శ్రావణ మాసంలో వచ్చే మంగళవారాలు చాలా విశేషమైనవి. శ్రావణ మాసంలో వచ్చే మంగళవారాన్ని సద్వినియోగం చేసుకోవడం చాలా మంచిది. ఆ రోజు మంగళ గౌరీ దేవి వ్రతం ఆచరించడం వలన అఖండ సౌభాగ్యం కలుగుతుంది. శ్రావణ మాసం అంతా శివనామస్మరణతో పాటు అమ్మవారి పూజలతో కళకళ్లాడుతుంది. శ్రావణ మాసంలో వచ్చే ప్రతి మంగళవారానికి విశేష స్థానం ఉంది.
ఆ రోజు భక్తులు, ముఖ్యంగా వివాహిత స్త్రీలు, మంగళ గౌరీ వ్రతం ఆచరించి, అష్టోత్తరాలతో పసుపు, కుంకుమలు సమర్పిస్తూ అమ్మవారిని కొలిస్తే సకల పాపాలు తొలగిపోయి ఇంట్లో సిరిసంపదలు కలుగుతాయి.
శ్రావణ మంగళవారం మంగళ గౌరీ దేవి వ్రతం ఎందుకు ఆచరించాలి?
శ్రావణ మంగళవారం నాడు భక్తులతో మంగళ గౌరీ దేవిని ఆరాధించడం వలన సకల సౌభాగ్యాలు కలుగుతాయి. పెళ్లయిన కొత్తలో ఐదేళ్లపాటు ఈ వ్రతాన్ని ఆచరించడం అయితే, ఎవరైనా కుటుంబ శ్రేయస్సు కోసం, సంతాన సౌభాగ్యం కోసం ఈ వ్రతాన్ని భక్తులతో చేయొచ్చు.
ఆ రోజు తెల్లవారుజామున తల స్నానం చేయాలి. ముందు రోజే తల రుద్దుకుని, ఆరోజు కేవలం తలస్నానం మాత్రమే చేయాలి. తల రుద్దుకోకూడదు. ఇల్లు శుభ్రం చేసుకుని, పూజ మందిరాన్ని కూడా అలంకరించుకోవాలి.
పూజా విధానం
పూజ మందిరంలో ఒక పీట వేసి, దానిపై ఎరుపు లేదా పసుపు రంగు వస్త్రాన్ని వేసి, ఆ పీఠంపై అమ్మవారి ప్రతిమను పెట్టి అలంకరించాలి.
కలశంలో నీళ్లు పోసి, మామిడి ఆకులు, కొబ్బరి కాయలతో అలంకరించాలి.
అమ్మవారికి షోడశోపచారాలతో పూజ చేయాలి.
{{/usCountry}}అమ్మవారికి షోడశోపచారాలతో పూజ చేయాలి.
{{/usCountry}}పసుపు, కుంకుమ, పువ్వులు, గంధం, అక్షింతలు సమర్పించి, చివరిగా అమ్మవారికి ప్రత్యేక నైవేద్యాన్ని కూడా సమర్పించాలి.
దీపారాధన చేస్తే చాలా మంచిది. అమ్మవారి అష్టోత్తరం పఠిస్తూ భక్తిశ్రద్ధలతో అమ్మవారిని పూజించాలి. పూజ పూర్తయ్యాక ముత్తైదువులకే తాంబూలం ఇవ్వాలి.
ఈ వ్రతాన్ని ఇలా ఆచరించడం వలన సకల సౌభాగ్యాలు కలుగుతాయి. అలాగే సాయంత్రం మళ్లీ దీపారాధన స్వీకరించాలి.
ఈ వ్రతం వలన కలిగే లాభాలు
ఇలా శ్రావణ మంగళవారం నాడు మంగళ గౌరీ వ్రతం ఆచరించడం వలన వైవాహిక జీవితంలో వచ్చే సమస్యలు తొలగిపోతాయి. భర్త ఆయురారోగ్యాలతో ఉంటారు. కుటుంబంలో సుఖ శాంతులు ఏర్పడతాయి. శ్రావణ మాసంలో వచ్చే ప్రతి మంగళవారం పాటిస్తే అమ్మవారి పరిపూర్ణ అనుగ్రహాన్ని పొందవచ్చు.
నిరాకరణ: ఈ వ్యాసంలో ఉన్న సమాచారం పూర్తిగా నిజం మరియు ఖచ్చితమైనదని మేము చెప్పము. మరిన్ని వివరాలు మరియు మరింత సమాచారం కోసం, సంబంధిత రంగంలో నిపుణుడిని సంప్రదించాలని నిర్ధారించుకోండి.