యునెస్కో ప్రపంచ వారసత్వ సంపదగా గుర్తింపు పొందిన కాకతీయుల కాలం నాటి చారిత్రక రామప్ప దేవాలయానికి (రుద్రేశ్వర ఆలయం) మైనింగ్ కార్యకలాపాల వల్ల ప్రమాదం పొంచి ఉందంటూ వస్తున్న వార్తలపై సింగరేణి కాలరీస్ కంపెనీ లిమిటెడ్ (SCCL) స్పష్టతనిచ్చింది. ములుగు జిల్లాలోని వెంకటాపూర్ ఓపెన్‌కాస్ట్ ప్రాజెక్ట్ మైనింగ్ వల్ల ఆలయానికి ముప్పు ఉందనే ప్రచారంలో ఎలాంటి వాస్తవం లేదని, అది కేవలం అపోహ మాత్రమేనని సంస్థ యాజమాన్యం అధికారికంగా స్పష్టం చేసింది.
సింగరేణి సంస్థ ప్రతిపాదించిన వెంకటాపూర్ ఓపెన్‌కాస్ట్ బొగ్గు గని ప్రాజెక్టుకు సంబంధించి అన్ని రకాల సమగ్ర శాస్త్రీయ అధ్యయనాలు, నివేదికలను క్షుణ్ణంగా పరిశీలించిన తర్వాతే తదుపరి నిర్ణయం తీసుకోనున్నట్లు ప్రకటించింది. మైనింగ్ తవ్వకాలపై ఎలాంటి నిర్ణయమైనా ఆర్కియాలాజికల్ సర్వే ఆఫ్ ఇండియాతో పాటు ప్రతిష్టాత్మక శాస్త్రీయ పరిశోధనా సంస్థలు ఇచ్చే నివేదికలు, సిఫార్సుల ప్రాతిపదికన మాత్రమే ఉంటుందని సింగరేణి యాజమాన్యం స్పష్టం చేసింది.
ప్రభుత్వ రంగ సంస్థగా తమకు సామాజిక, సాంస్కృతిక బాధ్యత ఉందన్న సింగరేణి.. ఎట్టి పరిస్థితుల్లోనూ రామప్ప దేవాలయానికి ఎలాంటి నష్టం చేకూర్చబోమని స్పష్టమైన హామీ ఇచ్చింది. కాకతీయుల కళాత్మక వైభవానికి ప్రతీకగా నిలిచిన రామప్ప ఆలయ రక్షణ విషయంలో ఎలాంటి రాజీ పడేది లేదని పేర్కొంది.
పర్యావరణ పరిరక్షణ, చట్టబద్ధమైన నిబంధనలకు ప్రాధాన్యత ఇస్తూ సుస్థిర విధానాల్లో మాత్రమే మైనింగ్ ప్రక్రియను చేపడతామని సింగరేణి సంస్త పునరుద్ఘాటించింది. నిపుణుల సలహాలు, శాస్త్రీయ ఆధారాలు, వారసత్వ సంపద పరిరక్షణ చట్ట నిబంధనలను పరిగణనలోకి తీసుకున్న అనంతరమే వెంకటాపూర్ ఓపెన్‌కాస్ట్ ప్రాజెక్ట్‌పై ముందడుగు వేస్తామని తెలిపింది.
13వ శతాబ్దంలో కాకతీయ గణపతిదేవుడి సేనాని రేచర్ల రుద్రుడు నిర్మించిన ఈ రుద్రేశ్వర (రామప్ప) ఆలయం, సాండ్ బాక్స్ టెక్నిక్, నీటిపై తేలియాడే ఇటుకల నిర్మాణ శైలికి ప్రపంచ ప్రసిద్ధి చెందింది. దీని సమీపంలో బొగ్గు తవ్వకాల వల్ల ఆలయ నిర్మాణానికి ప్రకంపనల ముప్పు ఉంటుందని ఆందోళనలు వ్యక్తమైన నేపథ్యంలో సింగరేణి సంస్థ ఈ మేరకు క్లారిటీ ఇచ్చింది.
{{/usCountry}}13వ శతాబ్దంలో కాకతీయ గణపతిదేవుడి సేనాని రేచర్ల రుద్రుడు నిర్మించిన ఈ రుద్రేశ్వర (రామప్ప) ఆలయం, సాండ్ బాక్స్ టెక్నిక్, నీటిపై తేలియాడే ఇటుకల నిర్మాణ శైలికి ప్రపంచ ప్రసిద్ధి చెందింది. దీని సమీపంలో బొగ్గు తవ్వకాల వల్ల ఆలయ నిర్మాణానికి ప్రకంపనల ముప్పు ఉంటుందని ఆందోళనలు వ్యక్తమైన నేపథ్యంలో సింగరేణి సంస్థ ఈ మేరకు క్లారిటీ ఇచ్చింది.
{{/usCountry}}'చారిత్రక వారసత్వ సంపదను కాపాడుకుంటూనే, శాస్త్రీయ పద్ధతులు, నిపుణుల మార్గదర్శకాలను పాటిస్తూ ముందుకు సాగుతాం.' అని సింగరేణి అధికారికంగా స్పష్టం చేసింది.