Kunal Thakur On Netflix OTT Series Glory: ఇటీవల ఓటీటీలోకి మంచి క్రేజ్ తెచ్చుకుంటున్న స్పోర్ట్స్ క్రైమ్ థ్రిల్లర్ వెబ్ సిరీస్ గ్లోరీ. నెట్ఫ్లిక్స్లో మే 1 నుంచి గ్లోరీ ఓటీటీ స్ట్రీమింగ్ అవుతోంది. అంతేకాకుండా ప్రస్తుతం నెట్ఫ్లిక్స్లో ఇండియాలోనే నెంబర్ వన్ సిరీస్గా గ్లోరీ ఓటీటీ ట్రెండింగ్ అవుతోంది. అలాంటి ఈ ఓటీటీ సిరీస్లో నటీనటుల యాక్టింగ్కు ఆడియెన్స్ ఫిదా అవుతున్నారు.
కునాల్ ఠాకూర్ నటన మరో ఎత్తు
ఇందులో దివ్యేందు, సువిందర్ విక్కీ, పుల్కిత్ సామ్రాట్ వంటి హేమాహేమీల నటన ఒక ఎత్తు అయితే.. రాకా పాత్రలో కనిపించిన కునాల్ ఠాకూర్ తనదైన ముద్ర వేశారు. ఈ ఓటీటీ సిరీస్ కోసం ఆయన కేవలం నటించడమే కాదు, ఒక నిజమైన బాక్సర్లా మారడానికి చేసిన ప్రయత్నాలు నెటిజన్లను ఆశ్చర్యపరుస్తున్నాయి.
8 నెలల కఠిన శ్రమ.. బాక్సర్గా రూపాంతరం
రాకా పాత్ర కోసం కునాల్ ఠాకూర్ సుమారు 7 నుంచి 8 నెలల పాటు తీవ్రమైన శారీరక శిక్షణ తీసుకున్నారు. ఈ మార్పు చూసి ఆయన కుటుంబ సభ్యులు, స్నేహితులు సైతం అవాక్కయ్యారట.
"రాకా పాత్రలోకి మారకముందు నేను ఎలా ఉండేవాడినో తెలిసిన వారు నా ట్రాన్స్ఫర్మేషన్ చూసి షాక్ అయ్యారు. ఒక బాక్సర్లా మారడానికి నాకు 8 నెలల సమయం పట్టింది. ప్రతి నటుడికి ఇలాంటి లగ్జరీ ఉండదు" అని కునాల్ ఠాకూర్ సంతోషం వ్యక్తం చేశారు.
కేవలం ఫైటర్లా కనిపించడం మాత్రమే కాదు, బాక్సర్ బాడీ లాంగ్వేజ్ను పూర్తిగా ఒంటబట్టించుకోవాలని మేకర్స్ పట్టుబట్టారని, అందుకే అంతలా కష్టపడ్డానని ఆయన వివరించారు. శిక్షణ సమయంలో బాక్సింగ్పై ఎంత ప్రేమ పెరిగిందంటే.. షూటింగ్ లేకపోయినా గాలిలో షాడో బాక్సింగ్ చేసేలా అలవాటు పడిపోయానని ఆయన సరదాగా చెప్పుకొచ్చారు.
భార్య నేర్పిన హర్యానా మాండలికం
కునాల్ ఠాకూర్ దుబాయ్, అబుదాబిలో పెరగడం వల్ల ఆయనకు పంజాబీ, ఉర్దూ భాషలపై పట్టుంది కానీ హర్యానా యాస రాదు. ఈ క్రమంలో ఆయన భార్య, ప్రముఖ డాన్సర్ ముక్తి మోహన్ ఆయనకు గురువుగా మారారు.
{{/usCountry}}కునాల్ ఠాకూర్ దుబాయ్, అబుదాబిలో పెరగడం వల్ల ఆయనకు పంజాబీ, ఉర్దూ భాషలపై పట్టుంది కానీ హర్యానా యాస రాదు. ఈ క్రమంలో ఆయన భార్య, ప్రముఖ డాన్సర్ ముక్తి మోహన్ ఆయనకు గురువుగా మారారు.
{{/usCountry}}"నాకు హర్యానా భాష రాదు. నా భార్య ముక్తిది సగం హర్యానా నేపథ్యం కావడంతో, ఆడిషన్స్ సమయంలో ఆమె నాకు ఆ యాసను నేర్పించింది" అని కునాల్ వెల్లడించారు. ముక్తి చేసిన సాయం వల్లే తాను ఆడిషన్లో దర్శకుడు కరణ్ అన్షుమన్ను మెప్పించి, ఈ పాత్రను దక్కించుకోగలిగినట్లు తెలిపారు కునాల్ ఠాకూర్.
వెలుగు చూడని వేలాది బాక్సర్ల కథ 'రాకా'
మన దేశంలో హర్యానా లాంటి ప్రాంతాల నుంచి ఎంతోమంది యువకులు బాక్సింగ్ను కెరీర్గా ఎంచుకుంటారు. వారి లక్ష్యం కేవలం పతకాలు గెలవడం మాత్రమే కాదు, ఒక ప్రభుత్వ ఉద్యోగం సాధించి తమ కుటుంబాన్ని ఆర్థిక కష్టాల నుంచి గట్టెక్కించడం. రాకా పాత్ర కూడా ఇలాంటి వేలాది మంది పోరాట యోధుల ప్రతిబింబమేనని కునాల్ పేర్కొన్నారు.
"రాకా పాత్ర చాలా మౌనంగా ఉంటుంది, కానీ ఆ కళ్లలో ఒక తపన కనిపిస్తుంది. బాక్సింగ్ రింగ్లో కోచ్తో ఉండే క్రమశిక్షణను, గౌరవాన్ని చూపించడానికి నేను నా కోచ్ కళ్లలోకి చూడకుండా నటించాను" అని పాత్రలోని లోతును వివరించారు.
క్రీడారంగంలో ఉండే రాజకీయాల వల్ల (Sports Politics) నిజమైన ప్రతిభ ఉన్నవారు వెనుకబడిపోయి, పలుకుబడి ఉన్నవారు ఎలా ముందుకు వెళ్తారో ఈ ఓటీటీ సిరీస్లో కళ్లకు కట్టినట్టు చూపించారు. ఈ పాత్ర కోసం తాను రోహిత్ టోకాస్, ఆకాష్ సాంగ్వాన్ వంటి నిజమైన బాక్సర్లను కలిసి వారి కష్టాలను, వైఫల్యాలను దగ్గరగా గమనించినట్లు కునాల్ ఠాకూర్ తెలిపారు.
తరచుగా అడిగే ప్రశ్నలు (FAQs)
1. నెట్ఫ్లిక్స్ 'గ్లోరీ' సిరీస్లో కునాల్ ఠాకూర్ పాత్ర ఏమిటి?
కునాల్ ఠాకూర్ ఇందులో 'రాకా' అనే బాక్సర్ పాత్రలో నటించారు. ఈ పాత్ర క్రీడారంగంలో రాజకీయాల బాధితుడిగా, ఒక ప్రతిభావంతుడైన క్రీడాకారుడిగా కనిపిస్తుంది.
2. కునాల్ ఠాకూర్కు హర్యానా భాష ఎవరు నేర్పించారు?
కునాల్ భార్య, ప్రముఖ నటి డాన్సర్ ముక్తి మోహన్ ఆయనకు హర్యానా మాండలికం నేర్చుకోవడంలో సహాయపడ్డారు.
3. రాకా పాత్ర కోసం కునాల్ ఎంత కాలం శిక్షణ తీసుకున్నారు?
ఒక నిజమైన బాక్సర్ బాడీ లాంగ్వేజ్, ఫిజిక్ సాధించడం కోసం కునాల్ సుమారు 8 నెలల పాటు కఠినమైన శిక్షణ తీసుకున్నారు.
4. 'గ్లోరీ' సిరీస్ ప్రధాన ఇతివృత్తం ఏమిటి?
ఇది బాక్సింగ్ నేపథ్యంలో సాగే స్పోర్ట్స్ డ్రామా. క్రీడల్లో ఉండే అంతర్గత రాజకీయాలు, క్రీడాకారుల వ్యక్తిగత పోరాటాలు, విజయం చుట్టూ ఈ కథ తిరుగుతుంది.