Kirti Kulhari Get Lakhs Of Cyber Fraud: దేశంలో సైబర్ నేరాలు రోజురోజుకూ సరికొత్త రూపాలు దాలుస్తూ సామాన్యుల నుంచి సెలబ్రిటీల వరకు అందరినీ ముప్పుతిప్పలు పెడుతున్నాయి. తాజాగా ప్రముఖ బాలీవుడ్ బోల్డ్ నటి కీర్తి కుల్హారీ సైబర్ క్రిమినల్స్ చేతిలో చిక్కి భారీగా నగదు పోగొట్టుకున్నారు.
రూ.2.44 లక్షల దోపిడీ!
కీర్తి కుల్హారీ ప్రమేయం లేకుండానే క్రెడిట్ కార్డ్ వివరాలు చోరీ చేసి రూ.2.44 లక్షల విదేశీ లావాదేవీలు జరిపారు. జూలై 24వ తేదీ రాత్రి వెర్సోవాలోని యారీ రోడ్డులో నివసిస్తున్న 43 ఏళ్ల కీర్తి కుల్హారీ, ముంబై అంధేరి వెస్ట్లోని ఒక మల్టీప్లెక్స్కు సినిమా చూడటానికి వెళ్లారు.
విదేశీ చెల్లింపు జరిగినట్లు మెసేజ్
థియేటర్కు చేరుకునే దారిలోనే ఆమె మొబైల్కు బ్యాంకు నుంచి ఓ హెచ్చరిక సందేశం వచ్చింది. ఆమె క్రెడిట్ కార్డ్ ఉపయోగించి ఏరోమెక్సికో ఎయిర్లైన్స్కు 2,525 యూఎస్ డాలర్ల విదేశీ చెల్లింపు జరిగినట్లు ఆ మెసేజ్లో ఉంది.
ఓటీపీ, పిన్ లేకుండానే మాయం!
ఆ మెసేజ్ చూసి దిగ్భ్రాంతికి గురైన కీర్తి కుల్హారి వెంటనే బ్యాంకు కస్టమర్ కేర్కు ఫోన్ చేసి సమాచారం అందించారు. ఖాతా వివరాలు పరిశీలించగా, అంతర్జాతీయ గేట్వే ద్వారా నాలుగు వేర్వేరు లావాదేవీల్లో మొత్తం రూ.2.43 లక్షలకు పైగా నగదు కాజేసినట్లు తేలింది. మరింత నష్టం జరగకుండా బ్యాంకు అధికారులు వెంటనే ఆమె క్రెడిట్ కార్డును బ్లాక్ చేశారు.
డిజిటల్ లీకేజీయే కారణమా?
ఈ ఘటనపై కీర్తి కుల్హారీ అంబోలి పోలీసులకు ఫిర్యాదు చేశారు. పోలీసులు అజ్ఞాత వ్యక్తులపై కేసు నమోదు చేసి దర్యాప్తు వేగవంతం చేశారు. తన పిన్ నంబర్ గానీ, క్రెడిట్ కార్డ్ వివరాలు గానీ ఎవరికీ చెప్పలేదని కీర్తి స్పష్టం చేశారు. దీంతో సాంకేతిక పరిజ్ఞానాన్ని ఉపయోగించి కార్డ్ డేటాను హ్యాక్ చేసి ఉంటారని సైబర్ నిపుణులు అనుమానిస్తున్నారు.
విదేశీ లావాదేవీల్లో అప్రమత్తత అవసరం!
{{/usCountry}}ఈ ఘటనపై కీర్తి కుల్హారీ అంబోలి పోలీసులకు ఫిర్యాదు చేశారు. పోలీసులు అజ్ఞాత వ్యక్తులపై కేసు నమోదు చేసి దర్యాప్తు వేగవంతం చేశారు. తన పిన్ నంబర్ గానీ, క్రెడిట్ కార్డ్ వివరాలు గానీ ఎవరికీ చెప్పలేదని కీర్తి స్పష్టం చేశారు. దీంతో సాంకేతిక పరిజ్ఞానాన్ని ఉపయోగించి కార్డ్ డేటాను హ్యాక్ చేసి ఉంటారని సైబర్ నిపుణులు అనుమానిస్తున్నారు.
విదేశీ లావాదేవీల్లో అప్రమత్తత అవసరం!
{{/usCountry}}ఫోన్ హ్యాకింగ్, ఆన్లైన్ డేటా లీక్ లేదా వైఫై నెట్వర్క్ ద్వారా సమాచారం చోరీకి గురైందా అనే కోణంలో పోలీసులు విచారణ జరుపుతున్నారు. భారతదేశంలో డిజిటల్ లావాదేవీలకు ఓటీపీ (OTP) లేదా పిన్ నంబర్ తప్పనిసరి. అయితే విదేశీ వెబ్సైట్లు, విమానయాన సంస్థల పోర్టళ్లలో చెల్లింపులు చేసేటప్పుడు కొన్నిసార్లు ఓటీపీ లేకుండానే కార్డు నంబర్, సీవీవీ ఆధారంగా లావాదేవీ పూర్తవుతుంది.
ఇంటర్నేషనల్ ట్రాన్సాక్షన్స్ డిసేబుల్
సైబర్ నేరగాళ్లు ఈ వెసులుబాటును ఆసరాగా చేసుకుని విదేశీ గేట్వేల ద్వారా డబ్బులు కాజేస్తుంటారు. క్రెడిట్ కార్డుల్లో ఇంటర్నేషనల్ ట్రాన్సాక్షన్స్ అవసరం లేనప్పుడు మొబైల్ బ్యాంకింగ్ యాప్ ద్వారా డిసేబుల్ చేసుకోవడం మంచిదని నిపుణులు సూచిస్తున్నారు.
కీర్తి కుల్హారీ కెరీర్ విశేషాలు
'ఉరి: ది సర్జికల్ స్ట్రైక్', 'మిషన్ మంగళ్', 'ఫోర్ మోర్ షాట్స్ ప్లీజ్!', 'క్రిమినల్ జస్టిస్', 'హ్యూమన్' వంటి సూపర్ హిట్ సినిమాలు, ఓటీటీ వెబ్ సిరీస్లతో కీర్తి కుల్హారీ మంచి గుర్తింపు తెచ్చుకున్నారు. ఇటీవల ఆమె నిర్మాతగా మారి తన తొలి చిత్రాన్ని పూర్తి చేశారు. నటుడు రాజీవ్ సిద్ధార్థతో కీర్తి కుల్హారి రిలేషన్షిప్లో ఉన్నారు.