హైదరాబాద్ శివార్లలో అక్రమ నీటి వ్యాపారంపై ‘హైడ్రా’ (HYDRAA) ఉక్కుపాదం మోపుతోంది. ఎలాంటి అనుమతులు లేకుండా ఇష్టారాజ్యంగా బోర్లు వేసి, భూగర్భ జలాలను తోడేస్తూ భారీ దందా నడుపుతున్న అక్రమార్కుల ఆటకట్టించేందుకు చర్యలు వేగవంతం చేసింది. ఇందులో భాగంగానే సంగారెడ్డి జిల్లా రామచంద్రాపురం మండలం తెల్లాపూర్ గ్రామ పరిధిలోని రెండు వేర్వేరు ప్రాంతాల్లో సోమవారం హైడ్రా అధికారులు మెరుపు దాడులు నిర్వహించారు.
నిబంధనలకు విరుద్ధంగా ఏర్పాటు చేసిన 7 అక్రమ బోర్లను పైపులతో సహా అధికారులు తొలగించి, వాటిని పూర్తిగా పూడ్చివేశారు. వీటితో పాటు నీటిని నిల్వ చేసేందుకు ఏర్పాటు చేసిన 6 భారీ వాటర్ సంపులను జెసిబీల సహాయంతో పూర్తిగా ధ్వంసం చేశారు. అక్రమంగా నీటిని రవాణా చేస్తున్న పలు వాటర్ ట్యాంకర్లను సీజ్ చేయడంతో పాటు, ఈ దందా వెనుక ఉన్న బాధ్యులపై చట్టరీత్యా కేసులు నమోదు చేయించారు.
భూగర్భ జలమట్టం దారుణంగా పడిపోకుండా కాపాడటంతో పాటు, స్థానిక ప్రజలకు భవిష్యత్తులో తీవ్ర నీటి ఎద్దడి కలగకుండా చూడటమే లక్ష్యంగా ఈ చర్యలు చేపట్టినట్లు అధికారులు తెలిపారు. అనుమతులు లేకుండా వాణిజ్య అవసరాల కోసం వేసే బోర్లపై నిరంతరం నిఘా ఉంటుందని స్పష్టం చేశారు.
మరోవైపు తెల్లాపూర్, దాని పరిసర ప్రాంతాల్లోని గేటెడ్ కమ్యూనిటీలు, కాలనీల నివాసితులు అక్రమ వాటర్ ట్యాంకర్ల రాకపోకలతో తీవ్ర ఇబ్బందులు పడేవారు. నీటిని తోడేసి వీలైనంత వేగంగా అమ్ముకోవాలనే ఆరాటంలో ట్యాంకర్ డ్రైవర్లు జనావాసాల మధ్య ర్యాష్ డ్రైవింగ్ చేస్తూ ప్రజల ప్రాణాలతో చెలగాటం ఆడటంపై గతంలోనే పలువురు ఆందోళనలు వ్యక్తం చేశారు.
హైడ్రా తీసుకున్న ఈ కఠిన నిర్ణయంతో తమ కాలనీ రోడ్లపై ప్రాణాల ముప్పు తప్పిందని స్థానిక నివాసితులు హర్షం వ్యక్తం చేస్తున్నారు. అలాగే సమీపంలోని చెరువులు, కుంటలు ఉన్న ప్రాంతాల్లో కూడా అక్రమ నీటి దందాను పూర్తిగా అరికట్టాలని, ప్రకృతి వనరులను కాపాడాలని ఈ సందర్భంగా పలువురు పర్యావరణ వేత్తలు, స్థానికులు హైడ్రా అధికారులను కోరారు.
మరిన్ని ఫిర్యాదులు :
{{/usCountry}}హైడ్రా తీసుకున్న ఈ కఠిన నిర్ణయంతో తమ కాలనీ రోడ్లపై ప్రాణాల ముప్పు తప్పిందని స్థానిక నివాసితులు హర్షం వ్యక్తం చేస్తున్నారు. అలాగే సమీపంలోని చెరువులు, కుంటలు ఉన్న ప్రాంతాల్లో కూడా అక్రమ నీటి దందాను పూర్తిగా అరికట్టాలని, ప్రకృతి వనరులను కాపాడాలని ఈ సందర్భంగా పలువురు పర్యావరణ వేత్తలు, స్థానికులు హైడ్రా అధికారులను కోరారు.
మరిన్ని ఫిర్యాదులు :
{{/usCountry}}చెరువుల చెంత బోర్లు వేసి అక్రమంగా నీటి దందా చేస్తున్నార‌ని.. వెంట‌నే హైడ్రా రంగంలోకి దిగి వాటిని నియంత్రించాల‌ని పలువురు హైడ్రా ప్ర‌జావాణిలో కోరారు. 600ల నుంచి వెయ్యి అడుగుల మేర భూగ‌ర్భంలో నీటిని తోడేసి.. ప‌క్కనే ఉన్న కాల‌నీల్లో నివ‌సిస్తున్న త‌మ‌కు నీరు అంద‌కుండా చేస్తున్నార‌ని పలువురు వాపోయారు.
నాన‌క్‌రాంగూడ, ఫైనాన్షియ‌ల్ డిస్ట్రిక్ట్ త‌దిత‌ర ప్రాంతాల‌లో నీటిని అమ్ముకుని త‌మ‌కు నీరు లేకుండా చేస్తున్నార‌ని గోప‌న్న‌ప‌ల్లి జ‌ర్న‌లిస్టు కాల‌నీతో పాటు.. పలు కాల‌నీవాసులు హైడ్రా ప్ర‌జావాణిలో ఫిర్యాదు చేశారు. గోప‌న్న‌ప‌ల్లిలో ప‌దుల సంఖ్య‌లో వాటర్ ట్యాంకర్ల దందా కొన‌సాగుతోంద‌ని.. వాపోయారు. ఇలా హైడ్రా ప్ర‌జావాణికి మొత్తం 39 ఫిర్యాదులు రాగా వాటిని హైడ్రా అడిష‌న‌ల్ క‌మిష‌న‌ర్ డి. ఆనంద్‌కుమార్ ప‌రిశీలించి ప‌రిష్కార బాధ్య‌త‌ల‌ను సంబంధిత అధికారుల‌కు అప్ప‌గించారు.