మన ఇంటి నిర్మాణం ఎలా ఉండాలనే దానిపై వాస్తు శాస్త్రంలో స్పష్టమైన మార్గదర్శకాలు ఉన్నాయి. ఇంటి మధ్య భాగాన్ని అత్యంత పవిత్రమైన స్థానంగా భావిస్తారు. దీన్నే 'బ్రహ్మస్థానం' అంటారు.
ఇంటి సమస్త శక్తి కేంద్రం (Energy Point) ఇక్కడే కేంద్రీకృతమై ఉంటుందని నమ్ముతారు. అన్ని గదుల నుంచి వెలువడే శక్తులు ఈ కేంద్ర బిందువు వద్దే కలుస్తాయి. అందుకే ఈ ప్రాంతాన్ని ఎప్పుడూ ఖాళీగా, ఎలాంటి బరువులు లేకుండా ఉంచాలని వాస్తు నిపుణులు సూచిస్తున్నారు.
పురాతన కాలంలో ఇళ్ల మధ్యలో తులసి మొక్కను ఉంచడం లేదా ఆ ప్రాంతాన్ని ఖాళీగా ఉంచడం ఆనవాయితీగా వచ్చేది. కానీ నేడు మారుతున్న జీవనశైలి, స్థలాల కొరత కారణంగా చాలా మంది ఈ నియమాలను పాటించడం లేదు. హాల్ లేదా మధ్య స్థలంలో భారీ ఫర్నిచర్ అమర్చుతున్నారు. ఇది వాస్తు ప్రకారం సరైన పద్ధతి కాదు. బ్రహ్మస్థానంలో ఎటువంటి తప్పులు చేయకూడదో తెలుసుకుందాం.
బ్రహ్మస్థానంలో పొరపాటున కూడా ఇవి ఉండకూడదు
ఇంటి మధ్య భాగంలో ఎట్టి పరిస్థితుల్లోనూ భారీ ఫర్నిచర్, సోఫాలు లేదా బరువైన వస్తువులు ఉంచకూడదు. ఒకవేళ ఇల్లు చిన్నగా ఉంటే, ఈ స్థలంలో డైనింగ్ టేబుల్ లేదా చిన్నపాటి మీటింగ్ ఏర్పాట్లు చేసుకోవచ్చు. అయితే సెంటర్ పాయింట్ మాత్రం ఖాళీగా ఉండేలా చూసుకోవాలి. అలాగే ఈ ప్రాంతంలో ఎలాంటి వ్యర్థాలు, పాత సామాన్లు లేదా అగ్నికి సంబంధించిన వస్తువులను పోగేయవద్దు.
చాలా మంది ఇళ్లలో సెంట్రల్ స్పేస్లోనే లాకర్లు ఏర్పాటు చేస్తుంటారు. ఇంటి కొలతలు సరిగ్గా చూసుకుని, ఆ స్థానం బ్రహ్మస్థానం కిందకు వస్తే అక్కడ అస్సలు ఇలాంటివి ఉండకూడదు. ఇలా చేయడం వల్ల ఇంట్లో ధనం నిలవదు, కొత్తగా డబ్బు వచ్చే మార్గాలు కూడా మూసుకుపోతాయి. అలాగే ఈ స్థలంలో నీటి ట్యాంకులు, అండర్ గ్రౌండ్ గుంతలు లేదా బాత్రూములు ఉండటం అత్యంత ప్రమాదకరం.
దీని వల్ల కుటుంబంలో తీవ్రమైన అనారోగ్య సమస్యలు, వ్యాపారంలో నష్టాలు, నిత్య కలహాలు తలెత్తుతాయి. ఈ పవిత్ర స్థలాన్ని వీలైనంత వరకు ఖాళీగా, అందమైన పూలతో లేదా తులసి మొక్కతో అలంకరించి శుభ్రంగా ఉంచుకుంటే సానుకూల శక్తి పెరిగి సుఖసంతోషాలు వెల్లివిరుస్తాయి.
{{/usCountry}}దీని వల్ల కుటుంబంలో తీవ్రమైన అనారోగ్య సమస్యలు, వ్యాపారంలో నష్టాలు, నిత్య కలహాలు తలెత్తుతాయి. ఈ పవిత్ర స్థలాన్ని వీలైనంత వరకు ఖాళీగా, అందమైన పూలతో లేదా తులసి మొక్కతో అలంకరించి శుభ్రంగా ఉంచుకుంటే సానుకూల శక్తి పెరిగి సుఖసంతోషాలు వెల్లివిరుస్తాయి.
{{/usCountry}}ఈ వ్యాసంలో ఉన్న సమాచారం పూర్తిగా నిజం మరియు ఖచ్చితమైనదని మేము చెప్పము. వివరణాత్మక మరియు మరింత సమాచారం కోసం, సంబంధిత నిపుణుడిని సంప్రదించండి.