Kangana Ranaut Vs Taapsee Pannu: బాలీవుడ్ హీరోయిన్స్ కంగనా రనౌత్, తాప్సీ పన్నుల మధ్య సీనియర్ వర్సెస్ జూనియర్ వివాదం మరోసారి భగ్గుమంది. గతంలో 'సస్తి కాపీ' (చీప్ కాపీ) వ్యాఖ్యలతో మొదలైన వీరి పరోక్ష యుద్ధం తాజాగా సరికొత్త మలుపు తిరిగింది.
తల్లిదండ్రుల పెంపకాన్ని ప్రశ్నించావ్!
తాప్సీ ఇటీవల చేసిన కొన్ని వ్యాఖ్యలపై కంగనా తీవ్ర ఆగ్రహం వ్యక్తం చేశారు. ఇన్స్టాగ్రామ్ వేదికగా తన తల్లిదండ్రుల పెంపకాన్ని ప్రశ్నించావంటూ తాప్సీపై విరుచుకుపడిన కంగనా, ఆ తర్వాత కొద్ది గంటల్లోనే ఆ పోస్టులను డిలీట్ చేయడం గమనార్హం.
అసలు తాప్సీ ఏం కామెంట్ చేశారు?
ప్రస్తుతం తాప్సీ పన్ను తన రాబోయే నెట్ఫ్లిక్స్ చిత్రం 'గాంధారి' ప్రమోషన్లలో బిజీగా ఉన్నారు. ఈ క్రమంలో ఒక జాతీయ మీడియా ఛానెల్కు ఇచ్చిన ఇంటర్వ్యూలో కంగనాతో ఉన్న విభేదాలపై తాప్సీ పన్ను స్పందించారు.
ఇద్దరి పెంపకం వేరు
"నేను ఆమెను ఇప్పటివరకు ఎప్పుడూ నేరుగా కలవలేదు. మా ఇద్దరి ఆలోచనా విధానాలు, పెంపకం వేరు. సంభాషించే శైలి, విషయాలను అర్థం చేసుకునే తీరులో ఉన్న తేడాలే మా ప్రవర్తనలో కనిపిస్తాయి. దీనిని బట్టే ఎవరు ఎక్కడి నుంచి వచ్చారో ప్రజలే నిర్ణయించుకుంటారు" అని తాప్సీ వ్యాఖ్యానించారు.
నా పెంపకాన్ని ప్రశ్నిస్తావా? కంగనా ఘాటు కౌంటర్!
తాప్సీ వ్యాఖ్యలపై కంగనా రనౌత్ అత్యంత తీవ్రంగా స్పందించారు. శనివారం (ఆగస్ట్ 22) సాయంత్రం ఇన్స్టాగ్రామ్ స్టోరీస్లో తాప్సీని ఉద్దేశిస్తూ ఘాటు వ్యాఖ్యలు చేశారు కంగనా రనౌత్. పరోక్షంగా 'సస్తి కాపీ' అంటూనే తాప్సీ సరిహద్దులు దాటారని మండిపడ్డారు.
హెడ్లైన్స్ కోసం మళ్లీ నాపేరే వాడుకుంటోంది
"ఒక సస్తి కాపీ (చీప్ కాపీ) తన బి-గ్రేడ్ సినిమా ప్రమోషన్ల కోసం మళ్లీ నా పేరునే వాడుకుంటోంది. ప్రతిసారీ హెడ్లైన్స్ కోసం నా పేరు వాడటం అలవాటే కానీ, ఈసారి ఏకంగా నా పెంపకాన్ని, నా తల్లిదండ్రులను అవమానిస్తూ హద్దులు దాటింది" అని కంగనా రనౌత్ రాసుకొచ్చారు.
నాలాంటి ఒరిజినల్ను ఎందుకు కనలేదు?
{{/usCountry}}"ఒక సస్తి కాపీ (చీప్ కాపీ) తన బి-గ్రేడ్ సినిమా ప్రమోషన్ల కోసం మళ్లీ నా పేరునే వాడుకుంటోంది. ప్రతిసారీ హెడ్లైన్స్ కోసం నా పేరు వాడటం అలవాటే కానీ, ఈసారి ఏకంగా నా పెంపకాన్ని, నా తల్లిదండ్రులను అవమానిస్తూ హద్దులు దాటింది" అని కంగనా రనౌత్ రాసుకొచ్చారు.
నాలాంటి ఒరిజినల్ను ఎందుకు కనలేదు?
{{/usCountry}}"పిల్లల కోసం ఏ తల్లిదండ్రులైనా తమ శక్తిమేర కష్టపడతారు. నేను ఎప్పుడూ ఇతరుల తల్లిదండ్రుల జోలికి వెళ్లను. కానీ, ఈరోజు ఆమె తల్లిదండ్రులను ఒక్కటే అడుగుతున్నా.. నా తల్లిదండ్రుల్లా ఒక ఒరిజినల్ (నిజమైన) వ్యక్తికి ఎందుకు జన్మనివ్వలేకపోయారు? ఇలాంటి చీప్ కాపీ (చవకబారు కాపీ లేదా నకిలి మనిషి)ని ఎందుకు కన్నారు? అది తెలిసి వాళ్లపై నాకు జాలేస్తోంది" అని కంగనా ఘాటు కామెంట్స్ చేశారు.
రాజ్పుత్ జమీందారి కుటుంబం నుంచి
అనంతరం మరో స్టోరీలో వార్తా కథనాన్ని షేర్ చేస్తూ.. తాను ఒక పేరున్న రాజ్పుత్ జమీందారీ కుటుంబం నుంచి వచ్చానని పేర్కొన్నారు. చదువుకున్న ఉన్నతమైన కుటుంబంలో పెరిగిన తన పెంపకాన్ని, చిన్న ఇళ్లలో పెరిగినవారు ప్రశ్నించడం హాస్యాస్పదమని కంగనా రనౌత్ వ్యాఖ్యానించారు.
2019 నుంచి కొనసాగుతున్న కోల్డ్ వార్
అయితే, కంగనా రనౌత్, తాప్సీల మధ్య వివాదం ఈనాటిది కాదు. 2019లో కంగనా సోదరి రంగోలి చందేల్, తాప్సీని పరోక్షంగా 'సస్తి కాపీ' అని వ్యాఖ్యానించడంతో ఇది ప్రారంభమైంది. ఆ తర్వాత 2020లో బాలీవుడ్లో నెపోటిజం (వారసత్వం)పై చర్చ జరుగుతున్న సమయంలో తాప్సీ, స్వరా భాస్కర్ లాంటి వారిని కంగనా 'బి-గ్రేడ్ నటీమణులు' అని పిలవడంతో ఈ వివాదం మరింత రాజుకుంది.
స్క్రీన్ షాట్లు వైరల్
ప్రస్తుతం కంగనా పోస్టులను డిలీట్ చేసినప్పటికీ, ఆ స్క్రీన్ షాట్లు సోషల్ మీడియాలో వైరల్ అవుతున్నాయి. ఇండస్ట్రీలో నెపోటిజంపై పోరాడే కంగనా, తోటి నటీమణుల పట్ల ప్రవర్తించే తీరుపై నెటిజన్లు భిన్నంగా స్పందిస్తున్నారు.