నల్గొండకు చెందిన ఓ వ్యాపారవేత్తపై టాక్సీ డ్రైవర్ అత్యంత దారుణంగా ప్రవర్తించాడు. ఆమెను శారీరకంగా వేధించడమే కాకుండా…. ఆమె వద్ద ఉన్న రూ. 60 వేల నగదును ఎత్తుకెళ్లాడు. శంషాబాద్ సమీపంలో శుక్రవారం రాత్రి చోటుచేసుకున్న ఈ ఘటన స్థానికంగా తీవ్ర కలకలం రేపింది.
టాక్సీ డ్రైవర్ వేధింపులు…
పోలీసులు తెలిపిన వివరాల ప్రకారం…. నల్గొండ ప్రాంతంలో డిపార్ట్మెంటల్ స్టోర్ నడుపుతున్న నైని నందిని (38) అనే మహిళ, శనివారం సాయంత్రం 6 గంటల ప్రాంతంలో జడ్చర్ల వద్ద హైదరాబాద్ వెళ్లేందుకు ఒక టాక్సీ ఎక్కింది. ఆ సమయంలో ఆమె వద్ద వ్యాపారానికి సంబంధించిన రూ. 60,000 నగదు ఉంది.
కారు శంషాబాద్ చేరుకోగానే…. గచ్చిబౌలి వరకు రావడానికి అదనంగా రూ. 50 ఇవ్వాలని డ్రైవర్ కోరాడు. దానికి ఆమె అంగీకరించింది. తుండుపల్లి టోల్గేట్ దాటిన తర్వాత…. ఓఆర్ఆర్ సర్వీస్ రోడ్డులోని ఒక మెడ్ప్లస్ మెడికల్ షాప్ వద్ద మందులు కొనేందుకు డ్రైవర్ వాహనాన్ని నిలిపాడు. ఆ తర్వాత రాత్రి 8:30 గంటల సమయంలో కొత్వాల్గూడ సర్వీస్ రోడ్డు పక్కన కారును ఆపి, ఆమెను బలవంతంగా పట్టుకుని వేధించడానికి యత్నించాడు.
బాధితురాలు అప్రమత్తమై పెద్దగా కేకలు వేయడంతో… డ్రైవర్ భయాందోళనకు గురయ్యాడు. వెంటనే ఆమెను అక్కడే రోడ్డుపై వదిలేసి, ఆమెకు చెందిన రూ. 60 వేల నగదుతో కారులో వేగంగా పరారయ్యాడు. డ్రైవర్ ముఖం తనకు గుర్తుందని, మళ్లీ చూస్తే కచ్చితంగా గుర్తుపట్టగలనని బాధితురాలు పోలీసులకు తెలిపింది.
బాధితురాలు అందించిన ఫిర్యాదు మేరకు ఆర్జీఐఏ ఎయిర్పోర్ట్ పోలీసులు… బీఎన్ఎస్ (భారతీయ నస్యాయ సంహిత) సెక్షన్లు 74, 318(4), 303(2) ల కింద కేసులు నమోదు చేశారు. పరారీలో ఉన్న నిందితుడి కోసం పోలీసులు గాలింపు చర్యలు వేగవంతం చేశారు.
{{/usCountry}}బాధితురాలు అందించిన ఫిర్యాదు మేరకు ఆర్జీఐఏ ఎయిర్పోర్ట్ పోలీసులు… బీఎన్ఎస్ (భారతీయ నస్యాయ సంహిత) సెక్షన్లు 74, 318(4), 303(2) ల కింద కేసులు నమోదు చేశారు. పరారీలో ఉన్న నిందితుడి కోసం పోలీసులు గాలింపు చర్యలు వేగవంతం చేశారు.
{{/usCountry}}