బిగ్ బాస్ తెలుగు 9లోకి ఇద్దరు ఎలిమినేటెడ్ కంటెస్టెంట్స్- ఈ వారం నామినేషన్స్‌లో 8 మంది- ఎవరు ఎవరిని నామినేట్ చేశారంటే?

బిగ్ బాస్ తెలుగు 9 ఈ వారం నామినేషన్స్ జోరుగా సాగాయి. బిగ్ బాస్ 9 తెలుగు 8వ వారం నామినేషన్స్ ఎపిసోడ్ ఆదివారం నాడు పూర్తి అయిపోయింది. అయితే, ఈ వారం ఎలిమినేట్ అయిన కంటెస్టెంట్స్‌తో బిగ్ బాస్ నామినేషన్స్ జరిగాయి. ఈ వారం బిగ్ బాస్ తెలుగు 9 నామినేషన్స్‌లో 8 మంది నామినేట్ అయ్యారు. మరి వారెవరో చూద్దాం.

బిగ్ బాస్ తెలుగు 9 సీజన్ జోరుగా సాగుతోంది. వైల్డ్ కార్డ్‌లు ఎంట్రీలు, ఎలిమినేషన్స్, మళ్లీ ఎలిమినేటెడ్ కంటెస్టెంట్స్ రీ ఎంట్రీలతో రకరకాలుగా సాగిపోతుంది బిగ్ బాస్ 9 తెలుగు. బిగ్ బాస్ న్యూ సీజన్ ఎనిమిదో వారంలోకి అడుగుపెట్టింది. ఇక వారం ప్రారంభం అయిందంటే చాలు హౌజ్‌లో నామినేషన్స్‌ గొడవలతో హౌజ్‌లో రచ్చ జరుగుతుంది.

బిగ్ బాస్ తెలుగు 9లోకి ఇద్దరు ఎలిమినేటెడ్ కంటెస్టెంట్స్- ఈ వారం నామినేషన్స్‌లో 8 మంది- ఎవరు ఎవరిని నామినేట్ చేశారంటే?

బిగ్ బాస్ తెలుగు 9 నామినేషన్స్

బిగ్ బాస్ తెలుగు 9 ఈ వారం నామినేషన్స్ కూడా అలాగే గొడవలు, అరుపులు, ఆర్గ్యుమెంట్లతో సాగింది. అయితే, ఈ వారం బిగ్ బాస్ 9 తెలుగు ఎలిమినేటెడ్ కంటెస్టెంట్స్‌తో నామినేషన్స్ నిర్వహించారు. ఈ సీజన్‌లో ఇప్పటివరకు ఎలిమినేట్ అయిన వాళ్లతో 8వ వారం నామినేషన్స్ చేయించారు. అందుకు కత్తితో పొడిచే ప్రక్రియ పెట్టారు.

కెప్టెన్ మినహా మిగతా హౌజ్ మేట్స్ అంతా గార్డెన్‌లో ఒక బోర్డ్ తగిలించుకుని కూర్చుంటారు. ఎలిమినేట్ అయిన కంటెస్టెంట్స్‌ దగ్గర రెండు కత్తులు ఉంటాయి. అందులో ఒక కత్తితో వారు నేరుగా నామినేట్ చేస్తారు. ఇంకో కత్తిని హౌజ్‌లో ఉన్న ఒక ఇంటి సభ్యుడికి ఇస్తారు. దాంతో వారు మరొకరిని నామినేట్ చేయాలి.

ఒక్కొక్కరి నామినేషన్

కల్యాణ్‌ను శ్రీజ దమ్ము, మనీష్ మర్యాద నామినేట్ చేశారు. సీరియల్ హీరోయిన్ తనూజ పుట్టస్వామిని జబర్దస్త్ కమెడియన్ ఇమ్మాన్యుయెల్ నామినేట్ చేశాడు. ఈ క్రమంలో తనూజ వర్సెస్ ఇమ్మాన్యుయెల్ గొడవ జరిగింది. అలాగే, దివ్వెల మాధురి, శ్రీజ మధ్య కూడా గొడవ అయింది. తర్వాత రాము రాథోడ్‌ను కల్యాణ్ నామినేట్ చేశాడు.

కల్యాణ్‌కు ప్రియా శెట్టి కత్తి ఇచ్చింది. దాంతో కల్యాణ్ నామినేట్ చేశాడు. ఇమ్మాన్యుయెల్‌కు మనీష్ మర్యాద కత్తి ఇవ్వడంతో తనూజను నామినేట్ చేశాడు. సంజనను సుమన్ శెట్టి నామినేట్ చేశాడు. అతనికి ఫ్లోరా సైని అలియాస్ ఆశా సైని కత్తి ఇచ్చింది. ఇక ఫ్లోరా సైని జబర్దస్త్ బ్యూటి రీతూ చౌదరిని నామినేట్ చేసింది.

ఇమ్యూనిటీ పవర్ ఉపయోగించి

అనంతరం సంజనను భరణి శంకర్ నామినేట్ చేసి రెండో కత్తిని నిఖిల్‌కు ఇచ్చాడు. దాంతో తనూజ గౌడను నిఖిల్ నామినేట్ చేశాడు. కొరియోగ్రాఫర్ శ్రేష్టి వర్మ డిమోన్ పవన్‌ను నామినేట్ చేసి ఇంకో కత్తిని రాము రాథోడ్‌కు అందించింది. అతను గౌరవ్ గుప్తాను నామినేట్ చేశాడు.

ఇక వీరందరిలో సాయి శ్రీనివాస్ తన దగ్గరున్న ఇమ్యూనిటీ పవర్ ఉపయోగించుకుని నామినేషన్స్ సేఫ్ అయ్యాడు. ఇక ఫైనల్‌గా బిగ్ బాస్ తెలుగు 9 ఎనిమిదో వారం నామినేషన్స్‌లో 8 మంది కంటెస్టెంట్స్ ఉన్నారు. వారిలో దివ్వెల మాధురి, తనూజ, రీతూ చౌదరి, రాము రాథోడ్, గౌరవ్, సంజన, డిమోన్ పవన్, కల్యాణ్ ఉన్నారు.

ఇద్దరు ఎలిమినేటెడ్ కంటెస్టెంట్స్ ఎంట్రీ

బిగ్ బాస్ 9 తెలుగు ఈ వారం నామినేషన్స్‌ ఎపిసోడ్ షూటింగ్ ఆదివారం (అక్టోబర్ 26) అయిపోయింది. ఆ ప్రక్రియను నేడు ఎపిసోడ్‌లో ప్రసారం చేయనున్నారు. ఇక ఎంట్రీ ఇచ్చిన ఎలిమినేట్ కంటెస్టెంట్స్ అంతా వెళ్లిపోయారు. ఇవాళ లేదా రేపు ఎలిమినేట్ అయిన వాళ్లలో ఇద్దరు మళ్లీ కంటెస్టెంట్స్‌గా బిగ్ బాస్ హౌజ్‌లోకి అడుగుపెట్టనున్నారని సమాచారం.