పండగల వేళ ప్రయాణికుల రద్దీ... సికింద్రాబాద్ - విశాఖ మధ్య ప్రత్యేక రైళ్లు ప్రకటన! హాల్ట్ లిస్ట్ ఇదే

దసరా పండుగ రద్దీ దృష్ట్యా సికింద్రాబాద్-విశాఖపట్నం మధ్య ప్రత్యేక రైళ్లను ప్రకటించారు. ఈ వివరాలను దక్షిణ కోస్తా రైల్వే ఓ ప్రకటన ద్వారా వెల్లడించింది.

పండుగల సీజన్‌లో స్వగ్రామాలకు వెళ్లే ప్రయాణికుల రద్దీని దృష్టిలో ఉంచుకుని దక్షిణ కోస్తా రైల్వే కీలక నిర్ణయం తీసుకుంది. సికింద్రాబాద్ - విశాఖపట్నం మధ్య ప్రయాణికుల రద్దీని నియంత్రించేందుకు ప్రత్యేక రైలు సర్వీసును (Train No. 07071 / 07072) ప్రారంభించనున్నట్లు ప్రకటించింది.

సికింద్రాబాద్ - విశాఖ ప్రత్యేక రైళ్లు

• సికింద్రాబాద్ – విశాఖపట్నం స్పెషల్ ఎక్స్‌ప్రెస్ ( నెంబర్ 07071) : ఈ ప్రత్యేక రైలు అక్టోబర్ 18 (ఆదివారం) రాత్రి 20:15 గంటలకు (రాత్రి 8:15) సికింద్రాబాద్ స్టేషన్ నుంచి బయలుదేరుతుంది. మరుసటి రోజు, అంటే అక్టోబర్ 19 (సోమవారం) మధ్యాహ్నం 12:05 గంటలకు విశాఖపట్నం చేరుకుంటుంది.
• విశాఖపట్నం – సికింద్రాబాద్ స్పెషల్ ఎక్స్‌ప్రెస్ (నెంబర్ 07072) : తిరుగు ప్రయాణంలో ఈ రైలు అక్టోబర్ 19 (సోమవారం) మధ్యాహ్నం 15:50 గంటలకు (మధ్యాహ్నం 3:50) విశాఖపట్నం నుంచి బయలుదేరుతుంది. మరుసటి రోజు, అక్టోబర్ 20 (మంగళవారం) ఉదయం 07:05 గంటలకు సికింద్రాబాద్ చేరుకుంటుంది.

ముఖ్యమైన స్టేషన్లు (ఆగు స్థానాలు):

ఇరు మార్గాల్లోనూ ఈ రైళ్లు చర్లపల్లి, నల్గొండ, మిర్యాలగూడ, విష్ణుపురం, గుంటూరు, కృష్ణాకెనాల్ , విజయవాడ, గుడివాడ, భీమవరం టౌన్, రాజమండ్రి, సామర్లకోట, అనకాపల్లి, దువ్వాడ స్టేషన్లలో ఆగుతాయి. ఈ ప్రత్యేక రైలులో మొత్తం 22 బోగీలు ఉంటాయి.

• ఫస్ట్ ఏసీ కమ్ సెకండ్ ఏసీ : 01 కోచ్

• స్లీపర్ క్లాస్ : 17 కోచ్‌లు

• జనరల్ సెకండ్ క్లాస్ : 02 కోచ్‌లు

• సెకండ్ క్లాస్ కమ్ లగేజ్ కోచ్ : 02 కోచ్‌లు

పండుగ వేళ ప్రయాణికులు ఇబ్బందులు పడకుండా ఉండేందుకు ఈ ప్రత్యేక రైళ్ల సౌకర్యాన్ని అందుబాటులోకి తీసుకొచ్చామని, ప్రయాణికులు ఈ అవకాశాన్ని వినియోగించుకోవాలని సౌత్ కోస్ట్ రైల్వే విజ్ఞప్తి చేసింది.