OTT Actress Maanvi Gagroo On Casting Couch: గ్లామర్ ప్రపంచంలో మెరిసిపోయే నటీమణుల వెనుక ఎన్నో చీకటి కోణాలు, చేదు నిజాలు దాగుంటాయి. కాస్టింగ్ కౌచ్ (లైంగిక వేధింపులు) అనే మహమ్మారి చిత్ర పరిశ్రమను ఎంతగా పట్టిపీడిస్తోందో ఎందరో నటీమణులు ఇప్పటికే బహిరంగంగానే చెప్పారు.
భయంకరమైన అనుభవం
తాజాగా ప్రముఖ బోల్డ్ ఓటీటీ వెబ్ సిరీస్ స్టార్, నటి మాన్వి గాగ్రూ తన కెరీర్ తొలినాళ్లలో ఎదురైన ఒక భయంకరమైన అనుభవాన్ని పంచుకుని సంచలనం రేపింది. ఒక ప్రాజెక్ట్ కోసం తనను నేరుగా మెసేజ్లోనే ‘కాంప్రమైజ్’ (శృంగారానికి సమ్మతి) అవ్వమన్నారంటూ ఆమె షాకింగ్ విషయాలు వెల్లడించింది.
లక్ష రూపాయలు.. ప్లస్ కాంప్రమైజ్!
ఇటీవల ఒక పాడ్కాస్ట్ ఇంటర్వ్యూలో పాల్గొన్న మాన్వి గాగ్రూ, సినిమా ఇండస్ట్రీలోకి కొత్తగా వచ్చినప్పుడు ఎదుర్కొన్న ఇబ్బందులను గుర్తుచేసుకుంది. ఒక రోజు ఒక వ్యక్తి నుంచి తన ఫోన్కు మెసేజ్ వచ్చిందని, అందులో "రూ. 1 లక్ష ప్లస్ కాంప్రమైజ్" అని రాసి ఉందని చెప్పింది. అప్పట్లో ఇండస్ట్రీకి కొత్త కావడం వల్ల ఆ పదానికి అసలు అర్థం ఏమిటో కూడా తనకు తెలియదని పేర్కొంది.
"మొదట్లో ఆ మెసేజ్ చూసి నేను అయోమయానికి గురయ్యాను. దాంతో ఎదుటి వ్యక్తికి ‘కాంప్రమైజ్ అంటే ఏంటి?’ అని రిప్లై కూడా ఇచ్చాను" అని మాన్వి వివరించింది. ఆ తర్వాత ఈ విషయాన్ని తనకు మెంటార్లా ఉండే ఒక కాస్టింగ్ డైరెక్టర్కు చూపించగా, అతను వెంటనే ఆ నంబర్ను బ్లాక్ చేసి, మెసేజ్ డిలీట్ చేయమని సలహా ఇచ్చాడని తెలిపింది.
జీఎస్టీ లాంటిదేమో అనుకున్నా!
సాధారణంగా ఇలాంటి విషయాల్లో ఎలాంటి ఆధారాలు దొరక్కుండా ఫోన్లలో మాట్లాడుతుంటారని, కానీ తనకు నేరుగా టెక్ట్స్ మెసేజ్ పంపడం చూసి ఆశ్చర్యపోయానని ఓటీటీ బ్యూటీ మాన్వి గాగ్రూ చెప్పుకొచ్చింది. ఇండస్ట్రీపై ఎలాంటి అవగాహన లేకపోవడం వల్లే తాను ఆ పదాన్ని తప్పుగా అర్థం చేసుకున్నానని మాన్వి నవ్వుతూ చెప్పింది.
{{/usCountry}}సాధారణంగా ఇలాంటి విషయాల్లో ఎలాంటి ఆధారాలు దొరక్కుండా ఫోన్లలో మాట్లాడుతుంటారని, కానీ తనకు నేరుగా టెక్ట్స్ మెసేజ్ పంపడం చూసి ఆశ్చర్యపోయానని ఓటీటీ బ్యూటీ మాన్వి గాగ్రూ చెప్పుకొచ్చింది. ఇండస్ట్రీపై ఎలాంటి అవగాహన లేకపోవడం వల్లే తాను ఆ పదాన్ని తప్పుగా అర్థం చేసుకున్నానని మాన్వి నవ్వుతూ చెప్పింది.
{{/usCountry}}"కాంప్రమైజ్ అంటే బడ్జెట్లో ఏమైనా తగ్గించుకోవాలేమో అనుకున్నా. మనం జీఎస్టీ ప్లస్ అంటాం కదా.. అలాగే ఒక లక్ష రూపాయలు, దానికి తోడు జీఎస్టీ లాంటిది లేదా కాంప్లిమెంటరీ ఆఫర్ ఏమైనా ఇస్తున్నారేమో అని భావించా" అని మాన్వి నాటి అమాయకత్వాన్ని గుర్తుచేసుకుంది. ఆ తర్వాత కానీ ఆ మెసేజ్ వెనుక ఉన్న అసలు క్రూరమైన ఉద్దేశం తనకు అర్థం కాలేదని స్పష్టం చేసింది.
వారసత్వం లేని వారికే ఈ కష్టాలు
చిత్ర పరిశ్రమలో బ్యాక్గ్రౌండ్ లేని నటీనటులు (నాన్-నెపో కిడ్స్) ఎదుర్కొనే సవాళ్లపై మాన్వి స్పందిస్తూ ఘాటు వ్యాఖ్యలు చేసింది. "సినిమా వారసత్వంతో వచ్చే స్టార్ కిడ్స్కు ఇలాంటి పరిస్థితులు ఎప్పుడూ ఎదురుకావు. ఎలాంటి బ్యాక్గ్రౌండ్ లేకుండా ఇండస్ట్రీలోకి అడుగుపెట్టే మాలాంటి వారే ఇలాంటివన్నీ భరిస్తూ ముందుకు సాగాలి. ఇక్కడ ప్రయాణం అంత సులువు కాదు" అని ఆమె ఆవేదన వ్యక్తం చేసింది.
వెబ్ సిరీస్ స్టార్గా గుర్తింపు.. ఆరేళ్ల తర్వాత థియేటర్లలోకి!
2007లో డిస్నీ టీవీ సిరీస్ 'ధూమ్ మచావో ధూమ్'తో కెరీర్ ప్రారంభించిన మాన్వి గాగ్రూ, ఆ తర్వాత 'నో వన్ కిల్డ్ జెస్సికా', ఆమిర్ ఖాన్ నటించిన 'పీకే' వంటి చిత్రాల్లో చిన్న పాత్రలు పోషించింది. భారతదేశంలో ఓటీటీ విప్లవానికి నాంది పలికిన తొలినాటి వెబ్ సిరీస్ 'పిచర్స్', 'ట్రిప్లింగ్'లలో చంచల్ పాత్రతో ఆమె విపరీతమైన క్రేజ్ సంపాదించుకుంది.
ఆ తర్వాత 'మేడ్ ఇన్ హెవెన్', 'ఫోర్ మోర్ షాట్స్ ప్లీజ్!' వంటి ఓటీటీ బోల్డ్ సిరీస్తోపాటు 'ఉజ్డా చమన్', శుభ్ మంగళ్ జ్యాదా సావధాన్ వంటి ప్రాజెక్ట్లతో నటిగా మంచి గుర్తింపు తెచ్చుకుంది మాన్వి గాగ్రూ. దాదాపు ఆరేళ్ల విరామం తర్వాత మాన్వి మళ్లీ వెండితెరపై మెరిసింది.
జూన్ 12న థియేటర్లలో
మాన్వీ గాగ్రూ ప్రధాన పాత్రలో నటించిన లేడీ ఓరియెంటెడ్ రోడ్-ట్రిప్ డ్రామా 'హీర్ సారా' జూన్ 12న థియేటర్లలో విడుదలైంది. పాండిచ్చేరి నేపథ్యంలో సాగే ఇద్దరు భిన్నమైన మహిళల స్నేహం, ఆత్మపరిశీలన చుట్టూ ఈ కథ సాగుతుంది. ఇందులో నటి పత్రలేఖ కూడా మరో ముఖ్య పాత్ర పోషించింది.