E-Paper
మరో ఓటీటీలోకి తెలుగులో వచ్చిన శివాత్మిక రాజశేఖర్ తమిళ కామెడీ థ్రిల్లర్- 4 ఓటీటీల్లో స్ట్రీమింగ్- 7 రేటింగ్!
ఓటీటీలో డిఫరెంట్ కాన్సెప్ట్ కామెడీ థ్రిల్లర్ మూవీ తెలుగులోకి వచ్చేసింది. ఆ సినిమానే బాంబ్. ఈ సినిమాలో సీనియర్ హీరో రాజశేఖర్ కుమార్తె శివానీ రాజశేఖర్ హీరోయిన్గా చేసింది. ఓజీ నటుడు అర్జున్ దాస్ హీరోగా చేశాడు. 7 రేటింగ్ ఉన్న బాంబ్ ఏకంగా నాలుగు ఓటీటీల్లో స్ట్రీమింగ్ అవుతోంది. మరి ఆవేంటో లుక్కేద్దాం.
ఓటీటీలోకి డిఫరెంట్ కాన్సెప్ట్ సినిమాలు రావడం విపరీతంగా పెరిగిపోయింది. ప్రతివారం సరికొత్త సినిమాలతో పాటు డిఫరెంట్ జోనర్స్లు రిలీజ్ అవుతున్నాయి. అలా రీసెంట్గా తమిళంలో డిఫరెంట్ కామెడీ థ్రిల్లర్ సినిమా ఓటీటీ స్ట్రీమింగ్కు వచ్చింది. ఆ సినిమా పేరే బాంబ్.
ఐఎమ్డీబీ నుంచి 7 రేటింగ్
సెప్టెంబర్ 12న థియేటర్లలో విడుదలైన బాంబ్ సినిమాకు మంచి పాజిటివ్ రివ్యూస్ వచ్చాయి. అలాగే, ప్రశంసలు అందుకుంది. అంతేకాకుండా ఐఎమ్డీబీ నుంచి పదికి 7 రేటింగ్ సాధించుకుంది. బాంబ్ సినిమాలో పవన్ కల్యాణ్ ఓజీ మూవీ నటుడు అర్జున్ దాస్ హీరోగా చేశాడు.
హీరో రాజశేఖర్ కుమార్తె
అలాగే, టాలీవుడ్ సీనియర్ హీరో రాజశేఖర్ కుమార్తె శివానీ రాజశేఖర్ హీరోయిన్గా చేసింది. అర్జున్ దాస్, శివానీ రాజశేఖర్ జోడీ కట్టిన బాంబ్ సినిమాకు విశాల్ వెంకట్ దర్శకత్వం వహించారు. మణికందన్ మాధవన్, అభిషేక్ సబారిగిరిసన్, విశాల్ వెంకట్ కథ అందించారు. డైరెక్టర్ అయిన విశాల్ వెంకట్ స్క్రీన్ ప్లే బాధ్యతలు కూడా చేపట్టారు.
మొదటగా 3 ఓటీటీల్లో
శక్తి ఫిల్మ్ ఫ్యాక్టరీ బ్యానర్లో విడుదలైన బాంబ్ సినిమాకు సుధా సుకుమార్, సుకుమార్ బాలకృష్ణన్ నిర్మాతలుగా వ్యవహరించారు. అర్జున్ దాస్, శివాత్మికతోపాటు కాళి వెంకట్, నాజర్, టీఎస్కే తదితరులు ఇతర కీలక పాత్రలు పోషించారు. తమిళంలో మంచి పాజిటివ్ టాక్ తెచ్చుకున్న బాంబ్ సినిమా మొదట 3 ఓటీటీ ప్లాట్ఫామ్స్లలో ప్రీమియర్కు వచ్చింది.
బాంబ్ ఓటీటీ స్ట్రీమింగ్
ఆహా తమిళం, సింప్లీ సౌత్, షార్ట్ఫ్లిక్స్ మూడింట్లో బాంబ్ ఓటీటీ రిలీజ్ అయింది. అయితే, వీటిలో కేవలం తమిళ భాషలో మాత్రమే బాంబ్ ఓటీటీ స్ట్రీమింగ్కు వచ్చింది. రీసెంట్గా తెలుగులో కూడా బాంబ్ ఓటీటీ ప్రీమియర్ అయింది. అది కూడా మరో ఓటీటీలో బాంబ్ డిజిటల్ స్ట్రీమింగ్ అవుతోంది.
నాలుగు ఓటీటీల్లో
ఆ ఓటీటీనే అమెజాన్ ప్రైమ్ వీడియో. అక్టోబర్ 30 నుంచి అమెజాన్ ప్రైమ్లో తెలుగుతోపాటు హిందీ భాషలో బాంబ్ ఓటీటీ స్ట్రీమింగ్ అవుతోంది. ఇప్పుడు బాంబ్ సినిమాను అమెజాన్ ప్రైమ్, ఆహా తమిళ్, సింప్లీ సౌత్, షార్ట్ఫ్లిక్స్ వంటి నాలుగు ఓటీటీ ప్లాట్ఫామ్స్లలో వీక్షించవచ్చు.
శవం నుంచి గ్యాస్ సౌండ్స్
ఇక బాంబ్ సినిమా కథ విషయానికొస్తే.. ఇది రెండు గ్రామాల మధ్య జరిగే కథ. ఒక ఊరు రెండు గ్రామాలుగా విడిపోతుంది. దేవుడిని ఏమాత్రం నమ్మని హీరో ఫ్రెండ్ సడెన్గా రెండు ఊర్ల మధ్య చనిపోతాడు. దాంతో అతని శవాన్ని అక్కడే ఉంచుతారు. కానీ, శవం నుంచి అనూహ్యంగా గ్యాస్ సౌండ్స్ వస్తుంటాయి.
దేవుడంటూ కొట్టుకునే ప్రజలు
దాంతో రెండు గ్రామాల ప్రజలు అతన్ని దేవుడిగా భావిస్తారు. ఆ దేవుడు తమకంటే తమకు కావాలని కొట్టుకుంటారు. కానీ, హీరో మాత్రం తన ఫ్రెండ్ బతికే ఉన్నాడని, ఆ సౌండ్స్ ఎలా వస్తున్నాయో తెలుసుకోవాలనుకుంటాడు. ఆ తర్వాత ఏం జరిగిందనేది తెలియాలంటో 4 ఓటీటీల్లో స్ట్రీమింగ్ అవుతోన్న బాంబ్ సినిమాను చూడాల్సిందే.
