మూడేళ్ళకు వచ్చే విభువన సంకష్ట చతుర్థి.. ఈరోజు చేయాల్సినవి, చదువుకోవాల్సిన వినాయక శ్లోకాలు ఇవిగో!

ప్రతి మూడేళ్లకు ఒకసారి వచ్చే అరుదైన విభువన సంకష్ట చతుర్థి విశేషాలు మీకోసం. బుధవారం నాటి ఈ విశేష పర్వదినాన వినాయకుడి అనుగ్రహం కోసం పఠించాల్సిన 9 శక్తివంతమైన శ్లోకాలు, పూజా విధానం ఇక్కడ చూడండి.

ప్రతి నెలలో కృష్ణపక్షంలో వచ్చే చతుర్థిని సంకటహర చతుర్థిగా మనం పిలుస్తాము. అడ్డంకులను తొలగించే రోజుగా భావించే వినాయకుడికి ప్రత్యేక పూజలు చేస్తాము. సంకటహర చతుర్థి నాడు వినాయకుడిని ఆరాధిస్తే సకల శుభాలు కలుగుతాయి. సర్వాభీష్టాలు చేకూరుతాయి. ప్రతి నెలలో వచ్చే కృష్ణపక్షం నాలుగవ రోజు సంకటహర చతుర్థిని జరుపుకుంటాము. ఈరోజు వచ్చిన సంకటహర చతుర్థి మామూలుదే కాదు. ప్రతి మూడేళ్లకు ఒకసారి వచ్చే చతుర్థి. ఇది చాలా విశేషమైనదని చెప్పొచ్చు.

మూడేళ్ళకు వచ్చే విభువన సంకష్ట చతుర్థి.. ఈరోజు చేయాల్సినవి, చదువుకోవాల్సిన వినాయక శ్లోకాలు ఇవిగో! (pinterest)

అధిక మాసంలో వచ్చే ఈ విభువన సంకష్ట చతుర్థి ప్రతి మూడు సంవత్సరాలకు ఒకసారి వస్తుంది. కాబట్టి ఈరోజును సరిగ్గా సద్వినియోగం చేసుకోవడం మంచిది. అలాగే ఈ ప్రత్యేకమైన రోజున ఉపవాసం ఉండి, చంద్రుని పూజించి, వినాయకుడిని ప్రత్యేకించి ఆరాధించడం వలన శుభ ఫలితాలు కలుగుతాయి. చంద్రుని పూజతో ఉపవాసం పూర్తవుతుంది.

విభువన సంకష్ట చతుర్థి + బుధవారం

ఈ విభువన సంకష్ట చతుర్థి బుధవారం రావడం మరింత విశేషమైనదని చెప్పొచ్చు. ఈ కలయిక సంతోషాన్ని, శ్రేయస్సును తీసుకువస్తుంది. శివుడికి బెల్లం, నల్ల నువ్వుల లడ్డులను ఈ సంకష్ట చతుర్థి రోజున నైవేద్యంగా సమర్పిస్తే ఎంతో మంచి జరుగుతుంది. అలాగే రాహు, కేతువుల ప్రభావాలను తగ్గించడానికి కుంకుమను పూజ చేసేటప్పుడు సమర్పించాలి. ఈ వినాయకుని శ్లోకాలను ప్రత్యేకమైన రోజున చదువుకుంటే విఘ్నాలు తొలగిపోయి, వినాయకుని అనుగ్రహాన్ని పొందవచ్చు.

వినాయక శ్లోకాలు

1. వక్రతుండ మహాకాయ శ్లోకం

వక్రతుండ మహాకాయ సూర్యకోటి సమప్రభ

నిర్విఘ్నం కురు మే దేవ సర్వకార్యేషు సర్వదా

2. గణపతి ధ్యాన శ్లోకం

ప్రసన్నవదనం ధ్యాయేత్ సర్వవిఘ్నోపశాంతయే

3. గజానన శ్లోకం

గజాననం భూతగణాది సేవితం

కపిత్థ జంబూ ఫలసార భక్షితమ్

ఉమాసుతం శోక వినాశ కారణమ్

నమామి విఘ్నేశ్వర పాద పంకజమ్

4. ఏకదంత స్తుతి

ఏకదంతం మహాకాయం తప్తకాంచన సన్నిభమ్

లంబోదరం విశాలాక్షం వందే హం గణనాయకమ్

5. ముదాకరాత్త మోదకం

ముదాకరాత్త మోదకం సదా విముక్తి సాధకం

కళాధరావతంసకం విలాసిలోక రక్షకం

అనాయకైక నాయకం వినాశితేభ దైత్యకం

నతాశుభాశు నాశకం నమామి తం వినాయకమ్

6. గణపతి గాయత్రీ మంత్రం

ఓం ఏకదంతాయ విద్మహే వక్రతుండాయ ధీమహి తన్నో దంతిః ప్రచోదయాత్

7. లంబోదరాయ నమస్తుభ్యం

లంబోదరాయ నమస్తుభ్యం

సతతం మోదకప్రియ

నిర్విఘ్నం కురు మే దేవ

సర్వకార్యేషు సర్వదా

8. విఘ్నేశ్వర ప్రార్థన

ఓం గం గణపతయే నమః

9. సిద్ధి బుద్ధి ప్రదే దేవ

సిద్ధి బుద్ధి ప్రదే దేవ

భుక్తి ముక్తి ప్రదాయక

మంత్రమూర్తే సదా దేవ

మహాగణపతే నమః