E-Paper
దుర్గాదేవి అనుగ్రహం కోసం నవరాత్రుల్లో సాయంత్రం చేయాల్సిన 7 సులువైన పరిహారాలు!
దుర్గాదేవి అనుగ్రహం కోసం సాయంత్రం వేళ భక్తిశ్రద్ధలతో పూజలు చేయడం హిందూ సంప్రదాయంలో విశిష్టమైనదిగా భావిస్తారు. ఈ సందర్భంగా ఇంటి పూజా మందిరాన్ని శుభ్రం చేసి దీపారాధన చేయడం, అమ్మవారికి ఎర్రటి పూలు, కుంకుమ సమర్పించడం, “ఓం దుం దుర్గాయై నమః” మంత్రాన్ని జపించడం వంటి పూజా విధానాలను పాటించవచ్చు.
Prefer HTon Google
మన హిందూ సంప్రదాయాల్లో శరన్నవరాత్రులకే ఉన్న విశిష్టత గురించి ప్రత్యేకంగా చెప్పక్కర్లేదు. తొమ్మిది రోజులు కూడా భక్తి శ్రద్ధలతో దుర్గాదేవిని పూజిస్తాము. సాయంత్రం పూట దీపారాధన చేసి, అమ్మవారికి పూలను సమర్పించి, మంత్రాలు జపిస్తే అద్భుతమైన ఫలితాలను చూడొచ్చు. అయితే, నవరాత్రుల సమయంలో సాయంత్రం వేళ చేయాల్సిన కొన్ని పరిహారాల గురించి ఇప్పుడు తెలుసుకుందాం. నవరాత్రుల్లో సాయంత్రం అమ్మవారి అనుగ్రహం కలగడానికి ఈ ఏడు పరిహారాలను ట్రై చేయండి. వీటి వలన ఇంట్లో అద్భుతమైన మార్పులను చూడొచ్చు.
సాయంత్రం పూట నవరాత్రుల సమయంలో ఎలాంటి పరిహారాలను పాటించాలి?
సాయంత్రం వేళ దీపారాధన:
సూర్యాస్తమయం అయ్యాక మీ పూజా మందిరాన్ని శుభ్రం చేసుకుని, అమ్మవారి ముందు నెయ్యి లేదా నూనెతో దీపాన్ని వెలిగిస్తే మంచిది.
ఎర్రటి పూలు సమర్పించండి:
దుర్గాదేవి పూజలో ఎర్రటి మందారాలు, ఎర్రటి గులాబీలు సమర్పించడం మంచిది. ఇవి శుభప్రదమైనవి. పూలు సమర్పిస్తే కుటుంబ సభ్యులకు ఆరోగ్యం, శ్రేయస్సు, సంతోషం కలగడానికి వీలవుతుంది.
ఈ మంత్రాన్ని జపించండి:
ఓం దుం దుర్గాయై నమః. ఈ మంత్రాన్ని జపిస్తే అద్భుతమైన ఫలితాలను చూడొచ్చు. ఈ మంత్రాన్ని సాయంత్రం పూట స్నానం చేసి, ప్రశాంతమైన ప్రదేశంలో కూర్చుని 11 లేదా 21 సార్లు జపించండి. దీని వలన అద్భుతమైన ఫలితాలను చూడొచ్చు.
కుంకుమను సమర్పించండి:
అమ్మవారి చిత్రపటం లేదా విగ్రహాన్ని తీసుకుని కుంకుమ పూజ చేయండి. సుఖ సంతోషాలు, శుభాలు కలుగుతాయి.
పేదలకు సహాయం:
నవరాత్రుల్లో సాధ్యమైనంత వరకు పేదలకు సహాయం చేయండి. దానం చేయడం వలన మంచి ఫలితం కనిపిస్తుంది. అమ్మవారి పూర్తి అనుగ్రహం ఉంటుంది.
నైవేద్యంగా పాలు లేదా పండ్లు:
అమ్మవారికి తాజా పండ్లు లేదా పాలను నైవేద్యంగా సమర్పించండి. వీటిని అమ్మవారికి సమర్పించి, ఈ ప్రసాదాన్ని కుటుంబ సభ్యులతో పంచుకోండి.
అలాగే, అమ్మవారికి నైవేద్యం సమర్పించాక హారతి ఇవ్వండి. ఇలా దీప, ధూప, నైవేద్యాలతో అమ్మవారిని నవరాత్రుల సమయంలో ఆరాధించడం వలన విశేషమైన ఫలితాలు కలుగుతాయి.
నిరాకరణ: ఈ వ్యాసంలో అందించిన సమాచారం పూర్తిగా నిజం మరియు ఖచ్చితమైనదని మేము చెప్పము. వివరణాత్మక మరియు మరింత సమాచారం కోసం, సంబంధిత రంగంలోని నిపుణుడిని సంప్రదించండి.
