హెచ్-1బి (H-1B) వీసాలపై అమెరికా అధ్యక్షుడు డొనాల్డ్ ట్రంప్ నాయకత్వంలోని ప్రభుత్వం మరో సంచలన నిర్ణయానికి తెరలేపింది. కొత్తగా జారీ చేసే హెచ్-1బి వీసాలపై ఏకంగా $1,03,265 (సుమారు రూ. 87 లక్షలకు పైగా) ఫీజును శాశ్వతం చేయడానికి డిపార్ట్మెంట్ ఆఫ్ హోమ్ల్యాండ్ సెక్యూరిటీ (DHS) ప్రతిపాదనలు విడుదల చేసింది.
గత ఏడాది ఒక తాత్కాలిక ఉత్తర్వు ద్వారా ట్రంప్ ఈ విధానాన్ని తీసుకురాగా, ఫెడరల్ న్యాయస్థానం దాన్ని నిలిపివేసింది. తాజాగా నిబంధనల రూపంలో DHS ఈ ఫీజును అమల్లోకి తెచ్చేందుకు 30 రోజుల ప్రజాభిప్రాయ సేకరణ ప్రక్రియను ప్రారంభించింది. 2026 చివరి నాటికి ఈ నూతన ఫీజు విధానం ఖరారయ్యే అవకాశం ఉంది.
రూ. 87 లక్షల భారం.. కంపెనీలపై తీవ్ర ప్రభావం
ప్రస్తుతం ఉన్న నిబంధనల ప్రకారం ఒక హెచ్-1బి వీసా దరఖాస్తు కోసం అమెరికా కంపెనీలు సగటున $2,000 నుంచి $5,000 వరకు మాత్రమే ప్రభుత్వ రుసుము చెల్లిస్తున్నాయి. నూతన నిబంధన అమల్లోకి వస్తే కంపెనీలు ఒక్కో విదేశీ ఉద్యోగి కోసం ఏకంగా లక్ష డాలర్లకు పైగా వెచ్చించాల్సి ఉంటుంది.
స్థానిక అమెరికన్ ఉద్యోగులకు ప్రాధాన్యం ఇవ్వాలనే ఉద్దేశంతోనే ఈ ఫీజును భారీగా పెంచుతున్నట్లు ట్రంప్ యంత్రాంగం వాదిస్తోంది. తక్కువ వేతనాలకే లభించే విదేశీ నిపుణులపై ఆధారపడటాన్ని తగ్గించడానికే ఈ కఠిన నిబంధనలు అని స్పష్టం చేసింది.
ఐటీ, టెక్ రంగానికి కోలుకోలేని దెబ్బ
అమెరికా ఏటా సాధారణ కేటగిరీ కింద 65,000 వీసాలు, అమెరికాలోనే ఉన్నత విద్య (మాస్టర్స్) అభ్యసించిన విదేశీయులకు అదనంగా 20,000 వీసాలను జారీ చేస్తుంది. ప్రధానంగా భారతీయ ఐటీ నిపుణులతో పాటు హెల్త్కేర్, ఇంజనీరింగ్, పరిశోధన రంగానికి ఈ వీసా ఎంతో కీలకం.
సాధారణంగా మూడేళ్ల కాలపరిమితితో ఇచ్చే ఈ వీసాను గరిష్టంగా ఆరేళ్ల వరకు పొడిగించుకోవచ్చు. ఇప్పుడు ఫీజు భారం ఊహించని రీతిలో పెరిగితే, అమెరికన్ సంస్థలు భారత్ సహా ఇతర దేశాల నిపుణులను ఆకర్షించడం కష్టతరంగా మారుతుంది.
న్యాయపోరాటాలు.. కోర్టుల్లో అనిశ్చితి
{{/usCountry}}సాధారణంగా మూడేళ్ల కాలపరిమితితో ఇచ్చే ఈ వీసాను గరిష్టంగా ఆరేళ్ల వరకు పొడిగించుకోవచ్చు. ఇప్పుడు ఫీజు భారం ఊహించని రీతిలో పెరిగితే, అమెరికన్ సంస్థలు భారత్ సహా ఇతర దేశాల నిపుణులను ఆకర్షించడం కష్టతరంగా మారుతుంది.
న్యాయపోరాటాలు.. కోర్టుల్లో అనిశ్చితి
{{/usCountry}}ఈ ఫీజు విధానంపై ఇప్పటికే తీవ్ర వ్యతిరేకత వ్యక్తమవుతోంది. జూన్ నెలలో ఒక ఫెడరల్ జడ్జి ఈ నిబంధన చట్టవిరుద్ధమని పేర్కొంటూ ఫీజు వసూలును నిలిపివేశారు. ప్రస్తుతం బోస్టన్ ఫెడరల్ అప్పీల్స్ కోర్టుతో పాటు వాషింగ్టన్ డీసీ కోర్టులోనూ దీనిపై విచారణలు నడుస్తున్నాయి.
యూఎస్ ఛాంబర్ ఆఫ్ కామర్స్, డెమోక్రటిక్ పాలిత రాష్ట్రాలు, పలు కార్మిక సంఘాలు ఈ ప్రతిపాదనను కోర్టుల్లో సవాలు చేశాయి. "కాంగ్రెస్ (పార్లమెంట్) అనుమతి లేకుండా హోమ్ల్యాండ్ సెక్యూరిటీ విభాగానికి సొంతంగా ఇలాంటి భారీ రుసుములు విధించే అధికారం లేదు" అని పిటిషనర్లు తమ వాదనలు వినిపించారు. అయితే, విదేశీయుల రాకను నియంత్రించే అధికారం అధ్యక్షుడికి ఉందంటూ ప్రభుత్వం ఈ వాదనలను తోసిపుచ్చుతోంది. ఈ న్యాయపోరాటాల నేపథ్యంలో, DHS నిబంధనలను ఖరారు చేసినప్పటికీ ఈ ఫీజు అమలుపై అనిశ్చితి కొనసాగనుంది.