ఐవీఎఫ్ రంగంలో అంతర్జాతీయ గుర్తింపు పొందిన తెలుగు రాష్ట్రాల పరిశోధనలు!

ప్రపంచ ఐవీఎఫ్‌ దినోత్సవం సందర్భంగా ఫెర్టీ9కు అంతర్జాతీయ స్థాయిలో విశిష్ట గుర్తింపు లభించింది. ప్రపంచ ప్రఖ్యాత సదస్సులకు ఈ సంస్థ పరిశోధనా పత్రాలు ఎంపికయ్యాయి.

ఐవీఎఫ్ సెంటర్ ఫెర్టీ9 అంతర్జాతీయ స్థాయిలో ఘనత సాధించింది. ప్రపంచ ఐవీఎఫ్ దినోత్సవాన్ని పురస్కరించుకుని హైదరాబాద్ కేపీహెచ్‌బీలో ఏర్పాటు చేసిన సమావేశంలో ఫెర్టీ9 యాజమాన్యం తమ సంస్థ సాధించిన పరిశోధనా ఫలితాలను, సాంకేతిక పురోగతిని పంచుకుంది. ఈ కార్యక్రమంలో సీఈఓ సుకేష్ గైన్, మెడికల్ డైరెక్టర్ డాక్టర్ జ్యోతి సి. బుడితో పాటు సీనియర్ ఫెర్టిలిటీ నిపుణులు డాక్టర్ ఉషా బృందిని, డాక్టర్ సాహితి పాల్గొన్నారు.

ప్రతీకాత్మక చిత్రం

గ్లోబల్ మెడికల్ కాన్ఫరెన్స్‌లలో ఫెర్టీ9 సమర్పించిన పరిశోధనా పత్రాలకు గ్లోబల్ స్థాయిలో ప్రశంసలు దక్కాయి. ESHRE 2026 సదస్సులో నాలుగు పరిశోధనా పత్రాలు, ఒక ఓరల్ ప్రెజెంటేషన్ ఎంపికవ్వగా.. టోక్యో (జపాన్) అంతర్జాతీయ కాన్ఫరెన్స్‌కు నాలుగు, అలాగే ప్రతిష్ఠాత్మక యాస్పైర్(ASPIRE) సమావేశానికి 11 రీసెర్చ్ పేపర్లు ఎంపికయ్యాయి. గత ఐదేళ్ల క్లినికల్ ఆధారాలను విశ్లేషిస్తూ.. ఆంధ్రప్రదేశ్, తెలంగాణలలో సంతానోత్పత్తి ధోరణులు, ఆలస్యంగా పెళ్లిళ్లు చేసుకోవడం, పురుషుల్లో వీర్యకణాల సంఖ్య తగ్గడం, పీసీఓఎస్, మారుతున్న జీవనశైలి ప్రభావంపై ఈ అధ్యయనాలు నిర్వహించినట్లు సంస్థ ప్రతినిధులు వెల్లడించారు.

తెలుగు రాష్ట్రాల్లోనూ మొత్తం జననాల రేటు ఆందోళనకరంగా తగ్గుతోందని డాక్టర్ జ్యోతి సి. బుడి ఆవేదన వ్యక్తం చేశారు. సంతానలేమి సమస్యలపై అవగాహన పెంచుకోవడం, సమస్య మూలాలను త్వరగా గుర్తించడమే సగం విజయమని డాక్టర్ ఉషా బృందిని తెలిపారు.

ఐవీఎఫ్ ప్రక్రియలో రోగులకు ఇంజెక్షన్ల భయం, నొప్పుల నుంచి ఉపశమనం కలిగించేందుకు ఫెర్టీ9 ఒక కీలక నిర్ణయం తీసుకుంది. తమ 11 కేంద్రాల్లో 'నీడిల్-ఫ్రీ ఐవీఎఫ్' సేవలను ప్రారంభించినట్లు ప్రకటించింది. ప్రత్యేకమైన నీడిల్-ఫ్రీ డ్రగ్ డెలివరీ టెక్నాలజీ ద్వారా అండాల ఉత్పత్తి సమయంలో రోజూ ఇచ్చే సూదుల అవసరం లేకుండానే వైద్యం అందిస్తారు.

ఈ కార్యక్రమంలో సీఈఓ సుకేష్ గైన్, మెడికల్ డైరెక్టర్ డాక్టర్ జ్యోతి సి. బుడితో పాటు సీనియర్ ఫెర్టిలిటీ నిపుణులు డాక్టర్ ఉషా బృందిని, డాక్టర్ సాహితి పాల్గొన్నారు.