Peddi Box Office: పెద్ది ఆటతో కొట్టుకుపోయిన బాలీవుడ్ మెగాహిట్స్- టాప్ 3లో రామ్ చరణ్ మూవీ- తొలి రోజు కలెక్షన్స్ ఎంతంటే?

Peddi Box Office Collection Day 1: మెగా పవర్ స్టార్ రామ్ చరణ్ బాక్సాఫీస్ ఊచకోత మొదలైంది. బుచ్చిబాబు సాన దర్శకత్వంలో వచ్చిన పెద్ది బాక్సాఫీస్ వద్ద తొలిరోజే కలెక్షన్ల సునామీ సృష్టించింది. ప్రపంచవ్యాప్తంగా భారీ వసూళ్లు సాధించి, రామ్ చరణ్ సోలో కెరీర్‌లోనే బిగ్గెస్ట్ ఓపెనింగ్‌గా నిలిచింది.

Peddi Box Office Collections Day 1: గ్లోబల్ స్టార్ రామ్ చరణ్ క్రేజ్ ఏంటో 'పెద్ది' సినిమా నిరూపించింది. సూపర్ హిట్ 'ఆర్ఆర్ఆర్', ఫ్లాప్ మూవీ 'గేమ్ ఛేంజర్' తర్వాత రామ్ చరణ్ నుంచి వచ్చిన పక్కా మాస్ స్పోర్ట్స్ డ్రామా కావడంతో ఈ చిత్రంపై అంచనాలు ఆకాశాన్నంటాయి.

పెద్ది బాక్సాఫీస్ విధ్వంసం

Peddi box office collection day 1: Ram Charan plays the lead in Buchi Babu Sana film.

'ఉప్పెన' ఫేమ్ బుచ్చిబాబు సాన దర్శకత్వంలో భారీ అంచనాల మధ్య గురువారం (జూన్ 4) విడుదలైన 'పెద్ది' బాక్సాఫీస్ వద్ద ఊహించని రేంజ్‌లో విధ్వంసం మొదలుపెట్టింది. అడ్వాన్స్ బుకింగ్స్ నుంచే కనిపిస్తున్న ఈ ట్రెండ్, తొలిరోజు కలెక్షన్స్‌లో స్పష్టంగా కనిపించింది. రామ్ చరణ్ మాస్ పవర్ ముందు బాక్సాఫీస్ రికార్డులు బద్దలయ్యాయి.

బాక్సాఫీస్ వద్ద 'పెద్ది' ఊచకోత

దేశవ్యాప్తంగా సుమారు 3000 స్క్రీన్లలో విడుదలైన 'పెద్ది', అడ్వాన్స్ బుకింగ్స్ ద్వారానే రూ. 20 కోట్ల గ్రాస్ వసూలు చేసి, దాదాపు 8.2 లక్షల టిక్కెట్లు తెగడం సినిమాపై ఉన్న అంచనాలకు అద్దం పట్టింది. సక్నిల్క్ నివేదిక ప్రకారం, భారత్‌లో తొలిరోజు పెద్ది సినిమా రూ. 40.66 కోట్ల నెట్ కలెక్షన్స్ రాబట్టింది.

ఇందులో అత్యధిక వాటా తెలుగు రాష్ట్రాల నుంచే ఉంది. తెలుగు వెర్షన్ ఏకంగా రూ. 36.99 కోట్ల నెట్ సాధించింది. థియేటర్లలో రోజంతా 68 శాతానికి పైగా ఆక్యుపెన్సీ నమోదు కావడం విశేషం. కాగా, బుధవారం రాత్రి వేసిన పెయిడ్ ప్రీవ్యూస్ ద్వారానే రూ. 18.50 కోట్లు రాబట్టింది. వీటితో కలుపుకుని 'పెద్ది' మొత్తం తొలిరోజు కలెక్షన్స్ రూ. 59.16 కోట్లకు చేరాయి. ఇది రామ్ చరణ్ సోలో కెరీర్‌లోనే అతిపెద్ద ఓపెనింగ్.

'పఠాన్', 'గద్దర్ 2' రికార్డులు అవుట్..

అలాగే, రామ్ చరణ్ గత చిత్రం 'గేమ్ ఛేంజర్' రికార్డును కూడా తుడిచిపెట్టేసింది. 'గేమ్ చేంజర్' తొలిరోజు రూ. 50 కోట్లు సాధించినా, నెగిటివ్ టాక్ వల్ల తర్వాత చతికిలపడింది. కానీ, 'పెద్ది'కి పాజిటివ్ రివ్యూలు వస్తుండటంతో లాంగ్ రన్ ఊహించని విధంగా ఉంటుందని ట్రేడ్ వర్గాలు విశ్లేషిస్తున్నాయి.

హిందీలో మాత్రం డిసప్పాయింట్

కాగా, పాన్ ఇండియా సినిమాగా ప్రచారం చేసినా హిందీ బెల్ట్‌లో 'పెద్ది' ఆశించిన స్థాయిలో రాణించలేకపోయింది. అక్కడ కేవలం 15 శాతం ఆక్యుపెన్సీతో రూ. 2.84 కోట్లు మాత్రమే వసూలు చేసింది. ఉత్తరాది ప్రేక్షకులకు రామ్ చరణ్ ముఖం పరిచయం ఉన్నా, జాన్వీ కపూర్ హీరోయిన్‌గా నటించినా హిందీ ఓపెనింగ్స్ నిరాశపరిచాయి.

పెద్ది వరల్డ్ వైడ్ కలెక్షన్స్

ఏది ఏమైనా, 2026లో అత్యుత్తమ ఓపెనింగ్స్ సాధించిన భారతీయ సినిమాలలో 'పెద్ది' మూడో స్థానంలో (టాప్ 3) నిలిచింది. రణ్‌వీర్ సింగ్ 'ధురంధర్ 2' (రూ. 102 కోట్లు), ప్రభాస్ 'ది రాజా సాబ్' (రూ. 62 కోట్లు) తర్వాత 'పెద్ది' నిలిచింది. అలాగే, వరల్డ్ వైడ్‌గా పెద్ది సినిమాకు తొలి రోజు రూ. 112.49 కోట్ల గ్రాస్ కలెక్షన్స్ వచ్చినట్లు ఇండియా టుడే పేర్కొంది.

11వ తెలుగు సినిమాగా

దీంతో గ్లోబల్‌గా 100 కోట్ల ఓపెనింగ్ కలెక్షన్స్ రాబట్టిన 11వ తెలుగు సినిమాగా రికార్డ్ సాధించింది రామ్ చరణ్ పెద్ది సినిమా. ఇక ఇండియాలో రూ. 80 కోట్ల గ్రాస్ కలెక్షన్స్ వచ్చినట్లుగా సమాచారం. వృద్ధి సినిమాస్ బ్యానర్‌పై వెంకట సతీష్ కిలారు నిర్మించిన ఈ చిత్రంలో శివ రాజ్‌కుమార్, జగపతి బాబు, బోమన్ ఇరానీ వంటి దిగ్గజ నటులు కీలక పాత్రలు పోషించారు.