Kristen Stewart About Releasing Movies In YouTube: కేన్స్ ఫిల్మ్ ఫెస్టివల్ వేదికగా హాలీవుడ్ స్టార్ హీరోయిన్ క్రిస్టెన్ స్టీవర్ట్ సంచలన వ్యాఖ్యలు చేశారు. హాలీవుడ్ను శాసిస్తున్న కార్పొరేట్ శక్తులు, మితిమీరిన బ్యూరోక్రసీపై ఆమె తీవ్రస్థాయిలో విరుచుకుపడ్డారు. ప్రస్తుతం అమెరికన్ ఫిల్మ్ ఇండస్ట్రీ నడుస్తున్న తీరు సృజనాత్మకతను, కళాకారుల స్వేచ్ఛను పూర్తిగా చంపేస్తోందని క్రిస్టెన్ ఆవేదన వ్యక్తం చేశారు.
ఫుల్ ఫిల్ ప్రమోషన్స్
'ట్విలైట్' సిరీస్ ద్వారా ప్రపంచవ్యాప్తంగా గుర్తింపు తెచ్చుకున్న బ్యూటిఫుల్ క్రిస్టెన్ స్టీవర్ట్ ప్రస్తుతం కేన్స్ వేదికగా తన కొత్త చిత్రం 'ఫుల్ ఫిల్' (Full Phil) ప్రమోషన్లలో పాల్గొంటున్నారు. ఈ సందర్భంగా వెరైటీ మ్యాగజైన్కు ఇచ్చిన ఇంటర్వ్యూలో హాలీవుడ్ పోకడలపై ఆమె చేసిన వ్యాఖ్యలు అంతర్జాతీయ సినిమా వర్గాల్లో తీవ్ర చర్చనీయాంశంగా మారాయి.
మన దేశంలోనూ పెద్ద పెద్ద నిర్మాణ సంస్థల గుత్తాధిపత్యం వల్ల వినూత్నమైన కథలు థియేటర్ల వరకు రాలేకపోతున్న తరుణంలో, క్రిస్టెన్ చేసిన వ్యాఖ్యలు ఇక్కడి ఇండిపెండెంట్ దర్శకులకు సైతం కనెక్ట్ అవుతున్నాయి.
లాభాల వేటలో కళాకారుల గొంతు నొక్కుతున్నారు!
సినిమా రంగంలో పెట్టుబడిదారీ ఒత్తిళ్లు, వాణిజ్య అంచనాలు పెరిగిపోవడం వల్ల సృజనాత్మకత దెబ్బతింటోందని క్రిస్టెన్ స్టీవర్ట్ పేర్కొన్నారు. ఈ పరిమితుల వల్లే తాను హాలీవుడ్ను వదిలి అంతర్జాతీయ దర్శకులతో పనిచేయడానికి ఇష్టపడుతున్నట్లు చెప్పారు.
గత ఏడాది కేన్స్ వేదికగానే దర్శకురాలిగా తన తొలి చిత్రం 'ది క్రోనాలజీ ఆఫ్ వాటర్'ను ప్రదర్శించిన క్రిస్టెన్, భవిష్యత్తులో పెద్ద బడ్జెట్ సినిమాలకు దూరంగా ఉండాలనుకుంటున్నట్లు స్పష్టం చేశారు. పెద్ద స్టూడియోల చుట్టూ తిరుగుతూ కాలం వృథా చేసుకోవడం తనకు ఇష్టం లేదని క్రిస్టెన్ స్టీవర్ట్ తేల్చి చెప్పారు. తన తదుపరి చిత్రాల ప్రణాళికలను వివరిస్తూ ఆమె ఒక వినూత్నమైన నిర్ణయాన్ని ప్రకటించారు.
నా రూటే వేరు.. యూట్యూబ్లోనే నా సినిమాలు!
"నా స్నేహితులతో కలిసి చాలా తక్కువ ఖర్చుతో ఒక విభిన్నమైన సినిమా తీసి, దానిని నేరుగా యూట్యూబ్లో అప్లోడ్ చేయడమే నా తదుపరి లక్ష్యం. దాని ద్వారా వచ్చే కొద్దిపాటి సొమ్ముతోనే నా తర్వాత సినిమా తీస్తాను. కేవలం డబ్బు సంపాదించడమే పరమావధిగా జీవించడం చాలా హాస్యాస్పదం. బడ్జెట్ కోసం పెద్ద పెద్ద కార్పొరేట్ బాసుల ముందు చేతులు కట్టుకుని ఐదేళ్లు వేచి చూడటం నా వల్ల కాదు" అని క్రిస్టెన్ స్టీవర్ట్ స్పష్టం చేశారు.
{{/usCountry}}"నా స్నేహితులతో కలిసి చాలా తక్కువ ఖర్చుతో ఒక విభిన్నమైన సినిమా తీసి, దానిని నేరుగా యూట్యూబ్లో అప్లోడ్ చేయడమే నా తదుపరి లక్ష్యం. దాని ద్వారా వచ్చే కొద్దిపాటి సొమ్ముతోనే నా తర్వాత సినిమా తీస్తాను. కేవలం డబ్బు సంపాదించడమే పరమావధిగా జీవించడం చాలా హాస్యాస్పదం. బడ్జెట్ కోసం పెద్ద పెద్ద కార్పొరేట్ బాసుల ముందు చేతులు కట్టుకుని ఐదేళ్లు వేచి చూడటం నా వల్ల కాదు" అని క్రిస్టెన్ స్టీవర్ట్ స్పష్టం చేశారు.
{{/usCountry}}ఎ24 (A24), నియాన్ (Neon) వంటి స్వతంత్ర నిర్మాణ సంస్థలతో తనకు మంచి సంబంధాలు ఉన్నాయని, అలాంటి వారి ద్వారా సినిమాలు విడుదల చేయడమే తనకు ఇష్టమని క్రిస్టెన్ స్టీవర్ట్ తెలిపారు.
బిలియనీర్లను మరింత ధనవంతులను చేయలేను!
హాలీవుడ్ నిబంధనలు, అక్కడి వ్యవస్థపై తనకు విరక్తి కలిగిందని క్రిస్టెన్ ఘాటుగా విమర్శించారు. ఈ వ్యవస్థ కళాకారులు తమ భావాలను స్వేచ్ఛగా వ్యక్తపరచడానికి ఏమాత్రం సహకరించదని ఆమె ఆరోపించారు.
"ప్రస్తుత సినిమా రంగాన్ని శాసిస్తున్న చాలా మందికి కళాత్మక విలువల కంటే కేవలం లాభాలే ముఖ్యం. బిలియనీర్లను మరింత పెద్ద బిలియనీర్లుగా మార్చే ఈ దారుణమైన వ్యవస్థ చూస్తుంటే నాకు పిచ్చెక్కుతోంది. ఎవరికీ ఉపయోగపడని నిబంధనల పేరుతో ఇక్కడ విపరీతంగా డబ్బు వృథా చేస్తున్నారు. ఈ గేమ్ రూల్స్ మార్చాల్సిన సమయం వచ్చింది" అని క్రిస్టెన్ స్టీవర్ట్ తీవ్ర అసంతృప్తి వ్యక్తం చేశారు.
ఇదిలా ఉంటే, ప్రస్తుతం క్రిస్టిన్ స్టీవర్ట్ చేతిలో రెండు దర్శకత్వ ప్రాజెక్టులు ఉన్నాయి. అందులో ఒకదానిని ఈ ఏడాది చివరికల్లా, మరోదానిని వచ్చే ఏడాది ఏప్రిల్ నాటికి పూర్తి చేయాలని ఆమె పట్టుదలతో ఉన్నారు.