ఆరోగ్య బీమా (Health Insurance) ఉన్న ప్రతి ఒక్కరినీ వేధించే ఒకే ఒక ప్రశ్న.. "అత్యవసర సమయంలో నా క్లెయిమ్ పాస్ అవుతుందా.. లేదా?" అని. పాలసీ తీసుకునే సమయంలో కొన్ని విషయాలు చెప్పలేదనే కారణంతో ఇన్సూరెన్స్ కంపెనీలు క్లెయిమ్స్ను తిరస్కరించడం మనం తరచూ చూస్తుంటాం. ఇలాంటి ఇబ్బందులు తొలగించేందుకు బీమా రంగ నియంత్రణ సంస్థ (IRDAI) 2024లో 'మారటోరియం పీరియడ్' (Moratorium Period) నిబంధనలో కీలక మార్పులు చేసింది.
ఏమిటీ 5 ఏళ్ల మొరటోరియం రూల్?
సాధారణంగా, మీరు పాలసీ తీసుకున్న తర్వాత ఒక నిర్ణీత కాలం పాటు నిరంతరాయంగా ప్రీమియం చెల్లిస్తే, ఆ తర్వాత కంపెనీ మీ క్లెయిమ్ను చిన్న చిన్న కారణాలతో తిరస్కరించడానికి వీలుండదు. గతంలో ఈ గడువు 8 ఏళ్లుగా ఉండేది, కానీ ఇప్పుడు దానిని 5 ఏళ్లకు తగ్గించారు. అంటే, మీరు ఒక పాలసీని వరుసగా ఐదేళ్ల పాటు కొనసాగిస్తే, పాలసీ తీసుకునేటప్పుడు మీరు పొరపాటున కొన్ని విషయాలు వెల్లడించలేదనే సాకుతో ఐదో ఏడాది తర్వాత కంపెనీ మీ క్లెయిమ్ను ఆపలేదు.
పొరపాటుకి.. మోసానికి మధ్య తేడా ఉంది
ఈ నిబంధన వినియోగదారులకు రక్షణ కవచంలా పనిచేస్తుంది, కానీ ఇది అన్ని రకాల అబద్ధాలకు వర్తించదు.
జెన్యూన్ మిస్ (Genuine Miss): పాలసీ తీసుకునేటప్పుడు ఎప్పుడో ఐదేళ్ల క్రితం ఉన్న చిన్నపాటి ఎసిడిటీ సమస్య గురించో, అప్పుడప్పుడు వచ్చే బీపీ గురించో చెప్పడం మర్చిపోతే.. దానిని కంపెనీలు క్షమించాల్సిందే. ఐదేళ్ల తర్వాత ఇలాంటి చిన్న కారణాలతో క్లెయిమ్ రిజెక్ట్ చేయకూడదని రూల్ చెబుతోంది.
కావాలని దాచడం (Fraudulent Concealment): క్యాన్సర్, డయాబెటిస్ వంటి తీవ్రమైన వ్యాధులు ఉన్నా, లేదా గతంలో జరిగిన పెద్ద సర్జరీల గురించి కావాలని దాచిపెడితే మాత్రం ఈ రూల్ మీకు చుట్టం కాదు. మోసం (Fraud) అని నిరూపితమైతే ఐదేళ్ల తర్వాత కూడా మీ క్లెయిమ్ను కంపెనీలు తిరస్కరించవచ్చు, అవసరమైతే పాలసీని కూడా రద్దు చేయవచ్చు.
కంపెనీ మారినా ఈ రూల్ వర్తిస్తుందా?
చాలామందికి ఉండే సందేహం ఇది. మీరు ఒక ఇన్సూరెన్స్ కంపెనీలో 3 ఏళ్లు ఉండి, ఆ తర్వాత వేరే కంపెనీకి పాలసీని పోర్ట్ (Portability) చేసుకున్నారనుకోండి.. రెండో కంపెనీలో మీరు మరో రెండేళ్లు పూర్తి చేస్తే చాలు, మీకు ఈ 5 ఏళ్ల మారటోరియం ప్రయోజనం లభిస్తుంది. అంటే మీరు పాలసీని మారుస్తున్నా, మీ 'మారటోరియం కౌంట్' మాత్రం ఆగదు.
జాగ్రత్త పడటం ఎలా?
{{/usCountry}}చాలామందికి ఉండే సందేహం ఇది. మీరు ఒక ఇన్సూరెన్స్ కంపెనీలో 3 ఏళ్లు ఉండి, ఆ తర్వాత వేరే కంపెనీకి పాలసీని పోర్ట్ (Portability) చేసుకున్నారనుకోండి.. రెండో కంపెనీలో మీరు మరో రెండేళ్లు పూర్తి చేస్తే చాలు, మీకు ఈ 5 ఏళ్ల మారటోరియం ప్రయోజనం లభిస్తుంది. అంటే మీరు పాలసీని మారుస్తున్నా, మీ 'మారటోరియం కౌంట్' మాత్రం ఆగదు.
జాగ్రత్త పడటం ఎలా?
{{/usCountry}}పూర్తి వివరాలు ఇవ్వండి: పాలసీ ఫామ్ నింపేటప్పుడు మీ ఆరోగ్య చరిత్రను ఏమాత్రం దాచకుండా వెల్లడించడం అత్యంత సురక్షితం.
నిరంతరాయంగా కొనసాగించండి: పాలసీలో బ్రేక్ రాకుండా చూసుకోండి. ఒక్కసారి పాలసీ లాప్స్ అయితే, మళ్ళీ మొదటి నుండి ఐదేళ్ల కౌంట్ మొదలవుతుంది.
దర్యాప్తు ఉంటుంది: క్లెయిమ్ వచ్చినప్పుడు కంపెనీలు మీ పాత మెడికల్ రిపోర్టులు, డాక్టర్ ప్రిస్క్రిప్షన్లను క్షుణ్ణంగా తనిఖీ చేస్తాయి. కాబట్టి నిజాయితీగా ఉండటమే ఎప్పుడూ శ్రేయస్కరం.
తరచుగా అడిగే ప్రశ్నలు (FAQs)
1. 5 ఏళ్లు పూర్తయ్యాక క్లెయిమ్ అస్సలు రిజెక్ట్ కాదా?
రిజెక్ట్ కావచ్చు. ఒకవేళ మీరు పాలసీ తీసుకునేటప్పుడు తీవ్రమైన అనారోగ్య సమస్యలను కావాలని దాచిపెట్టారని (Fraud) ఇన్సూరెన్స్ కంపెనీ నిరూపిస్తే, ఐదేళ్ల తర్వాత కూడా క్లెయిమ్ తిరస్కరించే అధికారం వారికి ఉంటుంది.
2. మారటోరియం పీరియడ్ ఎప్పుడు మొదలవుతుంది?
మీరు మొదటిసారి పాలసీ తీసుకున్న రోజు నుండి ఈ పీరియడ్ లెక్కిస్తారు. మధ్యలో పాలసీని వేరే కంపెనీకి మార్చుకున్నా (Portability), ఈ గడువు కొనసాగుతుంది.
3. ఏయే విషయాలు వెల్లడించకపోతే 'జెన్యూన్ మిస్' కిందకు వస్తాయి?
చిన్నపాటి గ్యాస్ట్రిక్ సమస్యలు, బోర్డర్ లైన్ థైరాయిడ్ లేదా బీపీ వంటి చిన్న ఆరోగ్య సమస్యలను మర్చిపోవడాన్ని కంపెనీలు సానుకూలంగా చూడాలని ఐఆర్డీఏఐ సూచిస్తోంది.