E-Paper
OTT Telugu: ఓటీటీలోకి మరికొన్ని గంటల్లో క్రైమ్ థ్రిల్లర్- పసుపు కుంకుమ సీరియల్‌తో ప్రయాణం మొదలైందన్న హీరో నరేష్ అగస్త్య
Naresh Agastya About Serial Over Rudravanam PS OTT Release: ఓటీటీలోకి మరికొన్ని గంటల్లో తెలుగు క్రైమ్ ఇన్వెస్టిగేషన్ మిస్టరీ థ్రిల్లర్ వెబ్ సిరీస్ రుద్రవనం పీఎస్ రానుంది. ఈ ఓటీటీ స్ట్రీమింగ్ సందర్భంగా నిర్వహించిన ప్రీ రిలీజ్ ఈవెంట్‌లో హీరో నరేష్ అగస్త్య, డైరెక్టర్ హరీష్ శంకర్ కామెంట్స్ చేశారు.
Prefer HTon Google
Naresh Agastya About Serial Over Rudravanam PS OTT Streaming: ఎల్లో ఫ్లవర్స్, శ్రీ చక్ర మూవీస్ బ్యానర్ల మీద రమేష్ పుప్పాల, సూర్యకాంతి నిర్మాతలుగా శశిధర్ మున్నంగి తెరకెక్కించిన న్యూ ఓటీటీ సిరీస్ ‘రుద్రవనం పీఎస్’.
రుద్రవనం పీఎస్ ఓటీటీ స్ట్రీమింగ్
తెలుగు క్రైమ్ ఇన్వెస్టిగేషన్ థ్రిల్లర్‌గా తెరకెక్కిన రుద్రవనం పీఎస్ ఓటీటీలోకి మరికొన్ని గంటల్లో రానుంది. జీ5లో రుద్రవనం పీఎస్ ఓటీటీ రిలీజ్ కానుంది. రేపటి (అక్టోబర్ 30) నుంచి జీ5లో రుద్రవనం పీఎస్ ఓటీటీ స్ట్రీమింగ్ కానుంది.
ఈ నేపథ్యంలో బుధవారం (అక్టోబర్ 28) నాడు రుద్రవనం పీఎస్ గ్రాండ్ ప్రీ రిలీజ్ ఈవెంట్‌ను నిర్వహించారు. ఈ కార్యక్రమానికి బ్లాక్ బస్టర్ డైరెక్టర్ హరీష్ శంకర్ ముఖ్య అతిథిగా విచ్చేశారు. అనంతరం ఈ ఈవెంట్‌లో డైరెక్టర్ హరీష్ శంకర్‌తోపాటు హీరో నరేష్ అగస్త్య ఇంట్రెస్టింగ్ కామెంట్స్ చేశారు.
మిరపకాయ్ టైంలో ఎంకరేజ్ చేశారు
హరీష్ శంకర్ మాట్లాడుతూ .. "మా నిర్మాత రమేష్ పుప్పాల గారిని మళ్లీ ఇలా చూడటం ఆనందంగా ఉంది. ‘మిరపకాయ్’ టైంలో రమేష్ గారు నన్నెంతో ఎంకరేజ్ చేశారు. రాజా రవీంద్ర సహకారం ఎప్పటికీ మర్చిపోలేను. వివేక్ కూచిభోట్ల గారు నా ఫ్యామిలీ మెంబర్‌లాంటి వారు" అని అన్నారు.
"వివేక్ గారి శ్రీమతి సూర్యకాంతి గారు ఈ ఓటీటీ సిరీస్‌తో నిర్మాతగా రానున్నారు. డైరెక్టర్ శశి గారు ఈ సిరీస్‌తో గొప్ప విజయాన్ని అందుకోవాలని కోరుకుంటున్నాను. ‘రుద్రవనం పీఎస్’ కంటెంట్ నేను చూశాను. ఊహించిన దాని కంటే పెద్ద విజయం సాధిస్తుందని ఆశిస్తున్నాను" అని హరీష్ శంకర్ ఆశాభావం వ్యక్తం చేశారు.
సీరియల్‌తో నా ప్రయాణం మొదలు
హీరో నరేష్ అగస్త్య మాట్లాడుతూ .. "పన్నెండేళ్ల క్రితం జీ5లో ‘పసుపు కుంకుమ’ (సీరియల్)తో నా ప్రయాణం మొదలైంది. ఆ తర్వాత ‘పరువు’, ‘వికటకవి’ ఓటీటీ సిరీసులు చేశాను. ఇప్పుడు ‘రుద్రవనం పీఎస్’ అంటూ రాబోతోన్నాం. నాకు ఈ జర్నీలో సపోర్ట్ చేసిన జీ5 ఓటీటీ టీంకు థాంక్స్" అని చెప్పారు.
"నన్ను నమ్మి అవకాశం ఇచ్చిన సూర్యకాంతి గారికి, రమేష్ గారికి థాంక్స్. శశితో నేను ఎన్నో కథల్ని చర్చించాను. అతని వద్ద ఇంకా చాలా గొప్ప గొప్ప కథలున్నాయి. శశి, అష్కర్ ఎన్నో నిద్రలేని రాత్రుల్ని గడిపారు. ఈ సిరీస్‌లో ప్రతీ ఒక్కరూ అద్భుతంగా నటించారు. అక్టోబర్ 30 నుంచి ఈ సిరీస్ జీ5 ఓటీటీలో స్ట్రీమింగ్ కాబోతోంది. అందరూ తప్పకుండా చూడండి" అని కోరారు హీరో నరేష్ అగస్త్య.
ప్రతీ ఎపిసోడ్ ఇంట్రెస్టింగ్‌గా
దర్శకుడు శశిధర్ మున్నంగి మాట్లాడుతూ .. "‘రుద్రవనం పీఎస్’ క్రైమ్, థ్రిల్లర్‌గా రాబోతోంది. ప్రతీ ఎపిసోడ్ ఇంట్రెస్టింగ్‌గా ఉంటుంది. తెలుగులో గొప్ప క్రైమ్, థ్రిల్లర్‌గా నిలుస్తుంది. ఈ ప్రయాణంలో సపోర్ట్ చేసిన జీ5 టీంకి, నా నిర్మాతలు, నా ఆర్టిస్టులకు థాంక్స్. జీ5లో అక్టోబర్ 30 నుంచి ఓటీటీ స్ట్రీమింగ్ కానుంది. అందరూ చూసి సపోర్ట్ చేయండి" అని అన్నారు.
"‘రుద్రవనం పీఎస్’ సిరీస్‌ను మా దర్శకుడు శశి గారు అద్భుతంగా తెరకెక్కించారు. మా ప్రాజెక్ట్‌కి ఎంతో సపోర్ట్ చేసిన జీ5 టీంకి థాంక్స్. హరీష్ శంకర్ గారి వల్లే నేను ఈ ఇండస్ట్రీలోకి వచ్చాను. ఈ రోజు మా కోసం ఆయన రావడం ఆనందంగా ఉంది. ఈ జర్నీలో సపోర్ట్ చేసిన నా టీంకి థాంక్స్" అని నిర్మాత రమేష్ చెప్పారు.
జీ5 ఓటీటీలో స్ట్రీమింగ్
"‘రుద్రవనం పీఎస్’లోని ప్రతీ ఎపిసోడ్ అద్భుతంగా ఉంటుంది. ఎక్కడా బోర్ కొట్టించకుండా ఉంటుంది. జీ5 టీం ఇచ్చిన సపోర్ట్‌ని మేం ఎప్పుడూ మర్చిపోలేం. మా కోసం వచ్చిన హరీష్ శంకర్ గారికి థాంక్స్. మాకు సపోర్ట్ చేస్తున్న మీడియా, సోషల్ మీడియాకు ధన్యవాదాలు. అక్టోబర్ 30 నుంచి జీ5 ఓటీటీలో స్ట్రీమింగ్ కాబోతోంది. అందరూ చూడండి" అని కోరారు ప్రొడ్యూసర్ సూర్యక్రాంతి.
