అర్నబ్ తుపాను కారణంగా ఈ ట్రైన్ సర్వీసులు రద్దు.. రైళ్లు రీషెడ్యూల్

అర్నబ్ తుపాను ప్రభావం కారణంగా దక్షిణ మధ్య రైల్వేలోని పలు సర్వీసులు రద్దు చేసినట్టుగా అధికారులు వెల్లడించారు. ప్రయాణికుల భద్రతను దృష్టిలో పెట్టుకుని రైల్వే శాఖ ఈ నిర్ణయం తీసుకుంది.

అర్నబ్ తుపానును దృష్టిలో ఉంచుకుని, ప్రయాణికుల భద్రత కోసం ముందుజాగ్రత్త చర్యగా దక్షిణ మధ్య రైల్వే 12 రైళ్లను రద్దు చేసింది. ఏపీ మీదుగా ఈ రైళ్లు వెళ్లనుండటంతో ప్రయాణికుల సేఫ్టీని దృష్టిలో పెట్టుకుని అధికారులు ఈ నిర్ణయం తీసుకున్నారు. పూర్తిగా రద్దు చేసిన రైళ్ల వివరాలు చూస్తే..

అర్నబ్ తుపాను రైళ్లు క్యాన్సిల్

12704 సికింద్రాబాద్–హౌరా

17016 సికింద్రాబాద్–భువనేశ్వర్

12728 హైదరాబాద్-విశాఖపట్నం

12862 మహబూబ్ నగర్-విశాఖపట్నం

12740 సికింద్రాబాద్-విశాఖపట్నం

12776 లింగంపల్లి-కాకినాడ పోర్ట్

12738 లింగంపల్లి-కాకినాడ పోర్ట్

20810 హెచ్ఎస్ నాందేడ్–సంబల్పూర్

07037 చర్లపల్లి-శ్రీకాకుళం రోడ్

07038 శ్రీకాకుళం రోడ్-చర్లపల్లి

పైన పేర్కొన్న వాటితో పాటు నాగర్‌సోల్ నుండి నర్సాపూర్ వెళ్లే 12788 నంబర్ రైలు కూడా పాక్షికంగా రద్దు చేసినట్టుగా అధికారులు ప్రకటించారు. కోస్టల్ ఆంధ్రప్రదేశ్, ఒడిశాకు ప్రయాణించే ప్రయాణికులు అందుబాటులో ఉన్న హెల్ప్‌లైన్ నంబర్ల ద్వారా తమ రైలు సమయాలను తనిఖీ చేసుకోవాలని సూచించారు.

మరోవైపు ఏపీ పరిధిలో అక్టోబర్ 27, 28 తేదీల్లో వివిధ మార్గాల్లో రాకపోకలు సాగించాల్సిన మొత్తం 53 రైళ్లను రద్దు చేస్తున్నట్లు సౌత్ కోస్ట్ రైల్వే వెల్లడించింది. విశాఖపట్నం, విజయవాడ, రాజమండ్రి, కాకినాడ పోర్టు, పార్వతీపురం, నరసాపురం, మచిలీపట్నం, భీమవరం, గుంటూరు, తెనాలి తదితర ప్రాంతాల మధ్య ప్రయాణించే వేలాది మంది ప్రయాణికులపై తీవ్ర ప్రభావం పడనుంది.

ప్రయాణాలు చేయాలని భావిస్తున్న ప్రజలు ముందుగా తమ రైలు నంబర్, ప్రయాణ తేదీని సరిచూసుకోవాలని రైల్వే అధికారులు విజ్ఞప్తి చేశారు. రైల్వే స్టేషన్‌కు బయలుదేరే ముందే అధికారిక విచారణ కేంద్రాలు 139 హెల్ప్‌లైన్, నేషనల్ ట్రైన్ ఎన్‌క్వైరీ సిస్టమ్ (NTES) యాప్ ద్వారా రైళ్ల తాజా సమాచారాన్ని చూసుకోవాలి.

ఈ లింక్ క్లిక్ చేసి రద్దైన 53 రైళ్ల వివరాలు చూడండి.

రైళ్లు రీషెడ్యూల్

అర్నాబ్ తుపాను కారణంగా పలు రైళ్ల సమయాల్లో మార్పులు జరిగాయి. అక్టోబర్ 27, 28 తేదీల్లో ప్రయాణికులు ఈ కింది రైళ్ల సమయాల్లో జరిగిన మార్పులను గమనించాలి.

27 అక్టోబర్ 2026

రైలు నం. 18464: KSR బెంగళూరు సిటీ జంక్షన్ – భువనేశ్వర్ 180 నిమిషాలు ఆలస్యం

రైలు నం. 22807: సంత్రాగాచి జంక్షన్ – MGR చెన్నై సెంట్రల్ 180 నిమిషాలు

రైలు నం. 17068: బనారస్ – చర్లపల్లి 180 నిమిషాలు

రైలు నం. 12841: హౌరా జంక్షన్ – MGR చెన్నై సెంట్రల్ 240 నిమిషాలు

రైలు నం. 17216: ధర్మవరం జంక్షన్ – మచిలీపట్నం 240 నిమిషాలు

రైలు నం. 12840: MGR చెన్నై సెంట్రల్ – హౌరా జంక్షన్ 300 నిమిషాలు

రైలు నం. 18042: చెన్నై ఎగ్మోర్ – షాలిమార్ 300 నిమిషాలు

రైలు నం. 17481: బిలాస్పూర్ జంక్షన్ – తిరుపతి 360 నిమిషాలు

28 అక్టోబర్ 2026

రైలు నం. 06020: నరసాపురం – తూత్తుకుడి 180 నిమిషాలు రీషెడ్యూల్

రైలు నం. 12805: విశాఖపట్నం – లింగంపల్లి 180 నిమిషాలు

రైలు నం. 12787: నరసాపురం – నాగర్‌సోల్ 240 నిమిషాలు

ప్రయాణికులు తమ ప్రయాణాన్ని ప్రారంభించే ముందు రైళ్ల లేటెస్ట్ స్టేటస్ సరిచూసుకుని, అందుకు అనుగుణంగా ప్రణాళిక సిద్ధం చేసుకోవాలని అధికారులు సూచించారు.