హిందూ సనాతన ధర్మంలో ఆశ్వయుజ మాసంలో వచ్చే పౌర్ణమికి ఎంతో విశిష్ట స్థానం ఉంది. దీనినే శరద్ పూర్ణిమ, కొజాగరి పూర్ణిమ లేదా రాస పూర్ణిమ అని పిలుస్తారు. ఈ ప్రత్యేక రాత్రి చంద్రుడు తన పదహారు కళలతో పరిపూర్ణంగా ప్రకాశిస్తాడు.
పురాణాల ప్రకారం, శరద్ పూర్ణిమ నాడు ఆకాశం నుంచి అమృతం కురుస్తుందని భక్తుల ప్రగాఢ విశ్వాసం. ఈ రోజు రాత్రి లక్ష్మీదేవి భూమ్మీదికి వచ్చి భక్తులను అనుగ్రహిస్తారని పండితులు చెబుతున్నారు. అందుకే ఈ పర్వదినాన ప్రత్యేక పూజలు, రాత్రి జాగరణ చేయడం ద్వారా సిరిసంపదలు వెల్లివిరుస్తాయని నమ్ముతారు. మానసిక ప్రశాంతతను ప్రసాదించే చంద్రదేవునికి ఈ రోజు అర్ఘ్యం సమర్పించడం ఆచారంగా వస్తోంది.
శారదీయ పూర్ణిమ 2026 తేదీ మరియు సమయం
పంచాంగం ప్రకారం, ఆశ్వయుజ శుక్ల పక్ష పౌర్ణమి తిథి అక్టోబర్ 25, 2026 నాడు ఉదయం 11:55 గంటలకు ప్రారంభమై, అక్టోబర్ 26, 2026 ఉదయం 09:41 గంటలకు ముగుస్తుంది. దీంతో అక్టోబర్ 25, ఆదివారమే పూర్ణిమ వ్రతాన్ని ఆచరించనున్నారు.
చంద్రదర్శనం, అర్ఘ్య ప్రదాన విధానం
శరద్ పూర్ణిమ నాడు సాయంత్రం వేళ అభ్యంగన స్నానం ఆచరించి పరిశుభ్రమైన వస్త్రాలు ధరించాలి.
ఒక రాగి లేదా వెండి చెంబులో శుద్ధ జలం లేదా గంగాజలం తీసుకుని, అందులో కొద్దిగా పచ్చిపాలు, తెల్లని చందనం, ఒక తెల్లని పువ్వు వేయాలి. వీలైతే వెండి నాణెం కూడా వేయచ్చు.
చంద్రోదయం తర్వాత మిద్దెపైకి లేదా చంద్రుని వైపు చూస్తూ రెండు చేతులతో నీటిని నెమ్మదిగా ధారగా సమర్పించాలి. "పాదాల మీద నీరు పడకుండా కింద ఒక పాత్రను ఉంచాలి," అని వేద పండితులు సూచిస్తున్నారు. అర్ఘ్యం సమర్పించే సమయంలో 'ఓం చంద్రాయ నమః' లేదా 'చంద్రమసే నమః' మంత్రాలను జపించాలి. ఈ ఏడాది అక్టోబర్ 25న సాయంత్రం 4:55 గంటలకు చంద్రోదయం కానుంది.
{{/usCountry}}చంద్రోదయం తర్వాత మిద్దెపైకి లేదా చంద్రుని వైపు చూస్తూ రెండు చేతులతో నీటిని నెమ్మదిగా ధారగా సమర్పించాలి. "పాదాల మీద నీరు పడకుండా కింద ఒక పాత్రను ఉంచాలి," అని వేద పండితులు సూచిస్తున్నారు. అర్ఘ్యం సమర్పించే సమయంలో 'ఓం చంద్రాయ నమః' లేదా 'చంద్రమసే నమః' మంత్రాలను జపించాలి. ఈ ఏడాది అక్టోబర్ 25న సాయంత్రం 4:55 గంటలకు చంద్రోదయం కానుంది.
{{/usCountry}}శరద్ పూర్ణిమ రాత్రి వెన్నెలలో పాయసం ఉంచడం అత్యంత ముఖ్యమైన ఆచారం. రాత్రి 8:00 గంటల సమయం నుంచి పాయసాన్నివెన్నెల తాకేలా ఉంచాలి. లక్ష్మీదేవి, విష్ణుమూర్తులను పూజించిన తర్వాత పాయసాన్ని నివేదించాలి. ఈ పవిత్రమైన రోజున భక్తిశ్రద్ధలతో లక్ష్మీదేవిని, చంద్రదేవుడిని ఆరాధించడం వల్ల కుటుంబంలో సుఖశాంతులు, అష్టైశ్వర్యాలు సిద్ధిస్తాయని ఆధ్యాత్మిక వేత్తలు వెల్లడించారు.