UPI : యూపీఐకి క్రెడిట్ కార్డును ఎలా లింక్ చేయాలి? ఎలా ఉపయోగించాలి?

భారతదేశంలో డిజిటల్ చెల్లింపుల విప్లవానికి యూపీఐ ఒక వెన్నెముకగా నిలిచింది. ఇప్పుడు క్రెడిట్ కార్డును యూపీఐకి లింక్ చేసే సదుపాయం కూడా రావడంతో, బ్యాంక్ బ్యాలెన్స్‌తో సంబంధం లేకుండా క్రెడిట్ పరిమితిని ఉపయోగించి సులభంగా మర్చంట్ పేమెంట్స్ చేసుకోవచ్చు.

భారతదేశంలో ప్రజలు రోజువారీ చెల్లింపులు చేసే విధానాన్ని యూపీఐ ఇప్పటికే మార్చివేసింది. కిరాణా కొనుగోళ్ల నుంచి బిల్లుల చెల్లింపుల వరకు ఇది వేగం, సరళత, విశ్వసనీయతను అందిస్తోంది. ఇక 'క్రెడిట్ ఆన్ యూపీఐ' పరిచయంతో ఈ వ్యవస్థ మరింత అనువైనదిగా మారింది. వినియోగదారులు ఇప్పుడు వారి క్రెడిట్ కార్డులను యూపీఐకి లింక్ చేసుకుని, వారి బ్యాంక్ బ్యాలెన్స్‌పై మాత్రమే ఆధారపడకుండా మర్చంట్ పేమెంట్స్ కూడా చేయవచ్చు. మరి యూపీఐకి క్రెడిట్​ కార్డును ఎలా లింక్​ చేయాలి? ఎలా వాడుకోవాలి? ఇక్కడ తెలుసుకోండి..

యూపీఐకి క్రెడిట్​ కార్డు లింక్​ చేయడం ఎలా?

క్రెడిట్ ఆన్ యూపీఐ అంటే ఏంటి?

క్రెడిట్ ఆన్ యూపీఐ అనేది వినియోగదారులను సేవింగ్స్ ఖాతాకు బదులుగా లింక్ చేసిన క్రెడిట్ కార్డును ఉపయోగించి చెల్లింపులు చేయడానికి అనుమతిస్తుంది. కార్డును లింక్ చేసిన తర్వాత, యాప్‌లో చెల్లింపు చేసే సమయంలో క్రెడిట్ కార్డు ఒక ఆప్షన్‌గా కనిపిస్తుంది.

లావాదేవీ ప్రక్రియ మునుపటిలాగే ఉంటుంది: క్యూఆర్ కోడ్‌ని స్కాన్ చేయడం, అమౌంట్​ని నమోదు చేయడం, పిన్​తో సురక్షితంగా చెల్లింపు చేయడం.

ఈ ఫీచర్ ఆన్‌లైన్, ఆఫ్‌లైన్ మర్చంట్ లావాదేవీల కోసం ప్రత్యేకంగా రూపొందించడం జరిగింది. ఇది పీర్-టు-పీర్ ట్రాన్స్​ఫర్స్​కి మద్దతు ఇవ్వదు.

క్రెడిట్ కార్డును మీ యూపీఐ యాప్‌కి లింక్ చేయడం ఎలా?

రూపే క్రెడిట్ కార్డును యూపీఐ యాప్‌కి లింక్ చేయడం చాలా సులభం:

యాప్‌లోని 'పేమెంట్ మెథడ్స్' సెక్షన్‌కు వెళ్లాలి.

మీ క్రెడిట్ కార్డ్ జారీ చేసిన బ్యాంక్‌ను ఎంచుకోవాలి.

వన్-టైమ్ పాస్‌వర్డ్​తో కార్డ్ వెరిఫై చేయాలి.

క్రెడిట్ ఆధారిత చెల్లింపుల కోసం ప్రత్యేక యూపీఐ పిన్ సెట్ చేసుకోవాలి. ఒకసారి లింక్ అయిన తర్వాత, ఫిజికల్ కార్డు అవసరం లేకుండానే క్యూఆర్ కోడ్ ద్వారా నగదు రహిత చెల్లింపులు చేసుకోవచ్చు.

క్రెడిట్ కార్డుతో యూపీఐని ఎలా ఉపయోగించాలి?

మీరు తరచూ వాడే యూపీఐ యాప్‌ను ఓపెన్ చేయండి.

ప్రొఫైల్ లేదా పేమెంట్ మెథడ్స్ సెక్షన్‌కు వెళ్లండి.

రూపే క్రెడిట్ కార్డును జోడించి వెరిఫికేషన్ పూర్తి చేయండి.

లావాదేవీలు చేసేందుకు పిన్​ని సెట్ చేయండి.

ఏదైనా మర్చంట్ క్యూఆర్ కోడ్‌ని స్కాన్ చేయండి.

అమౌంట్ ఎంటర్ చేసి, పేమెంట్ ఆప్షన్‌గా లింక్ చేసిన క్రెడిట్ కార్డును ఎంచుకోండి.

మీ పిన్‌ని ఉపయోగించి లావాదేవీని నిర్ధారించండి.

ముఖ్యమైన వివరాలు, ప్రయోజనాలు..

సపోర్టెడ్ కార్డ్స్: ప్రస్తుతం రూపే క్రెడిట్ కార్డులకు మాత్రమే ఈ సదుపాయం ఉంది.

మర్చంట్ పేమెంట్స్: కేవలం వ్యాపారులకు మాత్రమే చెల్లింపులు చేయవచ్చు, వ్యక్తిగత కాంటాక్ట్‌లకు కాదు.

రివార్డ్ పాయింట్లు: అర్హత కలిగిన లావాదేవీలపై క్రెడిట్ కార్డ్ రివార్డ్ పాయింట్లు యథావిధిగా లభిస్తాయి.

భద్రత: లావాదేవీలు యూపీఐ పిన్‌తో సురక్షితంగా ఉంటాయి. దీనివల్ల మోసాల ముప్పు తగ్గుతుంది.

రీపేమెంట్: వడ్డీ లేదా అదనపు ఛార్జీలను నివారించడానికి క్రెడిట్ కార్డు బిల్లును సకాలంలో చెల్లించడం ముఖ్యం.

ఇది ఎక్కడ బాగా ఉపయోగపడుతుంది?

రిటైల్ షాపింగ్, డైనింగ్, సబ్‌స్క్రిప్షన్‌లు, బిల్లు చెల్లింపుల వంటి రోజువారీ మర్చంట్ పేమెంట్స్‌కు ఇది బాగా పనిచేస్తుంది. నగదు కొరత ఉన్న సమయంలో ఇది వెసులుబాటును కల్పిస్తుంది.