హైదరాబాద్ యూనివర్సిటీ క్యాంపస్ స్కూల్‌లో టీచింగ్ పోస్టులు.. వాక్-ఇన్ ఇంటర్వ్యూల షెడ్యూల్ ఇదే

యూనివర్సిటీ ఆఫ్ హైదరాబాద్‌ క్యాంపస్ స్కూల్‌లో పలు సబ్జెక్టులలోని ఉపాధ్యాయ ఖాళీలను భర్తీ చేయనున్నారు. జూన్ 9 నుండి 11 వరకు ఇంటర్వ్యూల షెడ్యూల్ ఉంది.

యూనివర్సిటీ ఆఫ్ హైదరాబాద్‌ క్యాంపస్ స్కూల్‌లో కాంట్రాక్ టీచర్ పోస్టులకు నోటిఫికేషన్ వెలుడింది. ఉపాధ్యాయ ఉద్యోగాల కోసం ఎదురుచూస్తున్న అభ్యర్థులకు ఇది ఒక మంచి అవకాశం. గచ్చిబౌలిలోని యూనివర్సిటీ ఆఫ్ హైదరాబాద్‌ క్యాంపస్ స్కూల్‌లో ఖాళీగా ఉన్న వివిధ సబ్జెక్టుల ఉపాధ్యాయ పోస్టుల భర్తీకి వాక్-ఇన్ ఇంటర్వ్యూలు నిర్వహించనున్నట్లు పాఠశాల యంత్రాంగం ప్రకటించింది.

యూనివర్సిటీ ఆఫ్ హైదరాబాద్ టీచింగ్ జాబ్స్ (University of Hyderabad)

ఇంగ్లీష్, సైన్స్, మ్యాథమెటిక్స్, కంప్యూటర్ సైన్స్ వంటి పలు సబ్జెక్టులలో ఈ ఖాళీలు ఉన్నాయి. ఈ నోటిఫికేషన్ ద్వారా మొత్తం 25 కాంట్రాక్ట్ పోస్టులను భర్తీ చేయనున్నారు. ఎంపికైన అభ్యర్థులు ఆరు నెలల కాలపరిమితి (జూన్ 22 నుండి డిసెంబర్ 26 వరకు) కాంట్రాక్ట్ ప్రాతిపదికన పనిచేయాల్సి ఉంటుంది.

పోస్టుల వివరాలు

• పోస్ట్ గ్రాడ్యుయేట్ టీచర్ (PGT - కంప్యూటర్ సైన్స్): 01
• ట్రైన్డ్ గ్రాడ్యుయేట్ టీచర్ (TGT - వివిధ సబ్జెక్టులు): 13
• ప్రైమరీ టీచర్ (PRT): 10 పోస్టులు
• కౌన్సిలర్ (Counsellor): 01 పోస్టు

వాక్-ఇన్ ఇంటర్వ్యూల షెడ్యూల్

క్యాంపస్ స్కూల్‌లో జూన్ 9వ తేదీ నుండి 11వ తేదీ వరకు సబ్జెక్టుల వారీగా ఇంటర్వ్యూలు జరుగుతాయి. అర్హులైన అభ్యర్థులు తమ సబ్జెక్టును బట్టి నిర్ణీత తేదీల్లో హాజరుకావాలి. జూన్ 9న TGT (సోషల్ సైన్స్, ఇంగ్లీష్), PRT (ప్రీ-ప్రైమరీ, EVS) ఇంటర్వ్యూలు ఉంటాయి. జూన్ 10న TGT/PRT (సైన్స్, తెలుగు, హిందీ, మ్యాథమెటిక్స్), జూన్ 11PGT (కంప్యూటర్ సైన్స్), కౌన్సిలర్, ఆర్ట్ ఎడ్యుకేషన్, ఫిజికల్ ఎడ్యుకేషన్ (PET) పోస్టులకు ఇంటర్వ్యూ నిర్వహిస్తారు.

ఎంపికైన ఉపాధ్యాయులకు హోదాని బట్టి ఆకర్షణీయమైన వేతనాలు అందించనున్నారు. పీజీటీ కంప్యూటర్ సైన్స్ నెలకు రూ. 48,000, టీజీటీ, కౌన్సిలర్ నెలకు రూ. 45,000, ప్రైమరీ టీచర్ నెలకు రూ. 35,000 వరకు జీతం ఉంటుంది.

ఇంటర్వ్యూకు హాజరయ్యే అభ్యర్థులు ఉదయం 9:00 గంటల నుండి 10:00 గంటల లోపు గచ్చిబౌలిలోని యూనివర్సిటీ ఆఫ్ హైదరాబాద్ క్యాంపస్ స్కూల్‌లో రిపోర్ట్ చేయాల్సి ఉంటుంది. ఆలస్యంగా వస్తే అనుమతించరు. పూర్తిగా నింపిన దరఖాస్తు ఫారమ్, పాస్‌పోర్ట్ సైజ్ ఫోటోగ్రాఫ్‌లు, నివాస ధృవీకరణ పత్రం(ఆధార్/ఓటర్ ఐడీ మొదలైనవి), అన్ని విద్యా అర్హతల ఒరిజినల్ సర్టిఫికెట్లు, స్వయంగా ధృవీకరించిన జిరాక్స్ కాపీల సెట్ తీసుకురావాలి.

అభ్యర్థులు ఇంటర్వ్యూకు వెళ్లే ముందు యూనివర్సిటీ అధికారిక వెబ్‌సైట్ (https://uohyd.ac.in) లో లభించే పూర్తి నోటిఫికేషన్, దరఖాస్తు నమూనాను ఒకసారి క్షుణ్ణంగా పరిశీలించుకోవాలి. హైదరాబాద్‌లోనే కేంద్రీయ వర్సిటీ వాతావరణంలో పనిచేయాలనుకునే టీచింగ్ అభ్యర్థులకు ఇది ఒక అద్భుతమైన అవకాశం.