ఇక సూపర్ ఫాస్ట్ గా చర్లపల్లి - తిరుచానూర్ రైలు... తగ్గనున్న జర్నీ టైమ్, మార్పులు ఇలా..

చర్లపల్లి-తిరుచానూర్ రైలును సూపర్‌ఫాస్ట్‌గా మారుస్తూ దక్షిణ మధ్య రైల్వే నిర్ణయం తీసుకుంది. 2027 జనవరి 1 నుంచి కొత్త నంబర్లు, మారిన వేళలు అమల్లోకి రానున్నాయి.

చర్లపల్లి - తిరుచానూర్ మధ్య ప్రయాణించే ప్రయాణికులకు దక్షిణ మధ్య రైల్వే తీపి కబురు అందించింది. ఈ మార్గంలో నడుస్తున్న ఎక్స్‌ప్రెస్ రైలు వేగాన్ని పెంచడంతో పాటు…. దానికి ‘సూపర్‌ఫాస్ట్’ హోదాను కల్పిస్తున్నట్లు అధికారికంగా ప్రకటించింది.

రైలు నంబర్లు - వేళల్లో మార్పులు

చర్లపల్లి-తిరుచానూర్‌ రైలు ఇక సూపర్‌ఫాస్ట్‌

సూపర్‌ఫాస్ట్ కేటగిరీకి మార్చిన నేపథ్యంలో ఈ రైళ్ల నంబర్లలో కూడా మార్పులు చేశారు. ఈ కొత్త నిబంధనలు, వేళలు 2027 జనవరి 1వ తేదీ నుంచి అమల్లోకి రానున్నాయి.

• చర్లపల్లి - తిరుచానూర్ (రైలు నంబరు: 12729) : ఇప్పటివరకు 17047 నంబర్‌తో నడుస్తున్న చర్లపల్లి-తిరుచానూర్ ఎక్స్‌ప్రెస్ ఇకపై 12729 నంబరుతో సేవలు అందిస్తుంది. ఈ రైలు ప్రతిరోజూ చర్లపల్లిలో సాయంత్రం 6.55 గంటలకు బయలుదేరి, మరుసటి రోజు ఉదయం 8.00 గంటలకు తిరుచానూర్ చేరుకుంటుంది. దీని నిష్క్రమణ, చేరుకునే సమయాల్లో ఎలాంటి మార్పు లేదు.
• తిరుచానూర్ - చర్లపల్లి (రైలు నంబరు: 12730) : ప్రస్తుతం 17048 నంబర్‌తో నడుస్తున్న తిరుచానూర్-చర్లపల్లి రైలు నంబరు 12730గా మారనుంది. ఈ రైలు తిరుచానూర్‌లో సాయంత్రం 4.55 గంటలకు బయలుదేరి, మరుసటి రోజు ఉదయం 6.00 గంటలకే చర్లపల్లికి చేరుకుంటుంది. వేగం పెంచడం వల్ల ఇప్పటివరకు ఉదయం 7.00 గంటలకు చేరుకునే ఈ రైలు, ఇకపై ఒక గంట ముందుగానే గమ్యస్థానానికి చేరుకోనుంది.

6 సూపర్‌ఫాస్ట్ రైళ్లు ఎక్స్‌ప్రెస్‌లుగా మార్పు

ప్రయాణికులు ఈ నంబర్లు, సమయాల్లో వచ్చిన మార్పులను గమనించి తమ ప్రయాణాలను ప్లాన్ చేసుకోవాలని దక్షిణ మధ్య రైల్వే సూచించింది.