కృష్ణాష్టమి 2026 ఎప్పుడు? అష్టమి తిథి, పూజా విధానం, నిషిత కాల పూజా సమయం వివరాలు!

జన్మాష్టమి తేదీ 2026: జన్మాష్టమి పండుగను శ్రీకృష్ణుడికి అంకితం చేస్తారు. శ్రీకృష్ణుని బాల రూపాన్ని ఆరాధించడం మరియు ఉపవాసం చేయడం ద్వారా ఆశించిన ఫలితం లభిస్తుందని నమ్ముతారు. ఈ సంవత్సరం జన్మాష్టమి ఎప్పుడు ఉందో తెలుసుకోండి.

హిందూ సనాతన ధర్మంలో అత్యంత భక్తిశ్రద్ధలతో జరుపుకునే పండుగల్లో శ్రీకృష్ణ జన్మాష్టమి ఒకటి. ప్రతి ఏటా శ్రావణ మాసం కృష్ణ పక్ష అష్టమి తిథి రోజున జగద్గురు శ్రీకృష్ణ పరమాత్ముని జన్మదిన వేడుకలను ఘనంగా నిర్వహిస్తారు. ఈసారి దేశవ్యాప్తంగా కృష్ణ జన్మాష్టమి వేడుకలను జరుపుకోవడానికి భక్తులు సర్వం సిద్ధం చేసుకుంటున్నారు.

కృష్ణాష్టమి 2026 ఎప్పుడు? అష్టమి తిథి, పూజా విధానం, నిషిత కాల పూజా సమయం వివరాలు!

ఈ ఏడాది శ్రీకృష్ణుడి 5253వ జయంతిని జరుపుకోనున్నారు. అయితే అష్టమి తిథి, రోహిణి నక్షత్రం రాకలో ఉన్న సమయాల కారణంగా ఈ పండుగ తేదీ విషయంలో భక్తుల్లో కొంత సందిగ్ధత నెలకొంది. అసలు ఈ ఏడాది కృష్ణాష్టమి ఎప్పుడు, పూజకు సరైన సమయం ఏంటో తెలుసుకుందాం.

ఈ ఏడాది శ్రీకృష్ణ జన్మాష్టమి ఎప్పుడంటే?

పంచాంగం ప్రకారం శ్రావణ మాసంలోని కృష్ణ అష్టమి తిథి సెప్టెంబర్ 4, 2026 నాడు తెల్లవారుజామున 02:25 గంటలకు ప్రారంభమై, సెప్టెంబర్ 5వ తేదీ రాత్రి 12:13 గంటలకు ముగుస్తుంది. అయితే ఉదయ తిథి ప్రామాణికతను బట్టి చాలామంది సెప్టెంబర్ 4వ తేదీనే జన్మాష్టమి పండుగను జరుపుకోవాలని పండితులు సూచిస్తున్నారు. మరోవైపు వైష్ణవ సంప్రదాయాన్ని పాటించే భక్తులు మాత్రం సెప్టెంబర్ 5వ తేదీన శ్రీకృష్ణ జన్మాష్టమి వేడుకలను నిర్వహించనున్నారు.

జన్మాష్టమి పూజా ముహూర్తం

కృష్ణ జన్మాష్టమి రోజున అర్ధరాత్రి వేళ చేసే పూజకు అత్యంత విశిష్టత ఉంది. పురాణాల ప్రకారం శ్రీకృష్ణుడు రోహిణి నక్షత్ర యుక్త అష్టమి నాడు అర్ధరాత్రి జన్మించాడు. ఈ నేపథ్యంలో సెప్టెంబర్ 4వ తేదీ రాత్రి 11:57 నిమిషాల నుంచి ప్రారంభమై అర్ధరాత్రి 12:43 నిమిషాల వరకు నిషిత కాల పూజా ముహూర్తం ఉంటుంది. ఈ పవిత్ర సమయంలో బాలగోపాలుడిని పూజించడం వల్ల సకల సంపదలు కలుగుతాయని భక్తుల నమ్మకం.

ఉపవాస దీక్ష పారణ సమయం

జన్మాష్టమి శుభ ముహూర్తంలో ముద్దుల బాలగోపాలుడికి ఆవు పాలు, పెరుగు, తేనె, నెయ్యి, స్వచ్ఛమైన జలంతో అభిషేకం చేయాలి.

అభిషేకం ముగిశాక లడ్డూ గోపాలుడికి నూతన వస్త్రాలు ధరింపజేసి, సుందరంగా అలంకరించాలి.

శ్రీకృష్ణుడికి ఎంతో ఇష్టమైన వెన్న, పాలు నైవేద్యంగా సమర్పించాలి.

శంఖారావాలు, గంటానాదాల మధ్య భక్తిశ్రద్ధలతో శ్రీకృష్ణుడికి హారతి ఇవ్వాలి.

ఆ తర్వాత అందమైన ఉయ్యాలలో బాలకృష్ణుడిని ఉంచి జోలపాటలతో ఊయల ఊపాలి.

పూజా కార్యక్రమం పూర్తయ్యాక కుటుంబ సభ్యులందరికీ ప్రసాదం పంచాలి.

కృష్ణాష్టమి విశిష్టత

పురాణ గ్రంథాల ప్రకారం శ్రీకృష్ణ జన్మాష్టమి రోజున ఉపవాసం ఉండి స్వామిని పూజించిన వారికి సకల పాపాల నుంచి విముక్తి లభిస్తుంది. అంతిమంగా వైకుంఠ ప్రాప్తి కలుగుతుందని శాస్త్ర వచనం. అగ్ని పురాణంలో పేర్కొన్న దాని ప్రకారం జన్మాష్టమి వ్రతం ఆచరించిన వారికి జన్మజన్మల పాపాలు నశించి మోక్షం సిద్ధిస్తుంది.