత కలిసివచ్చింది.

అంతర్జాతీయ మార్కెట్లో గత రెండు సెషన్ల నష్టాల నుంచి పసిడి కోలుకుంది. స్పాట్ గోల్డ్ ధర 0.7 శాతం పెరిగి అన్సు 4,435 డాలర్ల వద్ద ట్రేడ్ అవుతోంది. ఇతర లోహాల విషయానికి వస్తే స్పాట్ వెండి 1 శాతం పెరిగి 66.78 డాలర్లకు చేరగా, ప్లాటినం 0.4 శాతం పెరిగి 1,834 డాలర్లు, పెల్లాడియం 1 శాతం పెరిగి 1,402.87 డాలర్ల వద్ద నమోదు అయ్యాయి. "ప్రస్తుతం పసిడి మార్కెట్‌లో కొనుగోలుదారులు, విక్రేతల మధ్య తీవ్ర పోటీ నెలకొంది" అని పెప్పర్‌స్టోన్ రీసెర్చ్ హెడ్ క్రిస్ వెస్టన్ విశ్లేషించారు.

దేశీయ మార్కెట్‌లో భగ్గుమన్న ధరలు

గ్లోబల్ మార్కెట్ సంకేతాలతో భారతదేశంలో 24 క్యారెట్ల బంగారం ధర 0.52 శాతం (రూ. 790) పెరిగి 10 గ్రాములు రూ. 1,54,080 స్థాయికి చేరింది. మల్టీ కమోడిటీ ఎక్స్ఛేంజ్ (ఎంసీఎక్స్)లో పసిడి ఫ్యూచర్స్ ధర 0.47 శాతం పెరిగి రూ. 1,53,538 వద్ద ట్రేడ్ కాగా, ఎంసీఎక్స్ వెండి ఫ్యూచర్స్ 0.71 శాతం పెరిగి కిలో రూ. 2,40,700 వద్ద కొనసాగుతోంది.

ప్రధాన నగరాల్లో బంగారం, వెండి రేట్లు (సెప్టెంబరు 8)

హైదరాబాద్: 24 క్యారెట్ల బంగారం (10 గ్రాములు) రూ. 1,54,170 ఉండగా.. 22 క్యారెట్ల బంగారం రూ. 1,41,323గా ఉంది. కిలో వెండి ధర రూ. 2,40,430 వద్ద నమోదైంది.

చెన్నై: 24 క్యారెట్ల బంగారం రూ. 1,54,370; 22 క్యారెట్ల బంగారం రూ. 1,41,506; వెండి రూ. 2,40,750.

బెంగళూరు: 24 క్యారెట్ల బంగారం రూ. 1,54,050; 22 క్యారెట్ల బంగారం రూ. 1,41,213; వెండి రూ. 2,40,240.

ముంబై: 24 క్యారెట్ల బంగారం రూ. 1,53,930; 22 క్యారెట్ల బంగారం రూ. 1,41,103; వెండి రూ. 2,40,050.

న్యూఢిల్లీ: 24 క్యారెట్ల బంగారం రూ. 1,53,660; 22 క్యారెట్ల బంగారం రూ. 1,40,855; వెండి రూ. 2,39,630.

కోల్‌కతా: 24 క్యారెట్ల బంగారం రూ. 1,53,720; 22 క్యారెట్ల బంగారం రూ. 1,40,910; వెండి రూ. 2,39,730.