RRB Technician Recruitment : ఆర్​ఆర్బీ టెక్నీషియన్ రిక్రూట్​మెంట్​ రిజిస్ట్రేషన్​కి ఇంకొన్ని రోజులే ఛాన్స్

రైల్వే రిక్రూట్‌మెంట్ బోర్డ్ (ఆర్​ఆర్బీ) 6,557 టెక్నీషియన్ పోస్టుల భర్తీకి చేపట్టిన రిజిస్ట్రేషన్ ప్రక్రియ ఇంకొన్ని రోజుల్లో ముగియనుంది. ఈ నేపథ్యంలో ఈ పోస్టులకు సంబంధించిన పూర్తి వివరాలు, నోటిఫికేషన్- అప్లికేషన్ డైరక్ట్​ లింక్​ కోసం ఇక్కడ క్లిక్ చేయండి.

రైల్వే ఉద్యోగాల కోసం ప్రయత్నిస్తున్న నిరుద్యోగులకు బిగ్ అప్డేట్! రైల్వే రిక్రూట్‌మెంట్ బోర్డ్ (ఆర్​ఆర్బీ) వివిధ విభాగాల కోసం నిర్వహిస్తున్న టెక్నీషియన్ పోస్టుల రిక్రూట్​మెంట్​ ప్రక్రియకు సంబంధించిన రిజిస్ట్రేషన్ ప్రాసెస్​ ఇంకొన్ని రోజుల్లో ముగియనుంది. అర్హత, ఆసక్తి ఉన్న అభ్యర్థులు ఆర్‌ఆర్‌బీ అధికారిక వెబ్‌సైట్ rrbapply.gov.in ద్వారా ఆన్‌లైన్‌లో దరఖాస్తు చేసుకోవచ్చు.

ఆర్​ఆర్బీ టెక్నీషియన్ రిక్రూట్​మెంట్​ 2026 అప్డేట్స్..

ఈ భారీ రిక్రూట్‌మెంట్ డ్రైవ్ ద్వారా దేశవ్యాప్తంగా మొత్తం 6,557 టెక్నీషియన్ పోస్టులను భర్తీ చేయనున్నారు. ఈ నేపథ్యంలో ఈ ఆర్​ఆర్బీ టెక్నీషియన్ రిక్రూట్​మెంట్​ 2026 వివరాలను ఇక్కడ తెలుసుకోండి..

ఆర్​ఆర్బీ టెక్నీషియన్ రిక్రూట్​మెంట్​ 2026- ముఖ్యమైన తేదీలు..

ఆన్​లైన్ అప్లికేషన్ ప్రారంభ తేదీ : జూన్ 30, 2026

ఆన్‌లైన్ దరఖాస్తుకు చివరి తేదీ: జులై 29

దరఖాస్తు రుసుము చెల్లింపుకు చివరి తేదీ: జులై 31

అప్లికేషన్ సవరణ ప్రారంభం: ఆగస్టు 1

సవరణలకు చివరి తేదీ: ఆగస్టు 10

ఆర్​ఆర్బీ టెక్నీషియన్ రిక్రూట్​మెంట్​ 2026- ఖాళీల వివరాలు..

ఈ రిక్రూట్‌మెంట్ ద్వారా రెండు ప్రధాన కేటగిరీల్లో పోస్టులను భర్తీ చేస్తున్నారు:

టెక్నీషియన్ గ్రేడ్-I సిగ్నల్: 323 పోస్టులు

టెక్నీషియన్ గ్రేడ్-III: 6,234 పోస్టులు

ఆర్​ఆర్బీ టెక్నీషియన్ రిక్రూట్​మెంట్​ 2026- విద్యార్హత, వయోపరిమితి..

ఈ ఆర్​ఆర్బీ టెక్నీషియన్ రిక్రూట్​మెంట్​ 2026 పోస్టులకు సంబంధించి పూర్తి విద్యా అర్హతలు, కేటగిరీల వారీగా వయోపరిమితి, మినహాయింపుల వివరాల కోసం అభ్యర్థులు ఆర్‌ఆర్బీ అధికారిక వెబ్‌సైట్‌లో అందుబాటులో ఉన్న వివరణాత్మక నోటిఫికేషన్‌ను పరిశీలించవచ్చు.

ఆర్​ఆర్బీ టెక్నీషియన్ రిక్రూట్​మెంట్​ 2026- ఎంపిక విధానం..

ఈ ఉద్యోగాలకు అభ్యర్థుల ఎంపిక మూడు దశల్లో జరుగుతుంది:

• కంప్యూటర్ ఆధారిత పరీక్ష (సీబీటీ)
• డాక్యుమెంట్​ వెరిఫికేషన్
• మెడికల్ ఎగ్జామినేషన్

కంప్యూటర్ ఆధారిత పరీక్ష వ్యవధి 90 నిమిషాలు ఉంటుంది. ఇందులో మొత్తం 100 ప్రశ్నలు అడుగుతారు. ఈ పరీక్షలో నెగెటివ్ మార్కింగ్ విధానం అమలులో ఉంది. ప్రతి తప్పు సమాధానానికి 1/3 వంతు మార్కు కోత విధిస్తారు.

ఆర్​ఆర్బీ టెక్నీషియన్ రిక్రూట్​మెంట్​ 2026- దరఖాస్తు రుసుము..

అన్ని కేటగిరీల సాధారణ అభ్యర్థులకు: రూ. 500

ఎస్సీ, ఎస్టీ, మాజీ సైనికోద్యోగులు, దివ్యాంగులు (పీడబ్ల్యూబీడీ), మహిళలు, ట్రాన్స్‌జెండర్లు, మైనారిటీలు, ఆర్థికంగా వెనుకబడిన తరగతుల (ఈబీసీ) అభ్యర్థులకు: రూ. 250

ఈ పరీక్ష రుసుమును కేవలం ఆన్‌లైన్ విధానంలో (ఇంటర్నెట్ బ్యాంకింగ్, డెబిట్/క్రెడిట్ కార్డ్‌లు లేదా యుపిఐ) మాత్రమే చెల్లించాల్సి ఉంటుంది. చెల్లింపుకు అయ్యే సర్వీస్ ఛార్జీలను అభ్యర్థులే భరించాలి.

ఆర్​ఆర్బీ టెక్నీషియన్ రిక్రూట్​మెంట్​ 2026- ఆన్‌లైన్‌లో ఎలా దరఖాస్తు చేసుకోవాలి..

• ముందుగా ఆర్‌ఆర్బీ అధికారిక వెబ్‌సైట్ rrbapply.gov.in ను సందర్శించండి.
• హోమ్ పేజీలో కనిపిస్తున్న 'RRB Technician Recruitment 2026' రిజిస్ట్రేషన్ లింక్‌పై క్లిక్ చేయండి.
• మీ ప్రాథమిక వివరాలు నమోదు చేసి రిజిస్ట్రేషన్ పూర్తి చేసుకోండి.
• ఆ తర్వాత లాగిన్ అయి దరఖాస్తు ఫారమ్‌ను జాగ్రత్తగా పూర్తి చేయండి.
• నిబంధనల ప్రకారం దరఖాస్తు రుసుమును ఆన్‌లైన్‌లో చెల్లించండి.
• సబ్మిట్ బటన్‌పై క్లిక్ చేసి, కన్ఫర్మేషన్ పేజీని డౌన్‌లోడ్ చేసుకోండి.
• భవిష్యత్తు అవసరాల కోసం దరఖాస్తు ప్రింటవుట్‌ను దగ్గర ఉంచుకోండి.

మరిన్ని వివరాల కోసం అభ్యర్థులు ఎప్పటికప్పుడు ఆర్‌ఆర్బీ అధికారిక వెబ్‌సైట్‌ను చూడాలని సూచించారు.

ఆర్​ఆర్బీ టెక్నీషియన్ రిక్రూట్​మెంట్​ 2026 నోటిఫికేషన్ కోసం ఇక్కడ క్లిక్ చేయండి.

ఆర్​ఆర్బీ టెక్నీషియన్ రిక్రూట్​మెంట్​ 2026 డైరక్ట్ లింక్ కోసం ఇక్కడ క్లిక్ చేయండి.