బెంగళూరు నగరంలో వీఐపీ సంస్కృతి (VIP Culture) కారణంగా సామాన్య ప్రజలు ఎదుర్కొంటున్న ఇబ్బందులకు అద్దం పట్టే ఘటన ఒకటి వెలుగులోకి వచ్చింది. ఆదివారం ఓల్డ్ ఎయిర్పోర్ట్ రోడ్డులో గవర్నర్ కాన్వాయ్ వెళ్తుండటంతో పోలీసులు ట్రాఫిక్ను పూర్తిగా నిలిపివేశారు. ఆ సమయంలో ఓ వ్యక్తి గర్భిణి అయిన తన భార్యతో కలిసి కారులో వెళ్తున్నాడు. ఆమెకు అత్యవసరంగా వైద్య సహాయం అందించాల్సి ఉండగా, ట్రాఫిక్ జామ్లో చిక్కుకుపోయింది.
పోలీసులు ఎంతకీ వాహనాలను వదలకపోవడంతో విసిగిపోయిన ఆ భర్త, కారు దిగి నేరుగా పోలీసుల ముందే రోడ్డుపై బైఠాయించి నిరసన వ్యక్తం చేశాడు. అత్యవసర వైద్య పరిస్థితుల కంటే వీఐపీల కదలికలకే ప్రాధాన్యత ఇస్తారా? అంటూ పోలీసులను నిలదీశాడు. పోలీసులు అతడిని పక్కకు తప్పుకోవాలని కోరినప్పటికీ, తన భార్య పరిస్థితిని వివరిస్తూ అక్కడి నుంచి కదలడానికి నిరాకరించాడు.
సోషల్ మీడియాలో వెల్లువెత్తిన ఆగ్రహం
అక్కడ ఉన్న ఇతర వాహనదారులు, బాటసారులు ఈ దృశ్యాలను మొబైల్లో రికార్డు చేసి 'X' (ట్విట్టర్) వేదికగా పంచుకోవడంతో ఈ వీడియో కాస్తా వైరల్గా మారింది. ఇప్పటికే అండర్పాస్ నిర్మాణ పనుల వల్ల ఓల్డ్ ఎయిర్పోర్ట్ రోడ్డు నిత్యం ట్రాఫిక్తో నరకాన్ని చూపిస్తోందని, అలాంటిది వీఐపీల కోసం మరో 30 నిమిషాలు నిలిపివేయడం ఏంటని నెటిజన్లు మండిపడుతున్నారు.
"ఓల్డ్ ఎయిర్పోర్ట్ రోడ్డు ఇప్పటికే నిర్మాణ పనులతో ఊపిరాడకుండా ఉంది. అలాంటిది గవర్నర్ మూవ్మెంట్ కోసం దాదాపు 30 నిమిషాల పాటు ట్రాఫిక్ను పూర్తిగా నిలిపివేశారు. గర్భిణీ ఉన్న కారు అందులో చిక్కుకుపోయింది. వీఐపీల సౌకర్యానికి ఇచ్చినంత ప్రాధాన్యత సామాన్య ప్రజల సౌకర్యానికి ఎప్పుడు ఇస్తారు?" అని వీడియో అప్లోడ్ చేసిన నెటిజన్ ప్రశ్నించారు.
ఐటీ రంగ ప్రముఖులు టి.వి. మోహన్దాస్ పాయ్ సైతం ఈ ఘటనపై తీవ్రంగా స్పందించారు. వీఐపీల కోసం ట్రాఫిక్ను అవసరమైన దానికంటే ఎక్కువ సమయం నిలిపివేస్తున్నారని ఆరోపిస్తూ కాబోయే డీకే శివకుమార్ను ట్యాగ్ చేశారు. నగరంలో ఈ వీఐపీ సంస్కృతికి స్వస్తి పలకాలని, పౌరులను గౌరవించాలని కోరారు. గతంలో రాజ్భవన్ వద్ద ఒక ఎస్పీ తనను దుర్భాషలాడిన విషయాన్ని గుర్తు చేస్తూ.. బెంగళూరు సిటీ పోలీస్ కమిషనర్ సీమంత్ కుమార్ సింగ్, కర్ణాటక డీజీపీ ఎం.ఎ. సలీమ్, కేంద్ర హోంమంత్రి అమిత్ షాలను ట్యాగ్ చేశారు.
పోలీసుల స్పందన
{{/usCountry}}ఐటీ రంగ ప్రముఖులు టి.వి. మోహన్దాస్ పాయ్ సైతం ఈ ఘటనపై తీవ్రంగా స్పందించారు. వీఐపీల కోసం ట్రాఫిక్ను అవసరమైన దానికంటే ఎక్కువ సమయం నిలిపివేస్తున్నారని ఆరోపిస్తూ కాబోయే డీకే శివకుమార్ను ట్యాగ్ చేశారు. నగరంలో ఈ వీఐపీ సంస్కృతికి స్వస్తి పలకాలని, పౌరులను గౌరవించాలని కోరారు. గతంలో రాజ్భవన్ వద్ద ఒక ఎస్పీ తనను దుర్భాషలాడిన విషయాన్ని గుర్తు చేస్తూ.. బెంగళూరు సిటీ పోలీస్ కమిషనర్ సీమంత్ కుమార్ సింగ్, కర్ణాటక డీజీపీ ఎం.ఎ. సలీమ్, కేంద్ర హోంమంత్రి అమిత్ షాలను ట్యాగ్ చేశారు.
పోలీసుల స్పందన
{{/usCountry}}ఈ ఉదంతం తీవ్ర చర్చనీయాంశం కావడంతో బెంగళూరు ట్రాఫిక్ పోలీస్ ఉన్నతాధికారులు స్పందించారు. దీనిపై ఇప్పటికే అంతర్గత విచారణ ప్రారంభించామని ఒక సీనియర్ అధికారి తెలిపారు. ఘటనా స్థలంలో అసలు ఏం జరిగిందనే నిజానిజాలను పరిశీలిస్తున్నామని, నివేదిక ఆధారంగా తదుపరి తగిన చర్యలు తీసుకుంటామని స్పష్టం చేశారు.