UPSC EPFO అడ్మిట్ కార్డ్ 2025- పరీక్ష తేదీ, డౌన్లోడ్ వివరాలు ఇవే..
యూపీఎస్సీ ఈపీఎఫ్ఓ పరీక్ష నవంబర్ 30న జరగనుంది. అడ్మిట్ కార్డుల విడుదల తేదీ, హాల్ టికెట్ డౌన్లోడ్ చేసుకునే విధానంతో పాటు ఇతర ముఖ్య సమాచారాన్ని ఇక్కడ డిటైల్డ్గా తెలుసుకోండి..
యూనియన్ పబ్లిక్ సర్వీస్ కమిషన్ (యూపీఎస్సీ) ఎంప్లాయీస్ ప్రావిడెంట్ ఫండ్ ఆర్గనైజేషన్ (ఈపీఎఫ్ఓ) పరీక్షకు సంబంధించిన అడ్మిట్ కార్డ్ నోటిఫికేషన్ను తాజాగా విడుదల చేసింది.
ఆ నోటీసు ప్రకారం, అడ్మిట్ కార్డులను పరీక్ష జరగడానికి ఐదు రోజుల ముందు అధికారిక వెబ్సైట్లో అందుబాటులో ఉంచుతారు. ఈ యూపీఎస్సీ ఈపీఎఫ్ఓ పరీక్ష నవంబర్ 30, 2025న జరగనుంది.
కార్మిక- ఉపాధి మంత్రిత్వ శాఖ పరిధిలోని ఈపీఎఫ్ఓ సంస్థలో ఎన్ఫోర్స్మెంట్ ఆఫీసర్/అకౌంట్స్ ఆఫీసర్ (ఈఓ/ఏఓ), అసిస్టెంట్ ప్రావిడెంట్ ఫండ్ కమిషనర్ (ఏపీఎఫ్సీ) ఉద్యోగాలకు దరఖాస్తు చేసుకున్న అభ్యర్థులు, తాజా సమాచారం కోసం యూపీఎస్సీ అధికారిక వెబ్సైట్ను ఎప్పటికప్పుడు తనిఖీ చేయాలని సూచించారు.
యూపీఎస్సీ ఈపీఎఫ్ఓ అడ్మిట్ కార్డులను upsc.gov.in, upsc.nic.in అనే యూపీఎస్సీ అధికారిక వెబ్సైట్ల ద్వారా విడుదల చేస్తారు. దరఖాస్తు చేసుకున్నవారు తమ రిజిస్ట్రేషన్ ఐడీ, పుట్టిన తేదీ ఉపయోగించి లాగిన్ అయి తమ హాల్ టికెట్ను డౌన్లోడ్ చేసుకోవచ్చు.
యూపీఎస్సీ ఈపీఎఫ్ఓ నియామకం 2025 వివరాలు
స్పెషల్ అడ్వర్టైజ్మెంట్ నెం. 52/2025 ద్వారా యూపీఎస్సీ ఈ నియామక పరీక్షను నిర్వహిస్తోంది. మొత్తం 230 పోస్టుల భర్తీకి ఈ పరీక్ష జరగనుంది. ఇందులో ఎన్ఫోర్స్మెంట్ ఆఫీసర్/అకౌంట్స్ ఆఫీసర్ పోస్టులకు 156 సీట్లు, అసిస్టెంట్ ప్రావిడెంట్ ఫండ్ కమిషనర్ పోస్టులకు 74 సీట్లు ఉన్నాయి.
పరీక్ష కేంద్రం వివరాలను అభ్యర్థులకు తగిన సమయంలో తెలియజేస్తామని యూపీఎస్సీ స్పష్టం చేసింది.
యూపీఎస్సీ ఈపీఎఫ్ఓ పరీక్ష సమయం, కేంద్రాలు
ఈ ఈపీఎఫ్ఓ పరీక్ష నవంబర్ 30 (ఆదివారం) రోజున, ఉదయం 09:30 గంటల నుంచి 11:30 గంటల వరకు జరుగుతుంది. దేశవ్యాప్తంగా మొత్తం 78 కేంద్రాలలో ఈ పరీక్షను నిర్వహిస్తారు.
పరీక్ష అనేది 'పెన్ అండ్ పేపర్' ఆధారంగా ఆఫ్లైన్లో జరుగుతుందని యూపీఎస్సీ తెలిపింది. పరీక్ష ప్రారంభానికి 90 నిమిషాల ముందు అభ్యర్థులు తమ పరీక్ష కేంద్రానికి చేరుకోవాలి.
యూపీఎస్సీ ఈపీఎఫ్ఓ అడ్మిట్ కార్డ్ 2025 డౌన్లోడ్ చేసుకోండిలా..
మీరు మీ అడ్మిట్ కార్డ్ను సులభంగా డౌన్లోడ్ చేసుకోవడానికి కింద ఇచ్చిన సూచనలను పాటించండి:
స్టెప్ 1- ముందుగా upsc.gov.in అనే యూపీఎస్సీ వెబ్సైట్ను సందర్శించండి.
స్టెప్ 2- హోమ్పేజీలో కనిపించే “What's New” విభాగంలో లేదా "ఎగ్జామినేషన్" మెనూ కింద ఉన్న అడ్మిట్ కార్డ్స్ ట్యాబ్లో చూడండి.
స్టెప్ 3- “EPFO EO/AO & APFC Examination Admit Card” లింక్ యాక్టివేట్ అయిన తర్వాత దానిపై క్లిక్ చేయండి.
స్టెప్ 4- ఆ తర్వాత డౌన్లోడ్ ఆప్షన్ను ఎంచుకోండి. ఇది మిమ్మల్ని upsconline.nic.in అనే పేజీకి దారి తీస్తుంది.
స్టెప్ 5- అక్కడ రిజిస్ట్రేషన్ ఐడీ లేదా రోల్ నంబర్ ఉపయోగించి అడ్మిట్ కార్డ్ డౌన్లోడ్ చేసుకునే ఆప్షన్ను ఎంచుకోండి.
స్టెప్ 6- రిజిస్ట్రేషన్ ఐడీ/రోల్ నంబర్, పుట్టిన తేదీ, స్క్రీన్పై కనిపించే సెక్యూరిటీ క్యాప్చా వంటి అవసరమైన వివరాలను జాగ్రత్తగా నమోదు చేయండి.
స్టెప్ 7- సరైన వివరాలను ఎంటర్ చేసిన తర్వాత, సబ్మిట్ బటన్పై క్లిక్ చేయండి.
స్టెప్ 8- మీ అడ్మిట్ కార్డ్ స్క్రీన్పై కనిపిస్తుంది. అభ్యర్థులు అందులోని తమ పేరు, పరీక్షా కేంద్రం, సమయాలు, ఇతర సూచనలను తప్పనిసరిగా తనిఖీ చేసుకోవాలని యూపీఎస్సీ సూచించింది.
