Preity Zinta Rent A Flat For 6 Lakh Per Month: సినీ సెలబ్రిటీల జీవనశైలి, వారు నివసించే ఇళ్లు ఎప్పుడూ సామాన్యులలో ఎంతో ఆసక్తిని రేకెత్తిస్తాయి. తాజాగా బాలీవుడ్ డింపుల్ బ్యూటీ ప్రీతీ జింటా ముంబైలో ఒక లగ్జరీ ఫ్లాట్ను అద్దెకు తీసుకుని మరోసారి వార్తల్లో నిలిచారు.
ప్రీతి జింటా కొత్త కాపురం
ముంబైలోనే అత్యంత ఖరీదైన, సెలబ్రిటీల కేరాఫ్ అడ్రస్గా పేరొందిన బాంద్రా వెస్ట్లోని పాలి హిల్స్ ప్రాంతంలో ప్రీతి జింటా కొత్తగా కాపురం పెట్టారు. ఇందుకోసం పాలి హిల్స్లో ఓ లగ్జరీ ఫ్లాట్ అద్దెకు తీసుకున్నారు. అయితే, ఆ ప్లాట్కు ప్రీతి జింటా చెల్లిస్తున్న నెలవారీ అద్దె వింటే సామాన్యులు ముక్కున వేలేసుకోవాల్సిందే.
పాలి హిల్స్ అంటే బాలీవుడ్ స్టార్స్, బడా బిజినెస్మెన్లకు ఒక డ్రీమ్ లొకేషన్. ఇక్కడ నివసించడం ఒక స్టేటస్ సింబల్గా భావిస్తారు. రియల్ ఎస్టేట్ డేటా అనలిటిక్స్ సంస్థ 'సీఆర్ఈ మ్యాట్రిక్స్' (CRE Matrix) సేకరించిన అధికారిక పత్రాల ప్రకారం.. ప్రీతీ జింటా ఈ ప్రాంతంలోని 'ఆర్ట్ వేద' (Art Veda) బిల్డింగ్లో ఒక విలాసవంతమైన అపార్ట్మెంట్ను రెండు సంవత్సరాల కాలపరిమితికి లీజుకు తీసుకున్నారు.
నెలకు రూ.6 లక్షల అద్దె.. భారీ సెక్యూరిటీ డిపాజిట్
ఈ లీవ్ అండ్ లైసెన్స్ ఒప్పందం మే 27, 2026 నుంచి అధికారికంగా అమలులోకి వచ్చింది. 'ఎమ్ఎస్ యూనియన్ ల్యాండ్ అండ్ బిల్డింగ్ సొసైటీ లిమిటెడ్' సంస్థ నుంచి ఆమె ఈ ప్రాపర్టీని ప్రీతి జింటా అద్దెకు తీసుకున్నారు. దాదాపు 1,500 చదరపు అడుగుల విస్తీర్ణం గల ఈ ఫ్లాట్తో పాటు 100 చదరపు అడుగుల కార్ పార్కింగ్ స్థలం కూడా ఆమెకు లభించనుంది.
ఈ ఒప్పందం ప్రకారం, మొదటి 12 నెలల పాటు ఆమె నెలకు రూ.6 లక్షల చొప్పున అద్దె చెల్లిస్తారు. ఆ తర్వాతి 12 నెలల కాలానికి ఈ అద్దె నెలకు రూ.6.5 లక్షలకు పెరుగుతుంది. ఈ లగ్జరీ ఇల్లు అద్దెకు తీసుకోవడానికి ఆమె ఏకంగా రూ.27 లక్షలను సెక్యూరిటీ డిపాజిట్గా చెల్లించారు. అయితే ఈ అద్దె ఒప్పందంపై ప్రీతి జింటా కానీ, సదరు ల్యాండ్లార్డ్ కానీ ఇప్పటివరకు మీడియా ముందు ఎలాంటి ప్రకటన చేయలేదు.
నాలుగు నెలల్లోనే రూ.32 కోట్ల ఆస్తుల విక్రయం
{{/usCountry}}ఈ ఒప్పందం ప్రకారం, మొదటి 12 నెలల పాటు ఆమె నెలకు రూ.6 లక్షల చొప్పున అద్దె చెల్లిస్తారు. ఆ తర్వాతి 12 నెలల కాలానికి ఈ అద్దె నెలకు రూ.6.5 లక్షలకు పెరుగుతుంది. ఈ లగ్జరీ ఇల్లు అద్దెకు తీసుకోవడానికి ఆమె ఏకంగా రూ.27 లక్షలను సెక్యూరిటీ డిపాజిట్గా చెల్లించారు. అయితే ఈ అద్దె ఒప్పందంపై ప్రీతి జింటా కానీ, సదరు ల్యాండ్లార్డ్ కానీ ఇప్పటివరకు మీడియా ముందు ఎలాంటి ప్రకటన చేయలేదు.
నాలుగు నెలల్లోనే రూ.32 కోట్ల ఆస్తుల విక్రయం
{{/usCountry}}ఒకవైపు లగ్జరీ ఫ్లాట్ను అద్దెకు తీసుకుంటూనే, మరోవైపు ప్రీతీ జింటా కోట్ల రూపాయల విలువైన రియల్ ఎస్టేట్ లావాదేవీలు నిర్వహిస్తున్నారు. గత నాలుగు నెలల కాలంలోనే ఆమె బాంద్రా ప్రాంతంలో రెండు భారీ ఫ్లాట్లను విక్రయించడం గమనార్హం.
ఈ ఏడాది మార్చి 2, 2026న పాలి హిల్స్లోనే ఉన్న తన మరొక అపార్ట్మెంట్ను ఏకంగా రూ.18.50 కోట్లకు అమ్మేశారు. 1,770 చదరపు అడుగుల విస్తీర్ణం గల ఈ ఫ్లాట్ను భారతీయ సంతతికి చెందిన అమెరికా పౌరులు ప్రియా నగర్, రాజీవ్ నగర్ కొనుగోలు చేశారు. ఈ డీల్ కోసం వారు రూ. 1.11 కోట్ల స్టాంప్ డ్యూటీ, రూ.30,000 రిజిస్ట్రేషన్ ఫీజు చెల్లించారు.
దీనికంటే ముందు, నవంబర్ 2025లో కూడా ప్రీతి జింటా 'రుస్తుంజీ పరిశ్రమ్' బిల్డింగ్లోని 11వ అంతస్తులో ఉన్న 1,474 చదరపు అడుగుల ఫ్లాట్ను రూ.14.08 కోట్లకు పైగా ధరకు విక్రయించారు. అంటే కేవలం నాలుగు నెలల వ్యవధిలోనే ఆమె దాదాపు రూ.32.50 కోట్ల విలువైన ఆస్తులను అమ్ముకుని నగదుగా మార్చుకున్నారు.
ముంబైలో రీడెవలప్మెంట్ మార్కెట్ జోరు
మార్చి నెలలో ప్రీతి జింటా అమ్మేసిన ఫ్లాట్ గతంలో రీడెవలప్మెంట్లో భాగంగా ఆమెకు దక్కిన ఆస్తి కావడం విశేషం. "సొసైటీ, డెవలపర్ (కీస్టోన్ రియల్టర్స్/రుస్తుంజీ) మధ్య జరిగిన రీడెవలప్మెంట్ ఒప్పందం ప్రకారం, అక్టోబర్ 23, 2023 నాటి అగ్రిమెంట్ ఆధారంగా ఈ ఫ్లాట్ ఆమెకు పర్మనెంట్ ఆల్టర్నేట్ అకామడేషన్ కింద దక్కింది" అని సీఆర్ఈ మ్యాట్రిక్స్ ప్రతినిధులు పేర్కొన్నారు.
పాత భవనాన్ని రీడెవలప్ చేసిన తర్వాత ఏప్రిల్ 2025లో ఈ ఫ్లాట్ను ప్రీతీ జింటాకు కేటాయించారు. ముంబై రియల్ ఎస్టేట్ రంగంలో ప్రస్తుతం రీడెవలప్మెంట్ మార్కెట్ భారీగా పుంజుకుంటోంది. 2025లో ఈ మార్కెట్ 16 శాతం వృద్ధిని నమోదు చేయగా, 2026లోనూ అదే జోరు కొనసాగుతోంది.
కోటీశ్వరులకు వ్యాపార వ్యూహంగా
పాత ఇళ్లను ఇచ్చి సరికొత్త లగ్జరీ ఇళ్లను పొందడం, ఆ తర్వాత మార్కెట్ రేట్లను బట్టి వాటిని విక్రయించి లాభాలు గడించడం ముంబై కోటీశ్వరులకు ఒక వ్యాపార వ్యూహంగా మారింది. ప్రీతీ జింటా కూడా అదే బాటలో నడుస్తూ పాత ఆస్తులను విక్రయించి, కొత్తగా అద్దె ఇళ్లలోకి మారుతున్నట్లు మార్కెట్ నిపుణులు విశ్లేషిస్తున్నారు.