సాహో.. టీమిండియా! మహిళల జట్టుకు సెలబ్రిటీల సెల్యూట్.. చిరంజీవి నుంచి ప్రియాంక చోప్రా వరకు.. ఎవరేమన్నారంటే?

భారత మహిళల జట్టు సరికొత్త హిస్టరీ క్రియేట్ చేసింది. ప్రపంచకప్ కలను సాకారం చేసుకుంది. దేశానికి వుమెన్స్ క్రికెట్లో తొలి వరల్డ్ కప్ ను అందించింది. ఈ హిస్టారిక్ మూమెంట్ ను సెలబ్రిటీలు కూడా సెలబ్రేట్ చేసుకుంటున్నారు.

ముంబైలోని డీవై పాటిల్ స్టేడియంలో జరిగిన ఐసీసీ మహిళల క్రికెట్ ప్రపంచ కప్ 2025 టైటిల్‌ను కైవసం చేసుకుని భారత మహిళల క్రికెట్ జట్టు ఆదివారం చరిత్ర సృష్టించింది. ఈ చారిత్రక విజయాన్ని సెలబ్రిటీలు సెలబ్రేట్ చేసుకుంటున్నారు. చిరంజీవి నుంచి ప్రియాంక చోప్రా వరకు సోషల్ మీడియాలో టీమ్ పై ప్రశంసలు కురిపించారు.

ప్రతి అమ్మాయికి

టీమిండియా విక్టరీపై సెలబ్రిటీల రియాక్షన్

మహిళల వన్డే ప్రపంచకప్ లో భారత్ విజేతగా నిలవడంపై మెగాస్టార్ చిరంజీవి సంతోషం వ్యక్తం చేశారు. ‘‘ఇండియన్ క్రికెట్ ఎంతో గర్వపడే, చారిత్రక రోజు. మహిళల వరల్డ్ కప్ లో సెన్సేషనల్ విక్టరీ సాధించిన మన భారత అమ్మాయిల క్రికెట్ టీమ్ కు అభినందనలు. కల కనాలనే ధైర్యం ఉన్న ప్రతి అమ్మాయి, నమ్మే ప్రతి పేరేంట్, కేరింతలు కొట్టే ప్రతి అభిమాని విజయం ఇది. ఇలాగే మెరుస్తూ హద్దులు బద్దలు కొడుతూనే ఉండాలి’’ అని చిరు ట్వీట్ చేశారు.

ప్రియాంక చోప్రా

Priyanka's post for the team.

ఛాంపియన్స్

నటి అనుష్క శర్మ "మీరు ఛాంపియన్స్!! ఇదొక గొప్ప చారిత్రక విజయం" అని రాయగా, కియారా అద్వానీ "ఎంత అద్భుతమైన క్షణం, మీరు చరిత్ర సృష్టించారు!!! మా మహిళా బ్లూ టీమ్‌కు అభినందనలు" అని పంచుకుంది.

నటుడు హృతిక్ రోషన్ ఎక్స్ (గతంలో ట్విట్టర్) లో "గెలిచాం!! చారిత్రకం! మా మొదటి మహిళల క్రికెట్ ప్రపంచ కప్ విజయం సాధించినందుకు టీమ్ ఇండియాకు అభినందనలు. ఇది మరెన్నో విజయాలకు ఆరంభం కానుంది. నా ప్రేమ, గౌరవం అంతా మీకే" అని రాశారు.

గర్వంతో

ఫిల్మ్‌మేకర్ ఎస్.ఎస్. రాజమౌళి ఎక్స్ లో "ప్రపంచ ఛాంపియన్స్! మా మహిళా బ్లూ టీమ్ అది సాధించింది! దీప్తి ఆల్‌రౌండ్ ప్రదర్శన, షఫాలీ మెరుపు బ్యాటింగ్ విజయ మార్గాన్ని వెలిగించాయి. ప్రతి భారతీయుడి గుండె గర్వంతో ఉప్పొంగుతోంది! " అని పంచుకున్నారు. అభిషేక్ బచ్చన్ తన ఉత్సాహాన్ని వ్యక్తం చేస్తూ "కమాన్!!!! ఇండియా!!! ప్రపంచ ఛాంపియన్స్. బాగా ఆడారు లేడీస్" అని రాసుకొచ్చారు.

నటి త్రిప్తి డిమ్రి "వారు చేసి చూపించారు. ఎలా చేయాలో మహిళలు చూపించారు" అంటూ తన గర్వాన్ని తెలియజేసింది. నటుడు అర్జున్ కపూర్ "ప్రేరణాత్మకం!!! టీమ్ ఇండియాకు సెల్యూట్.." అని పంచుకోగా, వరుణ్ ధావన్ "గర్వించదగిన భారతీయుడిని, గర్వించదగిన క్రికెట్ అభిమానిని. మా హీరోలు" అని పేర్కొన్నారు.

ఫైనల్లో విజయం

ఆదివారం నవీ ముంబైలోని డాక్టర్ డీవై పాటిల్ స్టేడియంలో జరిగిన ఫైనల్‌లో దక్షిణాఫ్రికాను ఓడించి భారత మహిళల జట్టు తమ తొలి ప్రపంచ కప్ టైటిల్‌ను గెలుచుకుంది. ఇది ఒక చారిత్రక ఘట్టం. భారత మహిళా జట్టు 1976 లో తమ మొదటి మ్యాచ్ ఆడింది. అప్పటి నుండి 2025 వరకు దాదాపు 50 ఏళ్లుగా వారు ప్రపంచ కప్ టైటిల్‌ను గెలవలేదు. ఈ జట్టుకు హర్మన్‌ప్రీత్ కౌర్ నాయకత్వం వహించింది.

299 పరుగుల లక్ష్యాన్ని ఛేదించే క్రమంలో దీప్తి శర్మ ఐదు వికెట్ల ప్రదర్శన తర్వాత దక్షిణాఫ్రికా 45.3 ఓవర్లలో 246 పరుగులకు ఆలౌట్ అయింది. 78 బంతుల్లో 87 పరుగులు చేసి, రెండు వికెట్లు కూడా పడగొట్టిన షఫాలీ వర్మ ప్లేయర్ ఆఫ్ ది మ్యాచ్ అవార్డును అందుకుంది.