7200ఎంఏహెచ్ బడా బ్యాటరీతో Vivo Y500i లాంచ్- ధర ఎంతంటే..

వివో సంస్థ చైనాలో తన సరికొత్త స్మార్ట్‌ఫోన్ 'వివో వై500ఐ'ని విడుదల చేసింది. ఈ ఫోన్ ప్రధానంగా 7,200ఎంఏహెచ్ భారీ బ్యాటరీ, స్నాప్‌డ్రాగన్ ప్రాసెసర్, 120హెచ్జెడ్ రిఫ్రెష్ రేట్ వంటి ఆకర్షణీయమైన ఫీచర్లతో వచ్చింది. పూర్తి వివరాల్లోకి వెళితే..

Published on: Jan 12, 2026, 15:31:13 IST

By Chitturi Eswara Karthikeya Sharath

Prefer HTon Google

Share via

Copy link

చైనా స్మార్ట్‌ఫోన్ దిగ్గజం వివో తన వై-సిరీస్‌లో మరో సరికొత్త ఫోన్‌ను మార్కెట్లోకి తెచ్చింది. ఎటువంటి ఆర్భాటం లేకుండా 'వివో వై500ఐ'స్మార్ట్‌ఫోన్‌ను చైనా మార్కెట్లో లాంచ్ చేసింది. ఈ ఫోన్ ప్రస్తుతం కంపెనీ అధికారిక ఆన్‌లైన్ స్టోర్‌లో కొనుగోలుకు అందుబాటులో ఉంది. ఇది మూడు ఆకర్షణీయమైన రంగులు, ఐదు రకాల స్టోరేజ్ వేరియంట్లలో లభిస్తోంది.

వివో వై500ఐ లాంచ్.. (Representative image)

వివో వై500ఐ- ధర, లభ్యత..

చైనాలో ఈ వివో వై500ఐ స్మార్ట్ఫోన్ బేస్ వేరియంట్ (8GB+128GB) ధరను 1,499 యువాన్లుగా నిర్ణయించారు. అంటే భారత కరెన్సీలో దీని విలువ సుమారు రూ. 19,000. ఇతర వేరియంట్ల ధరలు ఇలా ఉన్నాయి:

8GB+256GB: సుమారు రూ. 23,000
8GB+512GB: సుమారు రూ. 26,000
12GB+256GB: సుమారు రూ. 26,000
12GB+512GB (టాప్ ఎండ్): సుమారు రూ. 28,000

ఈ స్మార్ట్ఫోన్ గెలాక్సీ సిల్వర్, ఫోనిక్స్ గోల్డ్, అబ్సిడియన్ బ్లాక్ రంగుల్లో మెరిసిపోతోంది.

వివో వై500ఐ- అద్భుతమైన ఫీచర్లు..

బ్యాటరీ దీని హైలైట్: స్మార్ట్‌ఫోన్ ప్రియులు ఈ ఫోన్ వైపు చూడటానికి ప్రధాన కారణం ఇందులో ఉన్న 7,200ఎంఏహెచ్ భారీ బ్యాటరీ అని చెప్పుకోవాలి. దీనికి తోడు ఈ వివో వై500ఐలో 44డబ్ల్యూ వైర్డ్ ఫాస్ట్ ఛార్జింగ్ సదుపాయం కూడా ఉంది. ఇక ఫోన్ బరువు విషయానికి వస్తే 219 గ్రాములు ఉంటుంది. 8.39ఎంఎం మందంతో స్లిమ్‌గానే కనిపిస్తుంది.

డిస్ప్లే, పర్ఫార్మెన్స్: వివో వై500ఐ స్మార్ట్ఫఫోన్లో 6.75 ఇంచ్ ఎల్‌సీడీ డిస్ప్లేని అందించారు. ఇది 120హెచ్జెడ్ రిఫ్రెష్ రేట్తో పనిచేస్తుంది. దీనివల్ల ఫోన్ వాడేటప్పుడు చాలా స్మూత్గా అనిపిస్తుంది. క్వాల్కమ్ స్నాప్‌డ్రాగన్ 4 జెన్ 2 ప్రాసెసర్‌పై ఇది నడుస్తుంది. ఆండ్రాయిడ్ 16 ఆధారిత ఆరిజిన్ ఓఎస్ 6పై ఈ ఫోన్ పనిచేస్తుండటం విశేషం.

కెమెరా విశేషాలు: వివో వై500ఐ స్మార్ట్ఫోన్ వెనుక వైపు 50 మెగాపిక్సెల్ ప్రధాన కెమెరాను అమర్చారు. ఇది 10x డిజిటల్ జూమ్, ఆటో ఫోకస్ ఫీచర్లతో వస్తుంది. సెల్ఫీల కోసం ముందు వైపు 5 మెగాపిక్సెల్ కెమెరా ఉంది. ఈ ఫోన్ ద్వారా 1080పీ రిజల్యూషన్తో వీడియోలను రికార్డ్ చేసుకోవచ్చు.

ఇతర ప్రత్యేకతలు: వాటర్ అండ్ డస్ట్ రెసిస్టెన్స్ కోసం ఈ ఫోన్‌కు ఐపీ68, ఐపీ69 రేటింగ్స్ ఇచ్చారు. అంటే ఈ ఫోన్ నీటిలో పడినా పాడయ్యే అవకాశం చాలా తక్కువ. భద్రత కోసం ఫోన్ పక్క భాగంలో ఫింగర్ ప్రింట్ స్కానర్‌ను అందించారు. 5జీ, డ్యూయల్ బ్యాండ్ వైఫై, బ్లూటూత్ 4.2, యూఎస్‌బీ టైప్-సీ వంటి కనెక్టివిటీ ఫీచర్లు ఇందులో ఉన్నాయి.

ఈ వివో వై500ఐ ఇండియా లాంచ్పై సంస్థ ఇంకా ఎలాంటి ప్రకటన చేయలేదు. త్వరలోనే దీనిపై ఒక అప్డేట్ వెలువడే అవకాశం ఉంది.

ABOUT THE AUTHOR
Chitturi Eswara Karthikeya Sharath
శరత్ చిట్టూరి హిందుస్థాన్ టైమ్స్ తెలుగులో డిప్యూటీ చీఫ్ కంటెంట్ ప్రొడ్యూసర్‌గా ఉన్నారు. 7ఏళ్ల జర్నలిజం ఎక్స్పీరియెన్స్తో ఇక్కడ బిజినెస్, ఆటో, టెక్, పర్సనల్ ఫైనాన్స్, నేషనల్- ఇంటర్నేషనల్, స్పోర్ట్స్ వార్తలు రాస్తున్నారు. 2022 జనవరిలో హిందుస్థాన్ టైమ్ తెలుగులో చేరారు. పలుమార్లు హెచ్టీ ఇన్స్టా అవార్డులు అదుకున్నారు. గతంలో ఈటీవీ భారత్లో కంటెంట్ రైటర్‌గా పని చేశారు. అక్కడ జాతీయం, అంతర్జాతీయం, బిజినెస్ వార్తలు రాసేవారు. ఏ అంశమైనా సరళంగా, చదివేందుకు సులభంగా ఉండే విధంగా తీర్చిదిద్దేందుకు ఇష్టపడతారు.IGNOU నుంచి జర్నలిజంలో పీజీ డిగ్రీ ఉంది. అంతకుముందు బీటెక్ పూర్తి చేశారు. కథలు చెప్పడం, రాయడంపై ఇష్టంతో ఈ రంగాన్ని ఎంచుకున్నారు. తన ఆర్టికల్స్తో ఇప్పుడు ప్రజలకు చేరువవుతున్నారు.Read More

Home/News/7200ఎంఏహెచ్ బడా బ్యాటరీతో Vivo Y500i లాంచ్- ధర ఎంతంటే..

7200ఎంఏహెచ్​ బడా బ్యాటరీతో Vivo Y500i లాంచ్​- ధర ఎంతంటే..

వివో వై500ఐ- ధర, లభ్యత..

వివో వై500ఐ- అద్భుతమైన ఫీచర్లు..

7200ఎంఏహెచ్ బడా బ్యాటరీతో Vivo Y500i లాంచ్- ధర ఎంతంటే..