Tata Sierra ఎస్​యూవీ వేరియంట్లు, ఇంజిన్​, కలర్​ ఆప్షన్స్​ ఇవి..

భారత ఆటోమొబైల్​ మార్కెట్​లో టాటా సియెర్రా ఎస్​యూవీ గ్రాండ్​గా అడుగుపెట్టింది. ఈ మోడల్​పై మంచి బజ్​ నెలకొంది. ఈ నేపథ్యంలో టాటా సియెర్రా వేరియంట్లు, ఇంజిన్​- కలర్​ ఆపన్స్​ వంటివి ఇక్కడ వివరంగా తెలుసుకుందాము..

టాటా సియెర్రా ఎస్​యూవీపై మంచి బజ్​ నెలకొంది. 1990 దశకంలో మంచి పేరు తెచ్చుకున్న ఈ మోడల్​కి అధునాత రూపాన్ని ఇచ్చి, ఇటీవలే మార్కెట్​లోకి విడుదల చేసింది టాటా మోటార్స్​. మీరు ఈ ఎస్​యూవీని కొనే ప్లాన్​లో ఉన్నారా? అయితే ఇది మీకోసమే. టాటా సియెర్రా ఎస్​యూవీ వేరియంట్లు, ఇంజిన్​- కలర్​ ఆప్షన్స్​తో పాటు ఇతర వివరాలను ఇక్కడ తెలుసుకోండి..

టాటా సియెర్రా ఎస్​యూవీ ఇదిగో..

టాటా సియెర్రా ఎస్​యూవీ ఇంజిన్​ ఆప్షన్స్​..

ఇంజిన్​ టైప్​	డిస్​ప్లేస్​మెంట్​	పవర్​ (పీఎస్​)	టార్క్​ (ఎన్​ఎం)	ట్రాన్స్​మిషన్​
1.5 ఎన్​ఏ పెట్రోల్​	1.5 లీటర్లు	108	145	6 స్పీడ్​ మేన్యువల్​, 7 స్పీడ్​ డ్యూయెల్​ క్లచ్​ ఆటోమెటిక్​
1.5 టర్బో పెట్రోల్​	1.5 లీటర్లు	160	255	6 స్పీడ్​ టార్క్​ కన్వర్టర్​ ఆటోమెటిక్​
1.5 డీజిల్​	1.5 లీటర్లు	118	260	6 స్పీడ్​ మేన్యువల్​

టాటా సియెర్ర్​ ఎస్​యూవీ- ఇంజిన్​ ఆప్షన్స్​..

టాటా సియెర్రా ఎస్​యూవీలో 3 ఇంజిన్​ ఆప్షన్స్​ ఉన్నాయి. అవన్నీ 1.5లీటర్​ కెపాసిటీవే. నేచురల్లీ ఆస్పిరెట్​ పెట్రోల్​ ఇంజిన్​ 108 పీఎస్​ పవర్​, 145 ఎన్​ఎం టార్క్​తో వస్తుంది. దీనికి 6 స్పీడ్​ మేన్యువల్​ లేదా 7 స్పీడ్​ డ్యూయెల్​ క్లచ్​ ఆటోమెటిక్​ ట్రాన్స్​మిషన్​ లభిస్తుంది.

ఇక ఇందులో టర్బో పెట్రోల్​ ఇంజిన్​ ఆప్షన్​ కూడా ఉంది. ఇది 160 పీఎస్​ పవర్​, 255 ఎన్​ఎం టార్క్​ని జనరేట్​ చేస్తుంది. ఇది 6 స్పడ్​ టార్క్​ కన్వర్టర్​ ఆటోమెటిక్​ ట్రాన్స్​మిషన్​తో వస్తుంది.

చివరిగా, ఇందులో డీజిల్​ ఇంజిన్​ కూడా ఉంది. ఇది 118 పీఎస్​ పవర్​, 260 ఎన్​ఎం టార్క్​ని ఉత్పత్తి చేస్తుంది. ఇది 6 స్పీడ్​ మేన్యువల్​ గేర్​ బాక్స్​కి కనెక్ట్​ చేసి ఉంటుంది.

టాటా సియెర్రా ఎస్​యూవీ- వేరియంట్లు..

టాటా మోటార్స్ సియెర్రాను మొత్తం ఏడు వేరియంట్లలో అందిస్తుంది. అవి:

• స్మార్ట్+
• ప్యూర్
• ప్యూర్+
• అడ్వెంచర్
• అడ్వెంచర్+
• అకంప్లిష్డ్
• అకంప్లిష్డ్+

టాటా సియెర్రా ఎస్​యూవీ వేరియంట్ల వారీగా ఫీచర్స్​ గురించి తెలుసుకునేందుకు ఇక్కడ క్లిక్​ చేయండి.

టాటా సియెర్రా ఎస్​యూవీ- వేరియంట్ల వారీగా ట్రాన్స్‌మిషన్..

నేచురల్లీ ఆస్పిరేటెడ్ పెట్రోల్ (ఎంటీ): 'అకంప్లిష్డ్+' మినహా అన్ని వేరియంట్లలో లభిస్తుంది.

నేచురల్లీ ఆస్పిరేటెడ్ పెట్రోల్ (ఏటీ): 'ప్యూర్', 'ప్యూర్+', 'అడ్వెంచర్' వేరియంట్లలో అందుబాటులో ఉంటుంది.

ట‌ర్బో పెట్రోల్ (ఏటీ): 'అడ్వెంచర్+', 'అకంప్లిష్డ్', 'అకంప్లిష్డ్+' వేరియంట్లలో లభిస్తుంది.

డీజిల్ (ఎంటీ): కస్టమర్ మాన్యువల్ గేర్‌బాక్స్‌ను ఎంచుకుంటే, అన్ని వేరియంట్లలోనూ అందుబాటులో ఉంటుంది.

డీజిల్ (ఏటీ): 'ప్యూర్', 'ప్యూర్+', 'అడ్వెంచర్+', 'అకంప్లిష్డ్', 'అకంప్లిష్డ్+' వేరియంట్లలో మాత్రమే అందుబాటులో ఉంటుంది.

టాటా సియెర్రా ఎస్​యూవీ- బుకింగ్‌లు, డెలివరీలు ఎప్పుడు?

బుకింగ్‌లు ప్రారంభం: టాటా సియెర్రా బుకింగ్‌లు డిసెంబర్ 16న మొదలవుతాయి.

డెలివరీల ప్రారంభం: టాటా మోటార్స్ సియెర్రా డెలివరీలను జనవరి 15న ప్రారంభిస్తుంది.

టాటా సియెర్రా ఎస్​యూవీ- కలర్​ ఆప్షన్స్​..

టాటా సియెర్రాలో వివిధ రకాల రంగుల ఎంపికలు ఉన్నాయి. అవి:

• అండమాన్ అడ్వెంచర్
• బెంగాల్ రూజ్
• మున్నార్ మిస్ట్
• కూర్గ్ క్లౌడ్స్
• ప్రిస్టిన్ వైట్
• ప్యూర్ గ్రే