BRAOU MBA Admissions 2026 : అంబేడ్కర్ ఓపెన్ వర్సిటీలో ఎంబీఏ అడ్మిషన్లు - వెంటనే అప్లయ్ చేసుకోండి

BRAOU MBA Admissions 2026 : డాక్టర్ బి.ఆర్. అంబేడ్కర్ సార్వత్రిక విశ్వవిద్యాలయంలో ఎంబీఏ, హెల్త్‌కేర్ మేనేజ్‌మెంట్ కోర్సుల్లో ప్రవేశాల కోసం దరఖాస్తులను స్వీకరిస్తున్నారు. ఈ ఎంట్రెన్స్ పరీక్ష దరఖాస్తు గడువు ఆగస్టు 5తో ముగియనుంది.

BRAOU MBA Admissions 2026 : డాక్టర్ బి.ఆర్. అంబేద్కర్ సార్వత్రిక విశ్వవిద్యాలయంలో మాస్టర్ ఆఫ్ బిజినెస్ అడ్మినిస్ట్రేషన్ (M.B.A), అలాగే ఎంబీఏ హాస్పిటల్ అండ్ హెల్త్‌కేర్ మేనేజ్‌మెంట్ కోర్సుల్లో ప్రవేశాల కోసం దరఖాస్తుల ప్రక్రియ చివరి దశకు చేరుకుంది. ఈ కోర్సుల్లో ప్రవేశాల కోసం నిర్వహించే ప్రవేశ పరీక్షకు ఆన్‌లైన్ ద్వారా దరఖాస్తు చేసుకోవడానికి ఆగస్టు 5వ తేదీని చివరి గడువుగా నిర్ణయించారు.

అంబేడ్కర్ ఓపెన్ వర్సిటీ ఎంబీఏ ప్రవేశాలు

ఉన్నత విద్యను అభ్యసించాలనుకునే ఉద్యోగులకు, దూరవిద్య ద్వారా మేనేజ్‌మెంట్ కోర్సులు పూర్తి చేయాలనుకునే అభ్యర్థులకు ఇది ఒక సువర్ణావకాశం. కాబట్టి అర్హులైన విద్యార్థులు వెంటనే దరఖాస్తు చేసుకోవాలని అధికారులు ఓ ప్రకటన ద్వారా సూచించారు.

అర్హతలు…

గుర్తింపు పొందిన విశ్వవిద్యాలయం నుంచి ఏదైనా డిగ్రీలో జనరల్ అభ్యర్థులు కనీసం 50 శాతం మార్కులు సాధించి ఉండాలి. ఎస్సీ (SC), ఎస్టీ (ST) కేటగిరీలకు చెందిన అభ్యర్థులకు డిగ్రీలో 45 శాతం మార్కులు ఉంటే సరిపోతుంది.

విశ్వవిద్యాలయంలో ప్రవేశం పొందాలంటే అభ్యర్థులు తెలంగాణ ఐసెట్ (TG ICET)లో అర్హత సాధించి ఉండాలి. ఐసెట్ రాయని లేదా అందులో అర్హత సాధించని వారి కోసం ఓపెన్ యూనివర్సిటీ ప్రత్యేకంగా నిర్వహించే ప్రవేశ పరీక్షలో తప్పనిసరిగా అర్హత సాధించాల్సి ఉంటుంది.

అర్హులైన అభ్యర్థులు ఆన్‌లైన్ ద్వారానే దరఖాస్తులు సమర్పించాల్సి ఉంటుంది. సాధారణ కేటగిరీ అభ్యర్థులకు రిజిస్ట్రేషన్ ఫీజు రూ. 1,500 కాగా, ఎస్సీ, ఎస్టీ, మరియు దివ్యాంగులకు రూ. 1,000 గా నిర్ణయించారు. ప్రవేశ పరీక్షను ఆఫ్‌లైన్ (పెన్-పేపర్) విధానంలో నిర్వహిస్తారు.

పరీక్షా కేంద్రాలు తెలంగాణ వ్యాప్తంగా మొత్తం 9 నగరాల్లో ఈ పరీక్షా కేంద్రాలను ఏర్పాటు చేశారు. అందులో ఆదిలాబాద్, కరీంనగర్, ఖమ్మం, మహబూబ్‌నగర్, నల్గొండ, నిజామాబాద్, సిద్దిపేట, హనుమకొండ (వరంగల్) లలోని ప్రభుత్వ డిగ్రీ కళాశాలలతో పాటు హైదరాబాద్ జూబ్లీహిల్స్‌లోని అంబేడ్కర్ ఓపెన్ యూనివర్సిటీ ప్రధాన కార్యాలయం ఉన్నాయి.

మరిన్ని వివరాలు, సిలబస్, సమాచార పుస్తకము (Prospectus) కోసం అభ్యర్థులు వర్సిటీ అధికారిక వెబ్‌సైట్ www.braou.ac.in లేదా www.braouonline.in సందర్శించవచ్చు.ఏమైనా సందేహాలు ఉంటే పనివేళల్లో 040-23680333 / 040-23680555 ఫోన్ నంబర్లలో నేరుగా వర్సిటీ అధికారులను సంప్రదించి సమాచారం తెలుసుకోవచ్చని ఓపెన్ వర్సిటీ విద్యార్థి సేవల విభాగం డైరెక్టర్ డాక్టర్ వై. వెంకటేశ్వర్లు వివరించారు.