బంగాళాఖాతంలో ఏర్పడిన వాయుగుండం కారణంగా కొద్ది రోజుల్లో తెలంగాణలోని పలు ప్రాంతాల్లో భారీ నుండి అతి భారీ వర్షాలు కురిసే అవకాశం ఉంది. ఈ కారణంగా భారత వాతావరణ శాఖ(IMD) బుధవారం(సెప్టెంబర్ 23, 2026), గురువారం(సెప్టెంబర్ 24, 2026) కోసం పలు జిల్లాలకు రెడ్, ఆరెంజ్ అలర్ట్లను జారీ చేసింది.
సెప్టెంబర్ 23 నాటి వాతావరణ సూచన
IMD తాజా బులెటిన్ ప్రకారం, బుధవారం నాడు పెద్దపల్లి, జయశంకర్ భూపాలపల్లి, ములుగు, భద్రాద్రి కొత్తగూడెం, ఖమ్మం, మహబూబాబాద్, వరంగల్, హన్మకొండ జిల్లాల్లోని కొన్ని ప్రాంతాల్లో అతి భారీ నుండి అత్యంత భారీ వర్షాలు కురిసే అవకాశం ఉన్నందున 'రెడ్ అలర్ట్' జారీ చేసింది.
అలాగే కుమ్రం భీమ్ ఆసిఫాబాద్, మంచిర్యాల, జగిత్యాల, రాజన్న సిరిసిల్ల, కరీంనగర్, నల్గొండ, సూర్యాపేట, జనగాం, సిద్దిపేట జిల్లాల్లోని కొన్ని ప్రాంతాల్లో భారీ నుండి అతి భారీ వర్షాలు కురిసే అవకాశం ఉన్నందున ఆరెంజ్ అలర్ట్ జారీ చేశారు.
సెప్టెంబర్ 24 నాటి వాతావరణ సూచన
ఇదే సమయంలో గురువారం నాడు కుమ్రం భీమ్ ఆసిఫాబాద్, మంచిర్యాల, కరీంనగర్, పెద్దపల్లి, జయశంకర్ భూపాలపల్లి, మహబూబాబాద్, వరంగల్, హన్మకొండ జిల్లాల్లోని కొన్ని ప్రాంతాలకు రెడ్ అలర్ట్ జారీ చేశారు.
అలాగే ఆదిలాబాద్, నిర్మల్, నిజామాబాద్, జగిత్యాల, రాజన్న సిరిసిల్ల, ఖమ్మం, నల్గొండ, సూర్యాపేట, జనగాం, సిద్దిపేట జిల్లాల్లోని కొన్ని ప్రాంతాలకు ఆరెంజ్ అలర్ట్ జారీ చేశారు.
హైదరాబాద్ వాతావరణ సూచన
హైదరాబాద్ నగరం, దాని పరిసర ప్రాంతాల్లో రాబోయే 48 గంటల పాటు ఆకాశం సాధారణంగా మేఘావృతమై ఉండే అవకాశం ఉంది. 'నగరంలోని కొన్ని ప్రాంతాల్లో ఈదురు గాలులతో కూడిన మోస్తరు నుండి భారీ వర్షం లేదా ఉరుములతో కూడిన జల్లులు కురిసే అవకాశం ఉంది. గరిష్ట, కనిష్ట ఉష్ణోగ్రతలు వరుసగా 30 డిగ్రీల సెల్సియస్, 22 డిగ్రీల సెల్సియస్ చుట్టూ నమోదయ్యే అవకాశం ఉంది.' అని వాతావరణ శాఖ వెల్లడించింది.
మంగళవారం(సెప్టెంబర్ 22, 2026) సాయంత్రం రద్దీ సమయంలో హైదరాబాద్లోని కొన్ని ప్రాంతాల్లో కుండపోత వర్షం కురిసింది. మధ్యాహ్నం వరకు వాతావరణం ఎండగా ఉంది. ఆ తర్వాత సాయంత్రం ఒక్కసారిగా వాతావరణం మారిపోయింది.
{{/usCountry}}మంగళవారం(సెప్టెంబర్ 22, 2026) సాయంత్రం రద్దీ సమయంలో హైదరాబాద్లోని కొన్ని ప్రాంతాల్లో కుండపోత వర్షం కురిసింది. మధ్యాహ్నం వరకు వాతావరణం ఎండగా ఉంది. ఆ తర్వాత సాయంత్రం ఒక్కసారిగా వాతావరణం మారిపోయింది.
{{/usCountry}}భారత వాతావరణ శాఖ (ఐఎండీ)-హైదరాబాద్ కేంద్రం సాయంత్రం వాతావరణ అప్డేట్ను జారీ చేసింది. గ్రేటర్ హైదరాబాద్ మున్సిపల్ కార్పొరేషన్ పరిధిలోని కొన్ని ప్రాంతాల్లో తేలికపాటి నుంచి మోస్తరు వర్షం లేదా ఉరుములతో కూడిన జల్లులు కురిసే అవకాశం ఉందని తెలిపింది. గంటకు 40 కిలోమీటర్ల వేగంతో గాలులు వీచే అవకాశం ఉందని ఆ అప్డేట్లో పేర్కొంది.
వర్షాల దృష్ట్యా ప్రధాన రహదారులు, కూడళ్లు, కాలనీలలో నీరు నిలవకుండా నివారణ చర్యలు చేపట్టాలని, అటువంటి పరిస్థితులను చక్కదిద్దడానికి బృందాలను పంపాలని ముఖ్యమంత్రి రేవంత్ రెడ్డి అధికారులను ఆదేశించారు. లోతట్టు, వరద ముప్పు ఉన్న ప్రాంతాలపై దృష్టి సారించాలని, నాలాలు, డ్రైనేజీ లైన్లలో నీటి ప్రవాహం ఎలాంటి ఆటంకాలు లేకుండా ఉండేలా చూడాలన్నారు. విద్యుత్ సరఫరా, ట్రాఫిక్ ప్రవాహానికి ఎలాంటి అంతరాయాలు కలగకుండా చూడాలని సూచించారు.