కుంభరాశిలో అరుదైన సంయోగం - ఈ 3 రాశుల వారికి అకస్మాత్తుగా కలసిరానున్న అదృష్టం!

అక్టోబర్ 21న కుంభరాశిలో చంద్రుడు ప్రవేశించడంతో రాహువుతో అరుదైన సంయోగం ఏర్పడింది. శని అధిపత్యంలో ఏర్పడే ఈ కూటమి వల్ల మేషం, కన్య, ధనుస్సు రాశుల వారికి ఆకస్మిక ధనలాభం, ఉద్యోగంలో పురోగతి లభించనుంది.

జ్యోతిష్య శాస్త్రంలో గ్రహాల సంచారానికి, వాటి కలయికలకు అత్యంత ప్రాధాన్యత ఉంది. హిందూ పంచాంగం ప్రకారం, అక్టోబర్ 21న తెల్లవారుజామున 4 గంటలకు చంద్రుడు శనిదేవుడి స్వక్షేత్రమైన కుంభరాశిలోకి ప్రవేశించాడు. అక్టోబర్ 23 వరకు చంద్రుడు ఇదే రాశిలో పయనిస్తాడు. వేద జ్యోతిష్యాల ప్రకారం మనస్సుకు, భావోద్వేగాలకు చంద్రుడు కారకుడు కాగా, క్రమశిక్షణకు, మనం చేసే కర్మలకు శనిదేవుడు అధిపతి.

రాహు నక్షత్రంలో శుక్రుడు

అయితే…… కుంభరాశిలో ఇప్పటికే మాయా గ్రహమైన రాహువు ఉన్నాడు. చంద్రుడి రాకతో ఇప్పుడు కుంభరాశిలో రాహు-చంద్రుల సంయోగం ఏర్పడింది. జ్యోతిష్య పండితులు నరేంద్ర ఉపాధ్యాయ్ తెలిపిన వివరాల ప్రకారం….. ఈ కలయిక వ్యక్తి ఆలోచనా సరళి, ప్రవర్తన, వ్యక్తిత్వంపై తీవ్ర ప్రభావం చూపుతుంది. సాధారణంగా రాహువు పేరు వినగానే ప్రతికూల ఫలితాలు, అశుభాలు జరుగుతాయని అంతా భావిస్తుంటారు.

కానీ… రాహువుతో చంద్రుడు కలిసిన ప్రతిసారి చెడు మాత్రమే జరుగుతుందనడంలో నిజం లేదు. శని క్షేత్రమైన కుంభంలో ఏర్పడిన ఈ యుతి వల్ల కొన్ని రాశుల వారికి ఊహించని శుభ ఫలితాలు లభిస్తాయి. ముఖ్యంగా మూడు రాశుల వారి జాతకం ఈ సమయంతో పూర్తిగా మారబోతోంది. ఆ అదృష్ట రాశుల వివరాలు ఇవే…

మేష రాశి:

రాహువు ఆకస్మిక పరిణామాలకు, ఊహించని సంఘటనలకు కారకుడని పండితులు వివరిస్తున్నారు. కాబట్టి ఈ గ్రహం ఏ రాశిపై ప్రభావం చూపించినా తక్షణ ఫలితాలను ఇస్తుంది.

• రాహు-చంద్రుల ప్రభావంతో మేష రాశి వారికి ఆకస్మికంగా ఒక మంచి వార్త అందుతుంది.
• ఉద్యోగ మార్పు కోసం ప్రయత్నిస్తున్న వారికి ఇది అత్యుత్తమ సమయం. వ్యాపార రంగంలో ఉన్నవారికి అనుకూల మార్పులు కనిపిస్తాయి.
• కాలంగా వేధిస్తున్న మానసిక భారం తగ్గుతుంది. నిలిచిపోయిన పాత బాకీలు లేదా చేతికి రావాల్సిన డబ్బు హఠాత్తుగా అందుతుంది. చేపట్టిన ప్రయాణాలు లాభసాటిగా సాగుతాయి.

కన్యా రాశి :

కన్యా రాశి వారికి ఈ గోచార కాలం అద్భుతమైన సానుకూల ఫలితాలను తెచ్చిపెడుతుంది.

• మీ ఆర్థిక పరిస్థితిలో అకస్మాత్తుగా భారీ మార్పు వచ్చి చేతికి డబ్బు అందుతుంది.
• వ్యాపారాన్ని విస్తరించాలనుకునే వారికి కొత్త అవకాశాలు తలుపు తడతాయి. ఉద్యోగానికి సంబంధించి చాలా కాలంగా వేధిస్తున్న సమస్యలు ఒక్కొక్కటిగా సమసిపోతాయి.
• మిత్రులు, ఆత్మీయుల మద్దతుతో ముఖ్యమైన పనుల్లో విజయం సాధిస్తారు. లభించే మంచి పెట్టుబడి అవకాశాలను సద్వినియోగం చేసుకుంటే భవిష్యత్తులో మంచి లాభాలు పొందుతారు.

ధనుస్సు రాశి :

ధనుస్సు రాశి వారికి రాహు-చంద్ర కూటమి అత్యంత ప్రయోజనకరంగా మారింది.

• ఎక్కడైనా డబ్బు చిక్కుకుపోయి రాదని వదిలేసుకుంటే, అది అకస్మాత్తుగా మీ చేతికి తిరిగొస్తుంది.
• ఆఫీసులో పని ఒత్తిడి తగ్గి ఉపశమనం లభిస్తుంది. పైఅధికారులతో సంబంధాలు మెరుగుపడటమే కాకుండా మీ పనికి తగిన గుర్తింపు లభిస్తుంది.
• అదృష్టం పూర్తిగా మీ పక్షాన నిలుస్తుంది. కుటుంబంలో ఉన్న పాత గొడవలు, సమస్యలు తొలగిపోయి ప్రశాంతత లభిస్తుంది. వ్యాపార పరిస్థితి మునుపటి కంటే చాలా మెరుగ్గా మారుతుంది.