OTT Release Movies Today: థియేటర్లకు వెళ్లే ఓపిక లేనివారికీ, ఇంట్లోనే ప్రశాంతంగా కూర్చుని కొత్త సినిమాలు చూడాలనుకునేవారికీ ఓటీటీ ప్లాట్ఫామ్స్ సరికొత్త వినోదాన్ని అందిస్తున్నాయి. ప్రతి వారంలాగే ఈ వారం కూడా ఓటీటీ ప్రియులను అలరించేందుకు విభిన్న జానర్లలో సినిమాలు, వెబ్ సిరీస్లు డిజిటల్ స్క్రీన్పైకి వచ్చేశాయి.
ఓటీటీలో 5 ఇంట్రెస్టింగ్ సినిమాలు
అయితే, ఇవాళ (జూలై 9) ఒక్కరోజు 5 ఇంట్రెస్టింగ్ సినిమాలు ఓటీటీ రిలీజ్ అయ్యాయి. నెట్ఫ్లిక్స్, జియో హాట్స్టార్, సన్ నెక్ట్స్ ఓటీటీల్లో రామ్ చరణ్ పెద్ది నుంచి శ్రద్ధా దాస్ హారర్ థ్రిల్లర్ త్రికాల వరకు ఓటీటీ స్ట్రీమింగ్ అవుతోన్న ఆ సినిమాలపై లుక్కేద్దాం.
నెట్ఫ్లిక్స్లో 'పెద్ది' యాక్షన్ హంగామా
యూత్కు నచ్చే కమర్షియల్ ఎలిమెంట్స్తో కూడిన స్పోర్ట్స్ యాక్షన్ డ్రామాలు ఈ మధ్య కాలంలో బాగా ఆకట్టుకుంటున్నాయి. అదే కోవలో నెట్ఫ్లిక్స్ వేదికగా ఈరోజు నుంచి పెద్ది ఓటీటీ స్ట్రీమింగ్ అవుతోంది. రామ్ చరణ్ యాక్షన్ సీక్వెన్సులతో పాటు, జాన్వీ కపూర్, జగపతి బాబు, శివ రాజ్కుమార్ మెప్పించే నటనతో తెరకెక్కించిన ఈ చిత్రం స్పోర్ట్స్ బ్యాక్డ్రాప్ ఇష్టపడే ప్రేక్షకులకు మంచి ఎంపిక కానుంది.
లిటిల్ హౌస్ ఆన్ ది ప్రయిరే ఓటీటీ
పెద్దితోపాటు పాటు అంతర్జాతీయ కంటెంట్ను తెలుగులో చూడాలనుకునేవారి కోసం నెట్ఫ్లిక్స్ ఓటీటీ మరో క్రేజీ సిరీస్ను తీసుకొచ్చింది. 'లిటిల్ హౌస్ ఆన్ ది ప్రయిరే' అనే ఇంగ్లీష్ హిస్టారికల్ ఫిక్షన్ రొమాంటిక్ అడ్వెంచర్ వెబ్ సిరీస్ను తెలుగు డబ్బింగ్తో అందుబాటులోకి తెచ్చారు. చారిత్రక కథాంశంతో సాగే సాహసాలు, ప్రేమకథలు ఇష్టపడే తెలుగు వీక్షకులను ఈ ఓటీటీ సిరీస్ అలరించనుంది.
సన్ నెక్ట్స్ ఓటీటీలో భయపెట్టే 'త్రికాల'
తెలుగు ప్రేక్షకులకు మైథలాజికల్, హారర్ థ్రిల్లర్ జోనర్లంటే ఎప్పుడూ ఒక ప్రత్యేకమైన క్రేజ్ ఉంటుంది. గతంలో వచ్చిన విరూపాక్ష, కార్తికేయ-2 లాంటి చిత్రాలను మనవాళ్లు ఎంతలా ఆదరించారో తెలిసిందే. ఇప్పుడు అదే తరహా ఉత్కంఠను పంచేందుకు శ్రద్ధా దాస్ నటించిన త్రికాల - స్క్రిప్ట్ ఆఫ్ గాడ్ ఓటీటీలోకి వచ్చేసింది.
{{/usCountry}}తెలుగు ప్రేక్షకులకు మైథలాజికల్, హారర్ థ్రిల్లర్ జోనర్లంటే ఎప్పుడూ ఒక ప్రత్యేకమైన క్రేజ్ ఉంటుంది. గతంలో వచ్చిన విరూపాక్ష, కార్తికేయ-2 లాంటి చిత్రాలను మనవాళ్లు ఎంతలా ఆదరించారో తెలిసిందే. ఇప్పుడు అదే తరహా ఉత్కంఠను పంచేందుకు శ్రద్ధా దాస్ నటించిన త్రికాల - స్క్రిప్ట్ ఆఫ్ గాడ్ ఓటీటీలోకి వచ్చేసింది.
{{/usCountry}}సన్ నెక్ట్స్ ఓటీటీలో ఈరోజు నుంచి త్రికాల స్ట్రీమింగ్ అవుతోంది. దైవిక అంశాలు, భయానక వాతావరణం కలగలిపిన ఈ మిస్టరీ థ్రిల్లర్ కచ్చితంగా సరికొత్త అనుభూతిని ఇస్తుందని మేకర్స్ నమ్ముతున్నారు.
జియో హాట్స్టార్ ఓటీటీలో
హాలీవుడ్ కామెడీ డ్రామాలను ఇష్టపడే వారి కోసం జియో హాట్స్టార్లో 'ది ఫైవ్ స్టార్ వీకెండ్' అనే ఇంగ్లీష్ వెబ్ సిరీస్ జూలై 9న ఓటీటీ రిలీజ్ అయింది. వారాంతంలో కాస్త సరదాగా, తేలికపాటి హాస్యంతో సాగిపోయే కథలను ఇష్టపడే వారికి ఇది బాగా కనెక్ట్ అవుతుంది.
చౌపల్ ఓటీటీ సినిమా
మరోవైపు ప్రాంతీయ భాషా చిత్రాలపై ఆసక్తి ఉన్న వీక్షకుల కోసం చౌపల్ ఓటీటీలో 'కాకా జమ్ పేయ' అనే పంజాబీ కామెడీ డ్రామా చిత్రం విడుదలైంది. పంజాబీ స్టైల్ మార్క్ హాస్యం, కుటుంబ కథాంశంతో ఈ సినిమా సాగుతుంది.
తెలుగులో 3 స్ట్రీమింగ్
మొత్తానికి ఈ గురువారం (జూలై 9) ఓటీటీల్లో అటు మాస్ యాక్షన్, ఇటు హారర్ థ్రిల్లర్లతో పాటు సరికొత్త వినోదంతో 5 ఇంట్రెస్టింగ్ సినిమాలు ముస్తాబయ్యాయి. వీటిలో మూడు తెలుగులోనే ఓటీటీ ప్రీమియర్ అవుతున్నాయి.