నిజాం ఇన్స్టిట్యూట్ ఆఫ్ మెడికల్ సైన్సెస్(NIMS) త్వరలో తన రోగ నిర్ధారణ, చికిత్స ప్రక్రియల్లో ఆర్టిఫిషియల్ ఇంటెలిజెన్స్ (AI) పరికరాలను అనుసంధానించనుంది. ఈ మేరకు బెంగళూరులోని ఇండియన్ ఇన్స్టిట్యూట్ ఆఫ్ సైన్స్ (IISc), తను (TANUH) ఫౌండేషన్తో నిమ్స్ కీలక భాగస్వామ్యాన్ని కుదుర్చుకుంది.
నిమ్స్
{{^htLoading}} {{/htLoading}}
నిమ్స్ అధికారులు సోమవారం నాడు ఐఐఎస్సీ (IISc) ఏఐ సెంటర్ ప్రతినిధులతో సమావేశమయ్యారు. ఈ భాగస్వామ్యం ద్వారా ఏఐ ఆధారిత హెల్త్కేర్ పరిష్కారాలు, మల్టీ-సెంటర్ అధ్యయనాలు చేపట్టనున్నారు. రోగి వ్యక్తిగత డేటా ఆధారంగా ఖచ్చితమైన చికిత్స అందించే 'ప్రెసిషన్ మెడిసిన్'పై ఈ పరిశోధనలు దృష్టి సారిస్తాయి.
ప్రయోగశాలలో ఆవిష్కరించిన ఏఐ పరికరాలను నేరుగా రోగి చికిత్సలో వాడేలా ఈ ప్రాజెక్టును రూపొందించారు. ఈ భాగస్వామ్యానికి సంబంధించిన అధికారిక ప్రక్రియలు త్వరలోనే పూర్తి కానున్నాయి. రోగి సంరక్షణ కోసం ఏఐ సాధనాల ఉమ్మడి అభివృద్ధి, క్లినికల్ డేటా ఆధారిత పరిశోధన, ప్రెసిషన్ మెడిసిన్, అలాగే ఆవిష్కరణలను ల్యాబ్ నుండి పేషెంట్ బెడ్ వరకు తీసుకువెళ్లే ట్రాన్స్లేషనల్ ఏఐ అప్లికేషన్ల విషయంలో సహకరించాల్సిందిగా నిమ్స్ను ఆహ్వానించాయని ఒక పత్రికా ప్రకటన తెలిపింది.
రోగులకు నేరుగా ప్రయోజనం చేకూర్చే, వైద్యపరంగా వినియోగించగల ఏఐ పరిష్కారాలను అభివృద్ధి చేసే లక్ష్యంతో నిమ్స్, TANUH ఒక దీర్ఘకాలిక వ్యూహాత్మక భాగస్వామ్యం కోసం కలిసి పనిచేయడానికి అంగీకరించాయి.
ఏఐ టూల్స్ సెకన్ల వ్యవధిలో చిన్నపాటి అసాధారణతలను కూడా గుర్తించగలవు. ఇది ప్రాణాంతక వ్యాధులను ప్రారంభ దశలోనే గుర్తించడానికి దోహదపడుతుందని భావిస్తున్నారు.
{{^htLoading}} {{/htLoading}}
{{^usCountry}}
ఐఐఎస్సీ, TANUH ఫౌండేషన్ భారతీయుల జన్యుపరమైన, సామాజిక డేటాపై పరిశోధనలు చేస్తున్నాయి. విదేశీ సాఫ్ట్వేర్లపై ఆధారపడకుండా, మన దేశ రోగుల అవసరాలకు తగ్గట్టుగా ఏఐని మలచడం ఈ ప్రాజెక్టు ప్రత్యేకతగా చెప్పుకోవచ్చు.
{{/usCountry}}
{{#usCountry}}
ఐఐఎస్సీ, TANUH ఫౌండేషన్ భారతీయుల జన్యుపరమైన, సామాజిక డేటాపై పరిశోధనలు చేస్తున్నాయి. విదేశీ సాఫ్ట్వేర్లపై ఆధారపడకుండా, మన దేశ రోగుల అవసరాలకు తగ్గట్టుగా ఏఐని మలచడం ఈ ప్రాజెక్టు ప్రత్యేకతగా చెప్పుకోవచ్చు.
{{/usCountry}}
నిమ్స్ వంటి సంస్థ ఇటువంటి అత్యాధునిక సాంకేతికతను అందిపుచ్చుకోవడం వల్ల సామాన్యులకు కూడా కార్పొరేట్ స్థాయి వైద్యం తక్కువ ధరకే అందుబాటులోకి వస్తుంది.
ఆనంద్ సాయి మాదాసు ప్రస్తుతం హిందుస్తాన్ టైమ్స్ తెలుగులో డిప్యూటీ చీఫ్ కంటెంట్ ప్రొడ్యూసర్గా బాధ్యతలు నిర్వర్తిస్తున్నారు. డిజిటల్ మీడియాలో 9 ఏళ్లకుపైగా అనుభవం ఉంది. హెచ్టీ తెలుగులో చేరడం కంటే ముందు ఏబీపీ దేశంలో డిజిటల్ కంటెంట్ ప్రొడ్యూసర్గా పని చేశారు. మెుదట నవతెలంగాణ అనే దినపత్రికలో సబ్ఎడిటర్గా జర్నలిజం కెరీర్ మెుదలుపెట్టారు. ఆ తర్వాత కరీంనగర్లో ఈనాడు దినపత్రికలో కొంతకాలం సబ్ఎడిటర్గా బాధ్యతలు చూసుకున్నారు. కాకతీయ యూనివర్సిటీలో 2015-2017 పీజీ మాస్ కమ్యూనికేషన్ అండ్ జర్నలిజం చేశారు. ఈ సమయంలో మేడారం సమ్మక్క-సారలమ్మ జాతర కోసం ప్రత్యేకంగా క్యాంపస్ నుంచి పంపించిన టీమ్లో ఉన్నారు. పీజీ చదివే సమయంలోనే క్యాంపస్ రిక్రూట్మెంట్లో భాగంగా ఈటీవీ భారత్కు సెలక్ట్ అయ్యారు. అక్కడ ఆంధ్రప్రదేశ్ డెస్క్లో పని చేశారు. అంతేకాదు కొన్ని ప్రత్యేక స్టోరీలు కూడా ఈటీవీ భారత్ వెబ్సైట్ కోసం రాసేవారు. 2019 ఎన్నికల్లో ఎలక్షన్ డెస్క్ టీమ్లో ఉన్న నలుగురిలో ఆనంద్ సాయి ఒకరు. ఆ తర్వాత అక్కడ నుంచి ఏబీపీ దేశంలోకి వెళ్లి కొంతకాలం పని చేశారు. ఈ సమయంలో కూడా డిజిటల్ మీడియాకు తగినట్టుగా అనేక ప్రత్యేక కథనాలు రాశారు. హిందూస్తాన్ టైమ్స్ తెలుగులో 2022లో చేరారు. ఇక్కడ గతంలో నేషనల్, బిజినెస్, లైఫ్స్టైల్, ఎంటర్టైన్మెంట్, స్పోర్ట్స్ సెక్షన్లకు పనిచేశారు. ప్రస్తుతం ఆంధ్రప్రదేశ్, తెలంగాణ సెక్షన్లకు వార్తలు రాస్తున్నారు. అన్ని సెక్షన్లకు డిజిటల్ కంటెంట్ రైటర్గా పని చేసిన అనుభవం ఆయనకు ఉంది. అంతేకాదు ఈటీవీ భారత్, ఏబీపీ దేశం, హిందుస్తాన్ టైమ్స్ వెబ్సైట్స్ లాంచ్ టీమ్లో ఈయన ఉన్నారు. ప్రస్తుతం ఆంధ్రప్రదేశ్, తెలంగాణ రాజకీయ పరిణామాలు, విశ్లేషణలు, విద్య, ఉద్యోగ సమాచారంతో పాటు ఆసక్తికరమైన కథనాలను అందిస్తారు. ప్రభుత్వ పథకాలు, ఉద్యోగ నోటిఫికేషన్లు, ఇతర సమాచారం ప్రజలకు సులభంగా అర్థమయ్యే రీతిలో, వీలైనంత త్వరగా కథనాలను ఇవ్వటంలో ప్రత్యేక శైలి కలిగి ఉన్నారు. అనేకసార్లు హిందుస్తాన్ టైమ్స్ సంస్థ నుంచి ఇన్స్టా అవార్డులు అందుకున్నారు. డిజిటల్ మీడియాలో ఎక్కువకాలం పని చేసిన అనుభవం ఉంది. యూజర్లకు ఉపయోగపడే వార్తలను అందించడంలో ముందుంటారు.
