Illu Illalu Pillalu Serial Today Episode: ఇల్లు ఇల్లాలు పిల్లలు ఈరోజు ఎపిసోడ్లో పెళ్లి మండపానికి బయలుదేరదామని సాగర్ అంటే.. ప్రేమ గురించి ఆలోచిస్తాడు ధీరజ్. అంతలా ఏం ఆలోచిస్తున్నావురా. ప్రేమ వస్తుందా రాదా అనా అని వేదవతి అడుగుతుంది.
వల్లి సైకోయిజం
నా మీద తనకున్న ప్రేమ కచ్చితంగా వచ్చేలా చేస్తుంది. ఒకవేళ పంతానికి పోయి ప్రేమ రాకుంటే జీవితంలో నా మొహం తనకు చూపించను అని ధీరజ్ అంటాడు. ఒకవేళ ఇవాళ పెళ్లి జరగకపోతే మావయ్యగారు ఛాలెంజ్ చేసిన ప్రకారం నీకు ప్రేమకు ఎలాంటి సంబంధం ఉండదు కదూ. ఈ ఇంటికి ప్రేమ దూరంగా ఉండిపోతుంది కదా అని శ్రీవల్లి సంతోషంగా అంటుంది.
దాంతో వేదవతి బాగా తిడుతుంది. శ్రీవల్లి భుజంపై చేయి వేసి ఇప్పుడు ఏమంటావ్ అని అడుగుతుంది నర్మద. దాంతో వల్లి భయపడిపోతుంది. ఇంతలో శారదాంబ కంగారుగా వచ్చి ప్రేమను చింతామణి ఇంట్లో బలవతంగా ఉంచాలని చూస్తుంది. రామరాజు గడువు పూర్తయ్యేసరికి అక్కడే ఉంచాలనుకుంటుంది అని శారదాంబ చెబుతుంది.
ప్రేమను బంధీగా ఉంచాలని చూస్తున్నారు. ఎలాగైనా తీసుకురావాలని సాగర్, చందు బయలుదేరుతారు. కానీ, ధీరజ్ ఆపుతాడు. నా మీద తనకు ప్రేమ ఉంటే ఎలాగైనా వస్తుందని ధీరజ్ అంటాడు. నమ్మకం ఉండచ్చుకానీ జాగ్రత్తగా కూడా ఉండాలిగారా అని సాగర్ అంటాడు. ఇంతలో రామరాజు వచ్చి ఏమైంది. ప్రేమ గుడికి వస్తుందిగా అని అంటాడు.
రౌడీలకు చింతామణి సూచనలు
వస్తుంది మావయ్య. నేను తీసుకొస్తాను అని నర్మద చెబుతుంది. అంతా పెళ్లి మండపానికి వెళ్తారు. కారులో ఖాళీ లేదని మనిద్దరం కలిసి వెళ్దామని వల్లి జెడ పట్టుకుని లాగుతుంది నర్మద. రామరాజు ఛాలెంజ్ గురించి ప్రేమ ఆలోచిస్తుంటుంది. ఇంట్లో ఈగ కూడా దూరడానికి వీళ్లేదు. ఉదయం వచ్చేసరికి మీరు కంటి మీద కునుకుతీయొద్దు. ఎవరైనా ఇంటికి వస్తే పాతిపెట్టండని రౌడీలతో చెబుతుంది చింతామణి.
{{/usCountry}}వస్తుంది మావయ్య. నేను తీసుకొస్తాను అని నర్మద చెబుతుంది. అంతా పెళ్లి మండపానికి వెళ్తారు. కారులో ఖాళీ లేదని మనిద్దరం కలిసి వెళ్దామని వల్లి జెడ పట్టుకుని లాగుతుంది నర్మద. రామరాజు ఛాలెంజ్ గురించి ప్రేమ ఆలోచిస్తుంటుంది. ఇంట్లో ఈగ కూడా దూరడానికి వీళ్లేదు. ఉదయం వచ్చేసరికి మీరు కంటి మీద కునుకుతీయొద్దు. ఎవరైనా ఇంటికి వస్తే పాతిపెట్టండని రౌడీలతో చెబుతుంది చింతామణి.
{{/usCountry}}ధీరజ్ నా మొహం చూడవారా. అయ్యో అందరిని బాధపెడుతున్నాను. బొమ్మలా మారిపోయి ఏం చేయలేకుండా ఉన్నానే. దేవుడా ఏంటీ నాకు పరీక్ష. పుట్టినిల్లు మెట్టినిల్లు అని తేల్చుకునే పరీక్ష పెట్టావ్ అని బాధపడుతుంది ప్రేమ. ఇంతలో చింతామణి వచ్చి మగవాళ్లు ఆడవాళ్లను లొంగదీసుకోడానికి ఇలాంటి ఛాలెంజ్లే చేస్తారని, బ్లాక్ మెయిల్ చేస్తారని, వాళ్ల ట్రాప్లో పడకు. ఆడదాని తోడులేకుండా మగాడు బతకలేడు. నీ మొగుడే నీ కాళ్లదగ్గరికి వస్తాడని చింతామణి చెబుతుంది.
ఆ ధీరజ్ గాడిని దెబ్బకొట్టే ఛాన్స్ భద్రావతి ఇస్తే ఉపయోగించుకోకుండా ఊరుకుంటానా. ఈ చింతామణి కాంపౌడ్లో కాలుపెట్టే ధైర్యం చేయగలరా అని చింతామణి అనుకుంటుంది. ఇంతలో భాగ్యం, ఇడ్లీ బాబాయ్, వల్లితో కారులో దిగుతుంది నర్మద. ఇలా ఇరికించేసావేంటే అని వల్లితో భాగ్యం అంటుంది. చింతామణి ఇంట్లోకి వెళ్లి ప్రేమను తీసుకురమ్మని నర్మద చెబుతుంది.
వల్లి ఫ్యామిలీతో ప్రేమ కిడ్నాప్ ప్లాన్
అసలే ప్రేమ కంచు. మేము రమ్మంటే వస్తుందా అని భాగ్యం అంటుంది. రాదు కాబట్టే కిడ్నాప్ చేసి తీసుకురండి. ఇలాంటి ఫోర్ ట్వంటీ పనులకు మీరే కరెక్ట్ అని నర్మద అంటుంది. చింతామణి ఇంటికి వెళ్లడం అంటే అండమాన్ నికోబార్కి వెళ్లినట్లే అని ఇడ్లీ అంటాడు. మరి ధీరజ్, ప్రేమను విడదీయడానికి బైక్పై రైడ్ చేశారుగా. వల్లి కుట్రలన్నీ మావయ్యకు చందుకు చెప్పనా అని నర్మద బ్లాక్ మెయిల్ చేస్తుంది.
దాంతో భయపడి సరేనని భాగ్యం వాళ్లు ఒప్పుకుని చింతామణి ఇంట్లోకి వెళ్తారు. మరోవైపు పెళ్లి మండపానికి అతిథులంతా వస్తారు. నర్మద వెళ్లింది. ప్రేమ వస్తుందో రాదో అని వేదవతి కంగారుపడుతుంది. ఇంతలో శారదాంబ, రేవతి, విశ్వ ముసుగులు వేసుకుని వస్తారు. మీరు దర్జాగా రావచ్చని రామరాజు అంటాడు. తిరుపతి, సుకన్య వస్తారు.
రేయ్ ఇప్పుడారా వచ్చేది అని తిరుపతిని తిడతాడు రామరాజు. సైకిల్ పంచర్ అయింది బావ. అందుకే ఫ్లైట్ మాట్లాడుకుని వచ్చేసరికి లేట్ అయింది. ఇంతకీ నన్ను పెళ్లికి పిలిచారా అని తిరుపతి అంటాడు. నువ్వేమైనా బయటవాడివారా. స్పెషల్గా బొట్టు పెట్టి చెప్పడానికి అని రామరాజు అంటాడు. ఇంత సెంటిమెంట్తో కొట్టాకా ఏం చేస్తాను. అల్లుడి పెళ్లి గ్రాండ్గా చేస్తానని తిరుపతి లోపలికి వెళ్తాడు.
సుకన్య నగలు లాక్కున్న కామాక్షి
తిరుపతి, సుకన్యను చాలా కోపంగా చూస్తుంది వేదవతి. తిరుపతి పలకరించి భయపడతాడు. ధీరజ్తో మాట్లాడుతాడు. నన్ను పిలవకపోయిన వచ్చాను. హర్టింగ్లో ఉన్నా అని తిరుపతి అంటాడు. ఏంట్రా హర్టింగ్లో ఉన్నావా. ప్రేమ రాలేదని మేము కంగారుపడుతుంటే. ఒక్కటి కొడతానని వేదవతి అంటుంది. పెళ్లాం ముందు కొట్టకు అక్క అని తిరుపతి అంటాడు.
ఏయ్ దొంగ మామ నీ పెళ్లికి నాకు బంగారం పెడతాను అన్నావ్. ఇప్పుడు పెట్టు అని కామాక్షి అంటుంది. సుకన్య ఒంటిపై ఉన్న నగలు చూసి లాక్కుంటుంది కామాక్షి. ఇద్దరు తగువులాడుకుంటారు. కామాక్షిని వేదవతి ఆపి తిడుతుంది. ప్రేమ నువ్వు తప్పకుండా వస్తావని అనుకుంటున్నా. ఇది ఇద్దరికి పరీక్ష అని ధీరజ్ అనుకుంటాడు. అక్కడితో నేటి ఇల్లు ఇల్లాలు పిల్లలు సీరియల్ ఎపిసోడ్ ముగుస్తుంది.