డబ్ల్యూపీఎల్ (ఉమెన్స్ ప్రీమియర్ లీగ్) 2026 టైటిల్ విన్నర్ ఆర్సీబీ మహిళల జట్టుకు బజాజ్ ఆటో ప్రత్యేకమైన గిఫ్ట్ని ప్రకటించింది. ఫ్రాంచైజీతో సంస్థ అసోసియేషన్లో భాగంగా రాయల్ ఛాలెంజర్స్ బెంగళూరు మహిళల జట్టులోని ప్రతి సభ్యురాలికి ఒక చేతక్ సీ25 ఎలక్ట్రిక్ స్కూటర్ని బహుమతిగా ఇచ్చింది.
బజాజ్ సంస్థ నుంచి వస్తున్న అఫార్డిబుల్ ఎలక్ట్రిక్ స్కూటర్ ఈ సీ25.
బజాజ్ చేతక్ సీ25 ఎలక్ట్రిక్ స్కూటర్- ఫీచర్లు, పనితీరు..
బజాజ్ చేతక్ లైనప్లో అత్యంత సరసమైన మోడల్గా నిలిచిన కొత్త సీ25, రోజువారీ నగర ప్రయాణికుల కోసం తయారైంది. ఇది చేతక్ 30, 35 సిరీస్ మోడళ్ల కంటే తక్కువ ధరకు లభిస్తుంది. కానీ అదే బలమైన మెటల్-బాడీ మన్నికను కలిగి ఉండటం విశేషం.
వేగం: హబ్-మౌంటెడ్ మోటార్ సహాయంతో ఈ ఎలక్ట్రిక్ స్కూటర్ గరిష్టంగా గంటకు 55 కి.మీల వేగంతో ప్రయాణించగలదు.
బ్యాటరీ, రేంజ్: ఇది 2.5 కేడబ్ల్యూహెచ్ బ్యాటరీ ప్యాక్తో వస్తుంది, ఇది ఐడీసీ-సర్టిఫైడ్ 113 కి.మీల రేంజ్ను అందిస్తుంది.
ఛార్జింగ్: 750 డబ్ల్యూ ఆఫ్-బోర్డ్ ఛార్జర్ని ఉపయోగించి, సుమారు రెండున్నర గంటల్లో 0 నుంచి 80 శాతం ఛార్జింగ్ పూర్తి చేయవచ్చు.
బజాజ్ చేతక్ సీ25 ఎలక్ట్రిక్ స్కూటర్- ధర, ప్రారంభ ఆఫర్లు..
ఈ బజాజ్ చేతక్ సీ25 ఈ-స్కూటర్ ఎక్స్షోరూం ధర రూ. 91,399గా ఉంది. అయితే తొలి 10,000 మంది కస్టమర్ల కోసం బజాజ్ ఒక ఇంట్రొడక్టరీ ఆఫర్ని ప్రకటించింది. దీని కింద రూ. 4,299 లబ్ధి చేకూరుతుంది. ఫలితంగా ఈ స్కూటర్ ఎక్స్-షోరూమ్ ధర రూ. 87,100 కి తగ్గుతుంది.
ప్రస్తుతం ఎంపిక చేసిన నగరాల్లో ప్రారంభమైన విక్రయాలు, ఈ ఎలక్ట్రిక్ స్కూటర్ ఉత్పత్తి పెరిగే కొద్దీ విడతల వారీగా దేశవ్యాప్తంగా అందుబాటులోకి రానున్నాయి.
{{/usCountry}}ప్రస్తుతం ఎంపిక చేసిన నగరాల్లో ప్రారంభమైన విక్రయాలు, ఈ ఎలక్ట్రిక్ స్కూటర్ ఉత్పత్తి పెరిగే కొద్దీ విడతల వారీగా దేశవ్యాప్తంగా అందుబాటులోకి రానున్నాయి.
{{/usCountry}}అదనపు ఫీచర్లు: ఎంట్రీ లెవల్ మోడల్ అయినప్పటికీ, సీ25లో అనేక ఫీచర్లు ఉన్నాయి:
మెటల్ బాడీ, ఐపీ67-రేటెడ్ బ్యాటరీ ప్యాక్.
ఫ్రంట్ డిస్క్, రియర్ డ్రమ్ బ్రేక్లు.
170 ఎంఎం గ్రౌండ్ క్లియరెన్స్, లో- టర్నింగ్ రేడియస్.
హిల్-హోల్డ్ అసిస్ట్, రివర్స్ మోడ్, ఎకో, స్పోర్ట్ రైడ్ ఆప్షన్లు.
గైడ్-మీ-హోమ్ లైటింగ్, బేసిక్ కనెక్టెడ్ ఫంక్షన్లు.
డబ్ల్యూపీఎల్ 2026 విజయంలో భాగమైన ఆర్సీబీ మహిళల జట్టుకు ఈ స్కూటర్లను బహుమతిగా ఇవ్వడం ద్వారా, బజాజ్ చేతక్ తన బ్రాండ్ గుర్తింపును భారత మహిళా క్రికెట్లోని అత్యున్నత క్షణంతో ముడిపెట్టింది.