దీపావళి నాడు గోధుమలతో ఈ ఒక్క శక్తివంతమైన దీపాన్ని వెలిగిస్తే లక్ష్మీదేవి మీతోనే ఉంటుంది, ఐశ్వర్యం కలుగుతుంది!

ఈ సంవత్సరం దీపావళి పండుగ అక్టోబర్ 20న వచ్చింది. దీపావళి నాడు ప్రత్యేకించి లక్ష్మీదేవిని ఆరాధిస్తారు. దీపావళి నాడు రాత్రి సమయంలో లక్ష్మీదేవిని పూజించడం వలన లక్ష్మీదేవి ఇంట్లోకి అడుగుపెడుతుందని నమ్ముతారు. చాలా మంది రకరకాల ఇబ్బందులను ఎదుర్కొంటూ ఉంటారు. వాటి నుంచి బయటపడడానికి కొన్ని పరిహారాలు ఇవిగో.

ప్రతి ఒక్కరూ దీపావళి పండుగను ఆనందంగా జరుపుకుంటారు. దీపావళి నాడు పిల్లలు, పెద్దలు కూడా అందరితో కలిసి సరదాగా, సంతోషంగా పండుగను చేసుకుంటారు. ఈ సంవత్సరం దీపావళి పండుగ అక్టోబర్ 20న వచ్చింది. దీపావళి నాడు ప్రత్యేకించి లక్ష్మీదేవిని ఆరాధిస్తారు. దీపావళి నాడు రాత్రి సమయంలో లక్ష్మీదేవిని పూజించడం వలన లక్ష్మీదేవి ఇంట్లోకి అడుగుపెడుతుందని నమ్ముతారు. చాలా మంది రకరకాల ఇబ్బందులను ఎదుర్కొంటూ ఉంటారు.

దీపావళి పండుగ 2025 (pinterest)

ఏ ఇబ్బంది లేకుండా సంతోషంగా ఉండడానికి, లక్ష్మీదేవి అనుగ్రహం పొందడానికి లక్ష్మీదేవిని ఆ రోజు ఆరాధించడం మంచిది. అలా ఆరాధించడం వలన సకల శుభాలు కలుగుతాయి. అయితే దీపావళి సందర్భంగా లక్ష్మీదేవిని ఎలా పూజించాలి, ధన త్రయోదశి పూజ విధానం, నరక చతుర్దశి నాడు పాటించాల్సిన నియమాలు వంటి విషయాలను ఇప్పుడు తెలుసుకుందాం.

దీపావళి 2025

ధన త్రయోదశి నాడు యమ దీపాలను పెట్టండి

పండుగ మొదటి రోజు ధన త్రయోదశిని జరుపుకుంటారు. ఈ సంవత్సరం ధన త్రయోదశి అక్టోబర్ 18, శనివారం నాడు వచ్చింది. ప్రతి సంవత్సరం ఒక్కసారి మాత్రమే శక్తివంతమైన ధన త్రయోదశి ఏర్పడుతుంది. ఆ రోజు లక్ష్మీదేవిని, కుబేరుని పూజిస్తే సకల శుభాలు కలుగుతాయి. ఆ రోజు ఎవరైతే కుబేరుని ఆరాధిస్తారో వారి ఇంట్లో డబ్బు పుష్కలంగా చేరుతుంది. మృత్యు దోషాలు తొలగిపోతాయి. అపమృత్యు బాధల నుంచి కూడా బయటపడవచ్చు. అందుకే ఆ రోజు యమ దీపాలను వెలిగిస్తారు. ధన త్రయోదశి నాడు పూజ గదిలో లక్ష్మీదేవి చిత్రపటం పెట్టి, దాని ముందు మట్టి ప్రమిదలో రెండు నెయ్యి దీపాలు వెలిగించాలి.

దానిమ్మ పండ్లను లక్ష్మీదేవికి నైవేద్యంగా పెట్టాలి. ఇంటి గుమ్మం ముందు కూడా రెండు దీపాలను వెలిగించాలి. అలా చేస్తే లక్ష్మీదేవి, కుబేరుల ఆశీస్సులు కలుగుతాయి. అక్టోబర్ 18 సాయంత్రం ఇంటి దక్షిణ దిశలో యమ దీపాన్ని వెలిగించండి. బియ్యం పిండితో ఒక ప్రమిద తయారు చేసి, దానిలో ఆవు నూనె వేసి నాలుగు వత్తులు పెట్టి, దక్షిణముఖంగా దీపాన్ని వెలిగించాలి. ఇలా చేయడం వలన యముడు ఆశీస్సులు లభిస్తాయి. అనారోగ్య సమస్యల నుంచి కూడా బయటపడవచ్చు.

నరక చతుర్దశి నాడు ఇలా చేస్తే నరపీడ దోషాలను తొలగించుకోవచ్చు

నరక చతుర్దశి ఈ సంవత్సరం అక్టోబర్ 19న వచ్చింది. తప్పకుండా తలకు నువ్వుల నూనె రాసుకొని తల స్నానం చేయాలి. అభ్యంగన స్నానం చేసిన తర్వాత కొత్త వస్త్రాలు ధరించాలి. అలా చేస్తే నరపీడ దోషాలు తొలగిపోయి అష్టైశ్వర్యాలు కలుగుతాయి. నువ్వుల నూనెతో దీపాన్ని వెలిగించి లక్ష్మీదేవిని ఆరాధిస్తే సకల ఐశ్వర్యాలు కలుగుతాయి. ఆ రోజు మహాలక్ష్మిని పూజిస్తే సుఖ సంతోషాలను పొందవచ్చు.

దీపావళి పండుగ

ఆ రోజు ఇంటి ముందు దీపాలు వెలిగించి లక్ష్మీదేవిని ఆరాధించాలి. అక్టోబర్ 20 సోమవారం సాయంత్రం 7 గంటల నుంచి 9 గంటల మధ్యలో లక్ష్మీదేవిని అలంకరించి పూజలు చేయాలి. బంగారం, వెండి ఆభరణాలను లక్ష్మీదేవి ముందు పెట్టి పూజించాలి. ఆ రోజు అఖండ ఐశ్వర్యం కలగాలంటే గోధుమల దీపాన్ని వెలిగించాలి. ఈ దీపం వెలిగించడం వలన సంవత్సరం అంతా లక్ష్మీదేవి మీతోనే ఉంటుంది, మీ ఇంటి నుంచి ఎక్కడికీ వెళ్ళిపోదు.

గోధుమ దీపం విధానం:

సాయంత్రం చీకటి పడిన తర్వాత ఇంటి ముఖద్వారం బయట ఒక పళ్లెంలో నిండా గోధుమలు పోయాలి. ఆ తర్వాత మట్టి ప్రమిదను ఆ గోధుమల మీద పెట్టి, నువ్వుల నూనెతో దీపాన్ని వెలిగించాలి. ఈ దీపం ఎంత ఎక్కువ సేపు వెలిగితే, అంత ఐశ్వర్యం కలుగుతుంది. దీపం కొండెక్కాకా ఆ గోధుమలను నానబెట్టి గోమాతకు ఆహారంగా పెట్టాలి. గోధుమ దీపాన్ని దీపావళి నాడు వెలిగించడం వలన ఐశ్వర్యం కలిగి, సంతోషంగా ఉండవచ్చు.