Illu Illalu Pillalu September 25 Episode: ఇల్లు ఇల్లాలు పిల్లలు- వల్లిని నీళ్లలో ముంచిన నర్మద- చింతామణి ఇంట్లో ప్రేమ

Illu Illalu Pillalu Serial September 19th Episode: ఇల్లు ఇల్లాలు పిల్లలు సీరియల్ టుడే సెప్టెంబర్ 25వ ఎపిసోడ్‌లో ధీరజ్‌కు మంగళస్నానాలు చేయిస్తారు. అదంతా ప్రేమ చూస్తుంది. ప్రేమకు పైనుంచి మంగళస్నానాలు చేయిస్తాడు విశ్వ. వల్లినే కుట్ర అంతా చేసిందని, ఆధారాల వీడియోలు నర్మదకు పంపుతుంది పోలీస్ స్మిత.

Illu Illalu Pillalu Serial Today Episode: ఇల్లు ఇల్లాలు పిల్లలు ఈరోజు ఎపిసోడ్‌లో ధీరజ్ పెళ్లి గురించి అంతా సంతోషిస్తుంటే శ్రీవల్లి నవ్వుతుంది. ఎందుకు నవ్వు అని నర్మద అడిగితే.. ఇది జరుగుతుందా ఏంటీ అని వల్లి అంటుంది. ఎగిరిపడు. నర్మద ధీరజ్‌ల పెళ్లి కాగానే నీ సంగతి తేలుస్తానని నర్మద వార్నింగ్ ఇస్తుంది.

ధీరజ్, ప్రేమకు మంగళస్నానాలు

ఇల్లు ఇల్లాలు పిల్లలు సీరియల్ సెప్టెంబర్ 25వ ఎపిసోడ్

దీని వార్నింగ్‌తో సంతోషంగా కూడా ఉండలేకపోతున్నా అని వల్లి అనుకుంటుంది. ధీరజ్‌కు మంగళస్నానాలు చేస్తారు. అక్షింతలు వేసి అంతా ఆశీర్వదీస్తారు. ప్రేమను బలవంతంగా బయటకు తీసుకొస్తుంది శారదాంబ. నీకు కూడా అలా చేసి పెళ్లి మండపానికి తీసుకెళ్లేవారు. కానీ, నీ మూర్ఖత్వం వల్ల ఎలాంటి ఆనందాన్ని కోల్పోతున్నావో అర్థమవుతుందా అని శారదాంబ అంటుంది.

ఇంతలో పైనుంచి ప్రేమకు పసుపు నీళ్లు పోస్తాడు విశ్వ. మనం కూడా వాళ్లకంటే తక్కువ ఏం కాదని నిరూపించాలిగా. పెళ్లికూతురుకి కూడా మంగళస్నానం చేయించాలిగా. ఆపే ప్రసక్తే లేదని విశ్వక్ అంటాడు. అలా ధీరజ్, ప్రేమకు ఇద్దరికి మంగళస్నానాలు జరుగుతాయి. ధీరజ్ కుటుంబం సంతోషంగా గడపడం చూస్తుంది ప్రేమ.

నర్మదకు స్మిత కాల్ చేస్తుంది. ధీరజ్, ప్రేమలు విడిపోడానికి భద్రావతి, వల్లి, భాగ్యమే కదా కారణం అని నర్మద అడిగితే.. అవును. అసలు దీనంతటికి ప్రధాన సూత్రధారి వల్లినే. వాళ్లను విడదీయాలని వల్లినే ప్లాన్ చేసింది. దానికి భద్రావతిని వాడుకుంది అని స్మిత అంటుంది. ఆ ఫేక్ ఎస్సైని మనవాళ్లు పట్టుకున్నారు. అతనితో వల్లినే ఫోన్ చేయించింది. వల్లి అమ్మనాన్న వెళ్లి హోటల్‌లో ఎంక్వైరీ చేసి పెళ్లి వీడియో తీసుకున్నారు అని స్మిత చెబుతుంది.

వల్లి కుట్ర చేసిందన్న ఆధారాలు

వల్లి చేసిన పాపాల గురించి చెబుతుంది. ధీరజ్, ప్రేమలపై పగ పెంచుకుంటావా. విడగొట్టడానికి ఇంత పెద్ద కుట్ర చేస్తావా అని నర్మద మరింత ముంచుతుంది. నేను అమాయకురాలినని వల్లి అంటుంది. మీ అమ్మనాన్నను మోపిదేవికి ఎందుకు పంపించావ్ అని నర్మద అడుగుతుంది. ధీరజ్, ప్రేమల గురించి తప్పుగా అనుకుంటున్నారని అదేంటో తెలుసుకుందామని పంపించాను అంతే అని వల్లి అంటుంది.

ఊపిరి ఆడట్లేదు చెల్లాయ్ అని వల్లి అనడంతో ధీరజ్ పెళ్లి అయ్యేవరకు నీ ఆటలు. పెళ్లయ్యాక మామయ్య ముందు ఆధారాలతో నీ కుట్రలన్నీ బయటపెడతాను. అప్పుడు నీ గతేంటో చూసుకో అని నర్మద వార్నింగ్ ఇచ్చి వెళ్లిపోతుంది. అమ్మో దీనికి ఏ ఆధారాలు దొరికాయో ఏంటో అని వల్లి భయపడుతుంది. మరోవైపు ధీరజ్‌ను పెళ్లికొడుకును చేస్తారు.

రోడ్డు మీద ధీరజ్, ప్రేమల కౌగిలింత

ప్రేమ కూడా పెళ్లికూతురుగా రెడీ అయి ఉంటుంది. ప్రేమ అనుకుంటూ ధీరజ్ మాట వినిపిస్తుంది. దాంతో బయటకు వచ్చి చూస్తుంది ప్రేమ. ధీరజ్ ఉంటాడు. ఇద్దరు ప్రేమగా చూసుకుంటారు. కిందకు వస్తుంది ప్రేమ. ధీరజ్, ప్రేమ ఇద్దరు కలుసుకుని రోడ్డు మీద హగ్ చేసుకుంటారు. కానీ, అదంతా ప్రేమ కల. ఇంతలో తల్లి రేవతి వచ్చి ప్రేమను త్వరగా రెడీ అవ్వమంటుంది.

తనను ఫోర్స్ చేయకండని ప్రేమ అంటుంది. భద్రావతి దగ్గరికి వచ్చిన సేనాపతి రామరాజు శుభలేఖలు పంచుతున్నాడని చెబుతాడు. ఆగని పెళ్లికి పంచనిరా. వాడే పరువే పోతుంది. ఇవాళ ఒక్కరోజుకు ఓపిక పట్టు. ధీరజ్, ప్రేమలను శాశ్వతంగా విడగొట్టి అప్పుడు చెబుదాం రామరాజు సంగతి అని భద్రావతి అంటుంది. ప్రేమపై కోపంగా అరుస్తుంది శారదాంబ.

ఆ మాటలు విని పైకి వెళ్తారు భద్రావతి, సేనాపతి. ప్రేమ వెళ్తానంటే చెప్పమను నేనే దిగబెడతాను. పిల్లల మనసులో ఉన్న బాధను అర్థం చేసుకోవాలని రేవతిని తిడుతుంది. ఈ గడువు పూర్తయ్యేసరికి ప్రేమను చింతామణి ఇంట్లో వదిలిపెడాతనని తీసుకెళ్తుంది భద్రావతి. మరోవైపు ధీరజ్‌ను పెళ్లికొడుకుగా చూసి వేదవతి మురిసిపోతుంది.

ఉలిక్కిపడిన వల్లి

నర్మదను చూసి శ్రీవల్లి తెగ భయపడుతుంది. ఏమైంది వదిన అంతలా ఉలిక్కిపడిపోయావ్ అని అమూల్య అంటుంది. ఏదో నీళ్లలో మునిగినట్టు అనిపించిందని వల్లి అంటుంది. మనం పెళ్లి మండపానికి బయలుదేరుదామని సాగర్ అంటాడు. ప్రేమ గురించి ఆలోచిస్తాడు ధీరజ్. అక్కడితో నేటి ఇల్లు ఇల్లాలు పిల్లలు సీరియల్ ఎపిసోడ్ ముగుస్తుంది.