Mandala Murders OTT Streaming Telugu: డిజిటల్ ప్లాట్‌ఫారమ్‌లలో థ్రిల్లర్, హారర్, సైకో మిస్టరీ చిత్రాలకు ఉన్న క్రేజ్ వేరు. అయితే, కేవలం నేరాలు, దర్యాప్తు మాత్రమే కాకుండా మనదేశంలోని ప్రాచీన చేతబడులు, తంత్ర మంత్రాలు, పౌరాణిక నమ్మకాలను జోడిస్తే ఆ థ్రిల్ రెట్టింపు అవుతుంది.
వణుకుపుట్టించే హారర్ సిరీస్
సరిగ్గా అలాంటి భయాందోళన రేకెత్తించే నేపథ్యంతో రూపుదిద్దుకున్న క్రేజీ ఓటీటీ వెబ్ సిరీస్ 'మండల మర్డర్స్'. స్క్రీన్ నుంచి కన్ను పక్కకు తిప్పుకోకుండా చేసే ట్విస్టులతో సాగే ఈ ఓటీటీ సిరీస్ ప్రస్తుతం డిజిటల్ ప్రేక్షకుల దృష్టిని విశేషంగా ఆకర్షిస్తోంది.
ప్రాచీన తంత్ర వేదం.. 1952 నాటి దారితీసిన సీక్రెట్!
ఉత్తరప్రదేశ్ వాతావరణంలో ఉన్న 'చరణ్‌దాస్‌పూర్' అనే ఊహాజనిత పట్టణం నేపథ్యంలో ఈ కథ ప్రారంభమవుతుంది. 1952వ సంవత్సరంలో 'ఆయస్తి' అనే ఒక రహస్య సమాజం 'ఆయస్త యంత్రం' సాయంతో చనిపోయిన వ్యక్తికి తిరిగి ప్రాణం పోయడానికి దెయ్యాలను అనుష్ఠానం చేస్తుంది.
ఊరి ప్రజలు ఆ భయంకరమైన చేతబడి పద్ధతులను అడ్డుకోవడానికి వారి ఆవాసాలపై దాడి చేసి తగలేస్తారు. అంతటితో ఆ ఘోరం ముగిసిపోయిందని అంతా భావిస్తారు. కానీ, కాలం మారిన తర్వాత మళ్లీ ఆ దెయ్యాల నీడలు విరుచుకుపడతాయి.
నగరంలో వరుసగా భయంకరమైన సీరియల్ హత్యలు మొదలవుతాయి. హతులలో ప్రతి ఒక్కరి శరీరం నుంచి ఏదో ఒక ప్రత్యేకమైన అవయవాన్ని కిరాతకంగా కోసి తీసేస్తారు. అంతేకాకుండా, ప్రతి శవం పక్కన 'మండల' అనే విచిత్రమైన చిహ్నం రాసి ఉంటుంది.
వాణీ కపూర్ డిజిటల్ ఎంట్రీ.. దర్యాప్తులో విస్తుపోయే కోణాలు!
విధి నిర్వహణ నుంచి సస్పెన్షన్కు గురైన పోలీస్ ఆఫీసర్ విక్రమ్ సింగ్ (వైభవ్ రాజ్ గుప్తా), డ్యూటీ పట్ల కఠినంగా ఉండే డిటెక్టివ్ రియా థామస్ (వాణీ కపూర్) కలిసి ఈ రాక్షస హత్యల వెనుక ఉన్న నిజాన్ని చేధించే బాధ్యత తీసుకుంటారు.
{{/usCountry}}విధి నిర్వహణ నుంచి సస్పెన్షన్కు గురైన పోలీస్ ఆఫీసర్ విక్రమ్ సింగ్ (వైభవ్ రాజ్ గుప్తా), డ్యూటీ పట్ల కఠినంగా ఉండే డిటెక్టివ్ రియా థామస్ (వాణీ కపూర్) కలిసి ఈ రాక్షస హత్యల వెనుక ఉన్న నిజాన్ని చేధించే బాధ్యత తీసుకుంటారు.
{{/usCountry}}ఈ ఇన్వెస్టిగేషన్ సాగుతున్న కొద్దీ, ఒకదాని వెనుక ఒకటి వెలుగు చూసే భయంకర విషయాలు విస్తుపోయేలా చేస్తాయి. ఈ సిరీస్ ద్వారా బాలీవుడ్ భామ వాణీ కపూర్ ఓటీటీ అరంగేట్రం చేయడం విశేషం. గోపీ పుత్రన్ దర్శకత్వం వహించిన ఈ 8 ఎపిసోడ్ల సిరీస్‌లో వాణీ కపూర్‌తో పాటు సుర్వీన్ చావ్లా, వైభవ్ రాజ్ గుప్తా, శ్రియా పిల్‌గాంకర్ ప్రధాన పాత్రల్లో మెరిశారు.
ది బట్చర్ ఆఫ్ బెనారస్ నవల ఆధారంగా
ప్రముఖ రచయిత మహేంద్ర జఖార్ 2014లో రాసిన 'ది బట్చర్ ఆఫ్ బెనారస్' నవల ఆధారంగా ఈ వెబ్ సిరీస్‌ను రూపొందించారు. మూల నవలలో ఉండే వాటికన్, ఎఫ్‌బీఐ అంశాలను పక్కనబెట్టి, మన భారతీయ తంత్ర మంత్రాలకు, మూఢనమ్మకాలకు తగ్గట్టుగా కథను కథనంగా మార్చి తెరకెక్కించారు.
కథలోని రుక్మిణి పాత్ర కోసం నటి శ్రియా పిల్‌గాంకర్ సీన్లను షూటింగ్ పూర్తయిన తర్వాత ప్రత్యేకంగా రాసి చిత్రీకరించారు. ఆ కల్ట్ కాన్సెప్ట్‌కు పౌరాణిక బలాన్ని చేకూర్చడానికే ఈ మార్పులు చేసినట్లు మేకర్స్ తెలిపారు.
ఐఎమ్‌డీబీ రేటింగ్.. ఏ ఓటీటీలో చూడవచ్చు?
మండల మర్డర్స్ ఓటీటీ సిరీస్ ఐఎమ్‌డీబీలో 6.5 రేటింగ్ సొంతం చేసుకుంది. హారర్, సైకలాజికల్, క్రైమ్, మిస్టరీ థ్రిల్లర్ అంశాలతో తెరకెక్కిన మండల మర్డర్స్ ఓటీటీలో దూసుకుపోతోంది. నెట్‌ఫ్లిక్స్‌లో మండల మర్డర్స్ ఓటీటీ స్ట్రీమింగ్ అవుతోంది.
హిందీతోపాటు తెలుగు, తమిళ వంటి భాషల్లో నెట్‌ఫ్లిక్స్‌లో గతేడాది జూలై 25న మండల మర్డర్స్ ఓటీటీ రిలీజ్ అయింది. అప్పుడే నెట్‌ఫ్లిక్స్ గ్లోబల్ టాప్ 10 నాన్ ఇంగ్లీష్ సిరీసులో నెంబర్ వన్ స్థానంలో ట్రెండ్ అయింది. అప్పటినుంచి ఇప్పటివరకు ఏడాదిగా ఓటీటీ ట్రెండింగ్ లో దూసుకుపోతోంది ఈ సిరీస్.
హారర్ థ్రిల్లర్, మిస్టరీ కథలను ఇష్టపడే వారికి ఈ వీకెండ్‌లో నెట్‌ఫ్లిక్స్ ఓటీటీలో తెలుగులో చూసేందుకు మండల మర్డర్స్ ది బెస్ట్ ఛాయిస్ అని చెప్పొచ్చు.