E-Paper
Numerology: మీ పుట్టిన తేదీలోనే సంపద రహస్యం.. ఏ నంబర్ వారు ఎలా కష్టపడితే కోటీశ్వరులవుతారో తెలుసా?
Numerology: మీరు ఎంత ప్రయత్నించినా డబ్బు చేతిలో నిలవడం లేదా? కెరీర్లో ఆశించిన అభివృద్ధి కనిపించడం లేదా? అయితే మీ పుట్టిన తేదీ (రాడిక్స్ సంఖ్య) ఆధారంగా న్యూమరాలజీ చెప్పే ఈ రహస్యాలను పాటించండి. ఏ నంబర్ వారు ఏ రంగంలో రాణిస్తారు, ధనవంతులు కావడానికి ఏం చేయాలో పూర్తి వివరాలు మీకోసం.
Numerology: న్యూమరాలజీ ఆధారంగా చాలా విషయాలను తెలుసుకోవచ్చు. న్యూమరాలజీ ఆధారంగా ఒక మనిషి తీరు, ప్రవర్తన ఎలా ఉన్నాయో తెలుసుకోవడంతో పాటు భవిష్యత్తు గురించి కూడా చాలా విషయాలను తెలుసుకోవచ్చు. న్యూమరాలజీలో ఒకటి నుంచి తొమ్మిది వరకు రాడిక్స్ సంఖ్యలు ఉంటాయి. వీటి ఆధారంగా ఎన్నో విషయాలను తెలుసుకోవడానికి వీలవుతుంది.
పుట్టిన తేదీ ఆధారంగా రాడిక్స్ సంఖ్యను కనుగొనవచ్చు. అయితే ప్రతి ఒక్కరూ కూడా జీవితంలో పైకి రావాలని, అనుకున్న వాటిని సాధించాలని, డబ్బు సంపాదించాలని ఇలా ఎన్నో అనుకుంటారు. మీరు కూడా కెరీర్లో బాగా స్థిరపడేలా, డబ్బు బాగా సంపాదించాలనుకుంటున్నారా? అయితే ఈ రహస్యాలను తెలుసుకోవాల్సిందే. రాడిక్స్ సంఖ్య ఆధారంగా డబ్బును ఆకర్షించడానికి ఎలాంటి పద్ధతులను పాటించాలో తెలుసుకోండి.
రాడిక్స్ సంఖ్య 1:
ఏదైనా నెలలో 1, 10, 19, 28 తేదీల్లో పుట్టినట్లయితే వారి రాడిక్స్ సంఖ్య 1 అవుతుంది. పుట్టిన వారికి నాయకత్వ లక్షణాలు ఎక్కువగా ఉంటాయి. బిజినెస్, పాలిటిక్స్, ప్రభుత్వ ఉద్యోగాల్లో బాగా రాణించగలరు. అలాగే డబ్బు కూడా బాగా సంపాదిస్తారు. మీరు ఒకరి కింద పని చేస్తే మీ వద్ద ఎప్పుడూ డబ్బు ఉంటుంది.
రాడిక్స్ సంఖ్య 2:
ఏదైనా నెలలో 2, 11, 20 తేదీల్లో పుట్టినట్లయితే రాడిక్స్ సంఖ్య 2 అవుతుంది. ఈ తేదీల్లో పుట్టిన వారు నెట్వర్కింగ్, పార్ట్నర్షిప్ ద్వారా బాగా డబ్బు సంపాదించగలరు. ఒంటరిగా పనిచేయడం వలన అభివృద్ధి నెమ్మదిగా వస్తుంది.
రాడిక్స్ సంఖ్య 3:
ఏదైనా నెలలో 3, 12, 21 తేదీల్లో పుట్టినట్లయితే వారి రాడిక్స్ సంఖ్య 3 అవుతుంది. మాట్లాడడంలో మీరు మంచి ప్రతిభ కలిగినవారు. టీచింగ్, మీడియా, క్రియేటివ్ రంగాల్లో బాగా రాణించగలరు. మీ టాలెంట్ను మీరు ఉపయోగించకపోతే సక్సెస్ అవ్వలేరు.
రాడిక్స్ సంఖ్య 4:
ఏదైనా నెలలో 4, 13, 22 తేదీల్లో పుట్టినట్లయితే వారి రాడిక్స్ సంఖ్య 4 అవుతుంది. టెక్నికల్ ఫీల్డ్లో వీరు బాగా రాణించగలరు. త్వరగా ధనవంతులు అవ్వాలంటే షార్ట్కట్లో సంపాదించాలన్న ఆలోచన పక్కన పెట్టండి. షార్ట్కట్స్కు దూరంగా ఉండండి.
రాడిక్స్ సంఖ్య 5:
ఏదైనా నెలలో 5, 14, 23 తేదీల్లో పుట్టినట్లయితే వారి రాడిక్స్ సంఖ్య 5 అవుతుంది. వ్యాపారం, ట్రేడింగ్, మార్కెటింగ్, ఆన్లైన్ పనుల ద్వారా ఆదాయాన్ని బాగా సంపాదిస్తారు. పని చేయకుండా కేవలం ప్లాన్లు మాత్రమే వేసినట్లయితే చివరికి ఖాళీ చేతులతో మిగిలిపోవాల్సి ఉంటుంది.
రాడిక్స్ సంఖ్య 6:
ఏదైనా నెలలో 6, 15, 24 తేదీల్లో పుట్టినట్లయితే వారి రాడిక్స్ సంఖ్య 6 అవుతుంది. ఫ్యాషన్, బ్యూటీ, గ్లామర్ రంగాల్లో బాగా డబ్బు సంపాదిస్తారు. ఖరీదైన అలవాట్లు, సౌకర్యాలపై ఎక్కువ ఆసక్తి ఉంటుంది. దాంతో డబ్బును కోల్పోవాల్సి ఉంటుంది.
రాడిక్స్ సంఖ్య 7:
ఏదైనా నెలలో 7, 16, 25 తేదీల్లో పుట్టినట్లయితే వారి రాడిక్స్ సంఖ్య 7 అవుతుంది. ఫ్రీలాన్సింగ్, రీసెర్చ్, ఆధ్యాత్మికత, టెక్నాలజీ రంగాల్లో విజయాన్ని సాధిస్తారు. కష్టకాలాల్లో అవకాశాలను గుర్తించి ధనవంతులు అవుతారు. ప్రతి విషయాన్ని త్వరగా సాధించాలని భావించడం ద్వారా నిరాశకు గురయ్యే అవకాశం ఉంది.
రాడిక్స్ సంఖ్య 8:
ఏదైనా నెలలో 8, 17, 26 తేదీల్లో పుట్టినట్లయితే వారి రాడిక్స్ సంఖ్య 8 అవుతుంది. 8 సంఖ్య వారు చాలా ధనవంతులు అవ్వచ్చు, కానీ దీనికి కఠిన శ్రమ, పోరాటం చాలా ముఖ్యం. వీరికి లభించే సంపద స్థిరంగా, దీర్ఘకాలం పాటు ఉంటుంది.
రాడిక్స్ సంఖ్య 9:
ఏదైనా నెలలో 9, 18, 27 తేదీల్లో పుట్టినట్లయితే వారి రాడిక్స్ సంఖ్య 9 అవుతుంది. లీడర్షిప్, ఇన్వెస్ట్మెంట్, క్రీడలు వంటి రంగాల్లో విజయాన్ని సాధిస్తారు. కోపం, తొందరపాటు నిర్ణయాలు తీసుకుంటే ఆర్థిక నష్టాలు ఎదురయ్యే అవకాశం ఉంది.
