వారాల తరబడి సాగిన హోరాహోరీ ప్రచారం.. నేతల మధ్య మాటల యుద్ధం.. ఓటర్ల తీర్పు.. వెరసి 2026 అసెంబ్లీ ఎన్నికల సమరం ముగింపు దశకు చేరుకుంది. పశ్చిమ బెంగాల్లోని 142 స్థానాలకు బుధవారం జరుగుతున్న రెండో విడత (చివరి దశ) పోలింగ్తో ఈ ఎన్నికల కోలాహలం ముగియనుంది. ఇప్పుడు అందరి దృష్టి, ఆసక్తి కేవలం ఒక్క అంశంపైనే ఉన్నాయి.. అవే 'ఎగ్జిట్ పోల్స్'.
సాయంత్రం 6:30 తర్వాతే అసలు లెక్కలు
ఎన్నికల సంఘం నిబంధనల ప్రకారం.. చివరి ఓటు పడే వరకు ఎగ్జిట్ పోల్స్ ఫలితాలను వెల్లడించడం నిషిద్ధం. బెంగాల్లో పోలింగ్ సమయం ముగిసిన వెంటనే, అంటే బుధవారం సాయంత్రం 6:30 గంటల నుంచి వివిధ సర్వే సంస్థలు తమ అంచనాలను ప్రకటించడం ప్రారంభిస్తాయి. ప్రజా ప్రాతినిధ్య చట్టం (RP Act 1951) లోని సెక్షన్ 126A ప్రకారం.. ఏప్రిల్ 9 ఉదయం 7 గంటల నుంచి ఏప్రిల్ 29 సాయంత్రం 6:30 గంటల వరకు ఎగ్జిట్ పోల్స్పై నిషేధం విధించారు. ఈ నిబంధనలను అతిక్రమించిన వారికి రెండేళ్ల వరకు జైలు శిక్ష లేదా జరిమానా విధించే అవకాశం ఉందని ఎన్నికల కమిషన్ ఇప్పటికే హెచ్చరించింది.
గత అనుభవాలు.. పాఠాలు
ఎగ్జిట్ పోల్స్ అంచనాలు ఎప్పుడూ నూటికి నూరు శాతం నిజం కావాలని లేదు. 2021 పశ్చిమ బెంగాల్ ఎన్నికలే ఇందుకు నిదర్శనం. అప్పట్లో తృణమూల్ కాంగ్రెస్ (TMC), బీజేపీ మధ్య హోరాహోరీ పోరు ఉంటుందని.. మమతా బెనర్జీ పార్టీకి దాదాపు 156 సీట్లు వస్తాయని చాలా సర్వేలు అంచనా వేశాయి. కానీ, ఫలితాలు వచ్చేసరికి దీదీ ప్రభంజనం సృష్టించారు. ఏకంగా 215 సీట్లతో టీఎంసీ ఘనవిజయం సాధించగా, బీజేపీ 77 స్థానాలకే పరిమితమైంది. అందుకే, ఈసారి సర్వేలు ఏ మేరకు వాస్తవానికి దగ్గరగా ఉంటాయోననే చర్చ రాజకీయ వర్గాల్లో జోరుగా సాగుతోంది.
ఏ ఏ రాష్ట్రాల జాతకం తేలనుంది?
ఈ ఎన్నికల చక్రంలో పశ్చిమ బెంగాల్తో పాటు దక్షిణ భారత రాష్ట్రాలైన కేరళ, తమిళనాడు, కేంద్రపాలిత ప్రాంతం పుదుచ్చేరిలో కూడా పోలింగ్ ముగిసింది.
- తమిళనాడు: డీఎంకే కూటమి, టీవీకే, ఏఐఏడీఎంకే మధ్య అధికారం కోసం గట్టి పోటీ నెలకొంది.
- కేరళ: లెఫ్ట్ డెమోక్రటిక్ ఫ్రంట్ (LDF) చరిత్ర తిరగరాస్తుందా లేదా యూడీఎఫ్ పుంజుకుంటుందా అనేది తేలనుంది.
- బెంగాల్: మమతా బెనర్జీ హ్యాట్రిక్ స్పీడ్ కొనసాగిస్తారా లేదా కాషాయ జెండా రెపరెపలాడుతుందా అనేది ఉత్కంఠ రేపుతోంది.
సర్వే సంస్థల హడావుడి
{{/usCountry}}ఈ ఎన్నికల చక్రంలో పశ్చిమ బెంగాల్తో పాటు దక్షిణ భారత రాష్ట్రాలైన కేరళ, తమిళనాడు, కేంద్రపాలిత ప్రాంతం పుదుచ్చేరిలో కూడా పోలింగ్ ముగిసింది.
- తమిళనాడు: డీఎంకే కూటమి, టీవీకే, ఏఐఏడీఎంకే మధ్య అధికారం కోసం గట్టి పోటీ నెలకొంది.
- కేరళ: లెఫ్ట్ డెమోక్రటిక్ ఫ్రంట్ (LDF) చరిత్ర తిరగరాస్తుందా లేదా యూడీఎఫ్ పుంజుకుంటుందా అనేది తేలనుంది.
- బెంగాల్: మమతా బెనర్జీ హ్యాట్రిక్ స్పీడ్ కొనసాగిస్తారా లేదా కాషాయ జెండా రెపరెపలాడుతుందా అనేది ఉత్కంఠ రేపుతోంది.
సర్వే సంస్థల హడావుడి
{{/usCountry}}ప్రదీప్ గుప్తా నేతృత్వంలోని 'యాక్సిస్ మై ఇండియా' వంటి ప్రముఖ సంస్థలు ఎన్డీటీవీ (NDTV) వంటి ప్రధాన వార్తా ఛానళ్లలో తమ విశ్లేషణలను వినిపించేందుకు సిద్ధమయ్యాయి. ఓటర్ల నాడిని పట్టుకునేందుకు పోలింగ్ కేంద్రాల వద్ద సేకరించిన సమాచారాన్ని విశ్లేషించి, ఏ పార్టీకి ఎన్ని సీట్లు రావచ్చో వీరు వెల్లడిస్తారు. మే 2వ తేదీన అసలు ఫలితాలు వచ్చే లోపు, ఈ ఎగ్జిట్ పోల్స్ రాజకీయ పార్టీలలో గుబులును, ఇన్వెస్టర్లలో ఆసక్తిని కలిగిస్తున్నాయి.
తరచుగా అడిగే ప్రశ్నలు (FAQs)
1. ఎగ్జిట్ పోల్స్ అంటే ఏమిటి?
పోలింగ్ ముగిసిన వెంటనే ఓటర్ల అభిప్రాయం ఆధారంగా సర్వే సంస్థలు రూపొందించే ఎన్నికల అంచనాలను ఎగ్జిట్ పోల్స్ అంటారు. ఇది ఓటర్ల నాడిని ప్రతిబింబించే ప్రయత్నం.
2. ఎగ్జిట్ పోల్స్ ఫలితాలు ఎప్పుడు వెలువడతాయి?
పశ్చిమ బెంగాల్ చివరి విడత పోలింగ్ ముగిసిన తర్వాత, అంటే ఏప్రిల్ 29 సాయంత్రం 6:30 గంటల నుంచి ఇవి వెల్లడవుతాయి.
3. వీటిపై ఎందుకు ఆంక్షలు విధిస్తారు?
పోలింగ్ జరుగుతున్న సమయంలో వెలువడే అంచనాలు ఓటర్ల ఆలోచనా విధానాన్ని ప్రభావితం చేసే ప్రమాదం ఉంది. అందుకే ఎన్నికల కమిషన్ చివరి దశ పోలింగ్ పూర్తయ్యే వరకు వీటిని నిషేధిస్తుంది.
4. ఎగ్జిట్ పోల్స్ ఎప్పుడూ కరెక్ట్గా ఉంటాయా?
కచ్చితంగా అని చెప్పలేం. ఇవి కేవలం అంచనాలు మాత్రమే. 2021 బెంగాల్ ఎన్నికల్లో ఎగ్జిట్ పోల్స్ అంచనాలు, తుది ఫలితాల మధ్య భారీ తేడా కనిపించిన సంగతి తెలిసిందే.