రెండోరోజు పడిపోయిన అఖండ 2 తాండవం కలెక్షన్స్- అయినా 50 కోట్ల వైపుకు బాలయ్య సినిమా- 2 రోజుల్లో ఎంత రాబట్టిందంటే?

బాలకృష్ణ నటించిన ఫాంటసీ యాక్షన్ థ్రిల్లర్ 'అఖండ 2 తాండవం' బాక్సాఫీస్ వద్ద తొలిరోజు అద్భుతమైన కలెక్షన్లు రాబట్టినప్పటికీ, రెండో రోజు కొద్దిగా తగ్గాయి. దేశవ్యాప్తంగా రెండు రోజుల్లో ఈ చిత్రం మొత్తం రూ. 46 కోట్ల నెట్ కలెక్షన్లు సాధించింది. రూ. 50 కోట్ల క్లబ్‌ వైపుగా ఈ సినిమా దూసుకెళ్తోంది.

నందమూరి బాలకృష్ణ అభిమానులంతా ఎంతో ఆసక్తిగా ఎదురుచూసిన 'అఖండ 2: తాండవం' చిత్రం బాక్సాఫీస్ వద్ద మంచి ప్రదర్శన ఇస్తోంది. తొలి రోజు అంచనాలకు మించిన వసూళ్లు సాధించిన ఈ చిత్రం రెండో రోజు (శనివారం) మాత్రం కాస్త నెమ్మదించింది. అయినా, కేవలం రెండు రోజుల్లోనే రూ. 50 కోట్ల క్లబ్‌కు చేరువ కావడం విశేషం.

రెండోరోజు పడిపోయిన అఖండ 2 తాండవం కలెక్షన్స్- అయినా 50 కోట్ల వైపుకు బాలయ్య సినిమా- 2 రోజుల్లో ఎంత రాబట్టిందంటే?

భారతదేశంలో

ఇండస్ట్రీ ట్రాకర్ 'సక్నిల్క్' నివేదిక ప్రకారం 'అఖండ 2' భారతదేశంలో రెండో రోజున అంటే శనివారం (డిసెంబర్ 13) రూ. 15.50 కోట్ల నికర వసూళ్లను (నెట్ కలెక్షన్స్) సాధించింది.

అఖండ 2 కలెక్షన్స్ పరిశీలిస్తే..

తొలి రోజు వసూళ్లు: రూ 22.5 కోట్లు (నెట్)

రెండో రోజు వసూళ్లు: రూ. 15.50 కోట్లు (నెట్)

అంటే, తొలి రోజుతో పోలిస్తే రెండో రోజు కలెక్షన్లలో సుమారు రూ. 7 కోట్ల తగ్గుదల నమోదైంది. ఇది దాదాపు 31.1% క్షీణత అని చెప్పాలి. ఇక అఖండ 2 విడుదలైన రెండు రోజుల్లో దేశవ్యాప్తంగా మొత్తం రూ. 46 కోట్ల నెట్ కలెక్షన్స్ రాబట్టింది. ఇందులో అఖండ 2 ప్రీమియర్స్‌కు వచ్చిన రూ. 8 కోట్ల కలెక్షన్స్ కూడా ఉన్నాయి.

డివోషనల్ యాక్షన్ థ్రిల్లర్

అయితే, ఈ గణాంకాలను చూస్తుంటే బాలకృష్ణ ఫాంటసీ డివోషనల్ యాక్షన్ థ్రిల్లర్ చిత్రం అఖండ 2 తాండవం రూ. 50 కోట్ల క్లబ్‌లోకి వేగంగా అడుగుపెట్టే అవకాశం ఉందని సినీ విశ్లేషకులు చెబుతున్నారు.

తెలుగు వెర్షన్ నుంచే అత్యధికంగా

అఖండ మూవీకి సీక్వెల్‌గా వచ్చిన ఈ చిత్రం మొదటి రోజు రూ. 22.5 కోట్లు వసూలు చేసింది. ఇందులో తెలుగు వెర్షన్ నుంచే అత్యధికంగా రూ. 21.95 కోట్ల నికర వసూళ్లు వచ్చాయి.

హిందీ వెర్షన్: రూ. 1 లక్ష

కన్నడ డబ్బింగ్ వెర్షన్: రూ. 2 లక్షలు

తమిళ డబ్బింగ్ వెర్షన్: రూ. 43 లక్షలు

మలయాళం వెర్షన్: రూ. 1 లక్షగా ఉన్నాయి.

‘ధురందర్’తో పోటీ

అఖండ 2 సినిమా హిందీలో రణ్‌వీర్ సింగ్ 'ధురందర్' చిత్రంతో పోటీ పడుతోంది. అలాగే, మలయాళం, తమిళం, కన్నడ భాషల్లో కూడా ఈ సినిమా విడుదలైంది. రెండో రోజు (శనివారం) 'అఖండ 2' తెలుగు ఒరిజినల్ వెర్షన్ (2D) అత్యధికంగా 51.33% ఆక్యుపెన్సీని నమోదు చేసింది.

ఆక్యుపెన్సీ

మార్నింగ్ షోలు: 28.86%

మధ్యాహ్నం షోలు: 50.14%

సాయంత్రం షోలు: 57.84%

నైట్ షోలు: 68.48%గా నమోదు అయింది.

తమిళం (2D)లో ఆక్యుపెన్సీ కాస్త తక్కువగా ఉంది. రెండో రోజు అఖండ 2 తమిళ వెర్షన్ మొత్తం 15.81% ఆక్యుపెన్సీని నమోదు చేసింది. కాగా, బోయపాటి శ్రీను దర్శకత్వం వహించిన అఖండ 2 సినిమాలో బాలకృష్ణతోపాటు సంయుక్త మీనన్, ఆది పినిశెట్టి, హర్షాలి మల్హోత్రా నటించారు.

మున్నీ పాత్రతో

సల్మాన్ ఖాన్ 'బజరంగీ భాయిజాన్'లో మున్నీ పాత్రతో ప్రసిద్ధి చెందిన హర్షాలి మల్హోత్రా అఖండ 2 చిత్రంలో కీలక పాత్ర పోషించింది. బాల నటిగా అరంగేట్రం చేసిన తర్వాత ఆమె నటించిన మొదటి ప్రాజెక్ట్ ఇదే.