పురాణాల ప్రకారం, మృత్యువును ఎదిరించి తన భర్త సత్యవంతుడి ప్రాణాలను కాపాడుకున్న సావిత్రీదేవి కథే ఈ వట పూర్ణిమకు మూలం. ఆ రోజు నుంచి భర్త క్షేమం కోసం మహిళలు ఈ వ్రతాన్ని ఆచరిస్తున్నారు. కేవలం పూజ చేయడమే కాకుండా, కొన్ని ప్రత్యేకమైన పరిహారాలు పాటించడం వల్ల దాంపత్య జీవితం మరింత బలోపేతం అవుతుందని పండితులు చెబుతున్నారు.
సుఖ శాంతుల కోసం చేయాల్సిన పనులు
దారం చుట్టడం: పూజా సమయంలో మర్రిచెట్టుకు 7 లేదా 108 సార్లు దారాన్ని చుట్టండి. ప్రతి ప్రదక్షిణలోనూ భర్త ఆయుష్షు, కుటుంబ శ్రేయస్సును కోరుకోండి. పూజ పూర్తయ్యాక, ఒక కొత్త తెల్లని దారాన్ని బ్రాహ్మణుడికి దానం చేయడం వల్ల కుటుంబంలోని కష్టాలు తొలగిపోతాయి.
దాన ధర్మాలు: వట పూర్ణిమ పూజ అనంతరం వెదురుతో చేసిన చేతి విసనకర్రను తీసుకోండి. దానిపై నానబెట్టిన శనగలు, తాజా పండ్లు, వస్త్రాలను ఉంచి అత్తగారికి లేదా ఇంట్లోని పెద్దలకు ఇచ్చి ఆశీర్వాదం తీసుకోండి. ఇది ఇంట్లో అనురాగాలను పెంచుతుంది.
శివ-పార్వతుల ఆరాధన: మర్రిచెట్టులో త్రిమూర్తులు కొలువై ఉంటారని నమ్మకం. కాబట్టి, ఆ రోజు శివపార్వతులను ప్రత్యేకంగా పూజించడం వల్ల భార్యాభర్తల మధ్య ఉన్న విభేదాలు సమసిపోయి, బంధం బలపడుతుంది.
ఆర్థిక సమస్యలు బాధిస్తున్నాయా? అయితే ఈ చిన్న పరిహారాలను పాటించి చూడండి
చాలా కాలంగా మీరు ఆర్థిక ఇబ్బందులతో సతమతమవుతుంటే, పూర్ణిమ రాత్రి చంద్రుడిని ఆరాధించడం మర్చిపోకండి. కొంచెం పచ్చి పాలు, బియ్యం, చక్కెర కలిపిన మిశ్రమంతో చంద్రుడికి అర్ఘ్యం సమర్పించండి. మీ మనసులోని కోరికలను నివేదించండి. ఇలా చేయడం వల్ల ఆర్థిక పరిస్థితులు మెరుగుపడి, ఇంట్లో సిరి సంపదలు పెరుగుతాయని శాస్త్ర వచనం.
గుర్తుంచుకోవాల్సిన నియమాలు
వట పూర్ణిమ రోజున వస్త్రధారణ విషయంలో ప్రత్యేక శ్రద్ధ వహించండి.
{{/usCountry}}వట పూర్ణిమ రోజున వస్త్రధారణ విషయంలో ప్రత్యేక శ్రద్ధ వహించండి.
{{/usCountry}}ఎరుపు, పసుపు లేదా ఆకుపచ్చ రంగు వస్త్రాలను ధరించడం చాలా శుభప్రదం.
నలుపు, నీలం లేదా తెలుపు రంగు బట్టలను ఈ రోజున ధరించకపోవడం ఉత్తమం.
మీ ఇంటి సమీపంలో మర్రిచెట్టు లేదని చింతించకండి. కుండీలో ఓ మర్రి కొమ్మను లేదా తులసి కోటను ముందు ఉంచుకుని భక్తితో పూజించినా అదే ఫలితం లభిస్తుంది.
నిరాకరణ: ఈ వ్యాసంలో ఉన్న సమాచారం పూర్తిగా నిజం మరియు ఖచ్చితమైనదని మేము చెప్పము. మరిన్ని వివరాలు మరియు మరింత సమాచారం కోసం, సంబంధిత రంగంలో నిపుణుడిని సంప్రదించాలని నిర్ధారించుకోండి.