Nari Nari Naduma Murari: టీవీలోకి సంక్రాంతి బ్లాక్ బస్టర్.. నారీ నారీ నడుమ మురారీ వరల్డ్ టెలివిజన్ ప్రీమియర్ ఎప్పుడంటే?

Nari Nari Naduma Murari: శర్వానంద్ హీరోగా నటించిన సంక్రాంతి బ్లాక్ బస్టర్ నారీ నారీ నడుమ మురారి మూవీ టీవీలోకి రాబోతోంది. థియేటర్లో, ఓటీటీలో అదరగొట్టిన ఈ సినిమా వరల్డ్ టెలివిజన్ ప్రీమియర్ కు రెడీ అవుతోంది.

Nari Nari Naduma Murari: సంక్రాంతి 2026 బ్లాక్ బస్టర్ గా నిలిచిన ‘నారీ నారీ నడుమ మురారి’ మూవీ టీవీలోకి వచ్చేస్తోంది. శర్వానంద్ హీరోగా నటించిన ఈ చిత్రం బాక్సాఫీస్ ను షేక్ చేసింది. సూపర్ డూపర్ హిట్ గా నిలిచింది. ఓటీటీలోనూ అదరగొట్టింది. ఇప్పుడు వరల్డ్ టెలివిజన్ ప్రీమియర్ కు రెడీ అవుతోంది.

టీవీలో నారీ నారీ నడుమ మురారి

టీవీలోకి వస్తున్న నారీ నారీ నడుమ మురారి (x/ImSharwanand)

నారీ నారీ నడుమ మురారి మూవీ టీవీ ప్రీమియర్ కు సమయం దగ్గర పడుతోంది. ఈ బ్లాక్ బస్టర్ మూవీ ఈటీవీ ఛానెల్ లో స్ట్రీమింగ్ కు రానుంది. వచ్చే ఆదివారం అంటే ఏప్రిల్ 26 సాయంత్రం 6 గంటలకు ఈటీవీలో నారీ నారీ నడుమ మురారి మూవీ ప్రీమియర్ కానుంది.

బ్లాక్ బస్టర్

2026 సంక్రాంతి పండుగ సందర్భంగా జనవరి 14న నారీ నారీ నడుమ మురారి సినిమా రిలీజైంది. పాజిటివ్ టాక్ తో బ్లాక్ బస్టర్ గా నిలిచింది. కలెక్షన్ల దుమ్ము రేపింది. కామెడీ ఎంటర్ టైనర్ గా ఫ్యామిలీస్ ను అలరించింది. ఈ మూవీకి రామ్ అబ్బరాజు డైరెక్టర్. ఈ చిత్రంలో సంయుక్త మీనన్, సాక్షి వైద్య హీరోయిన్లుగా నటించారు.

ఓటీటీలోనూ అదుర్స్

నారీ నారీ నడుమ మురారి సినిమా ఓటీటీలోనూ అదుర్స్ అనిపించింది. ఫిబ్రవరి 4న ప్రైమ్ వీడియోలో ఈ బ్లాక్ బస్టర్ డిజిటల్ డెబ్యూ చేసింది. తెలుగుతో పాటు తమిళ్, కన్నడ, మలయాళం, హిందీ భాషల్లో నారీ నారీ నడుమ మురారి స్ట్రీమింగ్ అవుతోంది. ఓటీటీలోకి రిలీజైన వెంటనే ఈ మూవీ ట్రెండింగ్ లోకి దూసుకెళ్లింది.

నారీ నారీ నడుమ మురారి స్టోరీ

ప్రేమించిన అమ్మాయి నిత్యతో గౌతమ్ పెళ్లి జరుగుతుండగా.. మాజీ గర్ల్‌ఫ్రెండ్ దియా (సంయుక్త మీనన్) వచ్చి అడ్డుపడుతుంది. ఆ తర్వాత ఏమైంది? అసలు గౌతమ్ పెళ్లికి దియా ఎందుకు అడ్డు పడింది?, గౌతమ్ తండ్రి కార్తీక్ (వీకే నరేష్) లేటు వయసులో పల్లవి (సిరి హనుమంత్)ని పెళ్లి చేసుకోడానికి కారణం ఏంటీ?

గౌతమ్ దియాకు ఎందుకు బ్రేకప్ అయింది? రామలింగం పెట్టిన కండిషన్ ఏంటీ? చివరికి నిత్యతో గౌతమ్ పెళ్లి జరిగిందా? లేదా? అనేది తెలియాలంటే నారీ నారీ నడుమ మురారి సినిమాను చూడాల్సిందే.