అనగనగా ఒక రాజు ట్విటర్ రివ్యూ-కడుపుబ్బా నవ్విస్తున్న నవీన్ పొలిశెట్టి మూవీ-సంక్రాంతికి పేలిన కామెడీ పంచ్ లు

అనగనగా ఒక రాజు అంటూ సంక్రాంతి సినిమాల రేసులో దిగిపోయాడు నవీన్ పొలిశెట్టి. ఈ రోజు ఈ మూవీ రిలీజ్ అవుతోంది. ముందుగా వేసిన ప్రీమియర్స్ నుంచి అదిరిపోయే రెస్పాన్స్ వస్తోంది. కడుపుబ్బా నవ్వించే కామెడీ ఉందని నెటిజన్లు పోస్టులు పెడుతున్నారు. ఈ మూవీ ట్విటర్ రివ్యూపై ఓ లుక్కేయండి.

సంక్రాంతి 2026కు మరో ఫ్యామిలీ ఎంటర్ టైనర్ వచ్చేసింది. నవీన్ పొలిశెట్టి, మీనాక్షి చౌదరి హీరో హీరోయిన్లుగా నటించిన అనగనగా ఒక రాజు సినిమా ఇవాళ (జనవరి 14) రిలీజైంది. సంక్రాంతి సందర్భంగా ఆడియన్స్ ముందుకు వచ్చేసింది. ఇప్పటికే ఈ చిత్రం ప్రీమియర్ షోలు ముగిశాయి. సినిమాలో కామెడీ అదిరిపోయిందని నెటిజన్లు పోస్టులు పెడుతున్నారు. అనగనగా ఒక రాజు ట్విటర్ రివ్యూను ఒక సారి చూసేయండి.

అనగనగా ఒక రాజు ట్విటర్ రివ్యూ

అనగనగా ఒక రాజు మూవీ పోస్టర్ లో నవీన్ పొలిశెట్టి (x/sitara entertainments)

తనదైన కామెడీ టైమింగ్ తో, పక్కా ఫ్యామిలీ ఎంటర్ టైనర్ గా ఆడియన్స్ ను నవ్వించడానికి వచ్చేశాడు నవీన్ పొలిశెట్టి. జనవరి 14న రిలీజైన అనగనగా ఒక రాజు సినిమాకు అన్ని వైపుల నుంచి పాజిటివ్ టాక్ వస్తోంది. ప్రీమియర్స్ చూసిన ఆడియన్స్ ఎక్స్ (ట్విటర్)లో తమ రివ్యూలు పోస్టు చేస్తున్నారు. మెజారిటీ రివ్యూల్లో సినిమా కడుపుబ్బా నవ్వించిందనే ఉంది.

వన్ మ్యాన్ షో

అనగనగా ఒక రాజు మూవీలో నవీన్ పొలిశెట్టి వన్ మ్యాన్ షో అని అమెరికాలో ప్రీమియర్ చూసిన ఓ యూజర్ పోస్టు చేశాడు. ‘‘నా షో అయిపోయింది. అనగనగా ఒక రాజు మూవీ నిజంగా నవీన్ పొలిశెట్టి వన్ మ్యాన్ షో. సెకండాఫ్ స్లోగా స్టార్ట్ అయినా చివరకు వచ్చేసరికి పుంజుకుంది. క్లైమాక్స్ ఎమోషన్ పని చేసింది. సినిమా అంతా అందరూ నవ్వుతూనే ఉన్నారు. నా రేటింగ్ 3.5/5’’ అని తన రివ్యూ ఇచ్చాడు.

ఫీల్ గుడ్ పొంగల్ ఎంటర్ టైనర్

బ్లాక్ బస్టర్

‘‘బ్లాక్ బస్టర్ ఫస్టాఫ్. నవీన్ పొలిశెట్టి అన్న ప్రతి సారి గొప్పగా అందించడంలో ఎప్పుడూ ఫెయిల్ కాడు. సెకండాఫ్ కోసం వెయిటింగ్’’ అని అమెరికాలోని ఫ్లోరిడా నుంచి ఓ యూజర్ పోస్టు చేశాడు.

‘‘ఫస్టాఫ్ బాగుంది. నవీన్ తన టైమింగ్, వన్ లైనర్ పంచ్ లతో సినిమాను నడిపించాడు. ఫన్ ఎపిసోడ్లు బాగా కుదిరాయి’’ అని మరో నెటిజన్ పేర్కొన్నాడు.

సంక్రాంతి విన్నర్

‘‘యునానిమస్ బొమ్మ. సంక్రాంతి 2026 విన్నర్. అద్భుతమైన వన్ లైనర్స్. క్రిస్పీ రైటింగ్. ఇది నవీన్ పొలిశెట్టి షో. అనగనగా ఒక రాజు’’ అని మరో ప్రేక్షకులు ఎక్స్ లో తన రివ్యూ పంచుకున్నాడు.

అనగనగా ఒక రాజు సినిమాలో నవీన్ పొలిశెట్టి హీరో. మీనాక్షి చౌదరి హీరోయిన్. ఈ చిత్రానికి మారి డైరెక్టర్. సూర్యదేవర నాగవంశీ, సాయి సౌజన్య నిర్మించారు.